ཀ་ར་སྙི་མོ་འདི་རིགས་ལ་དོགས་ཟོན་བྱོས།

ཉེ་ཆར། ཧྲེན་དབྱང་འགག་སྒོས་སོ་མ་ར་ཙ་འདྲེས་པའི་ཀ་ར་སྙི་མོའི་ཤེལ་དམ6རྩད་ཆོད་པ་རེད། 

ཞིབ་བཤེར་བྱས་པ་བརྒྱུད། ཐུམ་སྒྲིལ་ནང་དུ་ཀ་ར་སྙི་མོ་ཤེལ་དམ6ཡོད་པ་དང་། ཚོད་ལྟའི་སྨན་རྫས་ཀྱིས་ཞིབ་དཔྱད་བྱས་པ་བརྒྱུད། ཀ་ར་སྙི་མོ་དེ་དག་སོ་མ་ར་ཙ་འདྲེས་པ་དང་། ལྗིད་ཚད་ཁེ3907ཟིན་པ་ཤེས་རྟོགས་བྱུང་བ་རེད། ཆེད་ལས་ལས་ཁུངས་ཀྱིས་གསལ་འབྱེད་བྱས་པ་བརྒྱུད། ཀ་ར་སྙི་མོ་འདི་ལ་ཆིང་བཞི་མ་ཧྥུན（THC）གྱི་གྲུབ་ཆ་འདུས་ཡོད། མིག་སྔར་གྱོད་གཞི་དེ་འགག་སྒོའི་ལྐོག་འདྲེན་འཛིན་བཟུང་སྡེ་ཚན་ལ་ཐག་གཅོད་བྱ་རྒྱུར་བསྐྱལ་བ་རེད།  

འགག་སྒོས་དྲན་སྐུལ་བྱས་དོན། སོ་མ་ར་ཙ་ནི《སྦྲིད་སྨན་རིགས་ཀྱི་དཀར་ཆག（2013ལོའི་པར་གཞིའི）》ནང་བཅུག་པ་དང་། རང་རྒྱལ་གྱིས་དོ་དམ་བྱེད་པའི་སྦྲིད་སྨན་གྱི་ཁོངས་སུ་གཏོགས་ཡོད། 《སྦྲིད་སྨན་དང་ཀླད་རྩའི་སྨན་རྫས་དོ་དམ་སྲོལ་ཡིག》གཞིར་བཟུང་ནས། རྒྱལ་ཁབ་ཀྱིས་སྦྲིད་སྨན་སྨན་སྤྱོད་མ་བཅོས་རྩི་ཤིང་དང་དེ་བཞིན་སྦྲིད་སྨན་དང་ཀླད་རྩའི་སྨན་རྫས་བཅས་ལ་དོ་དམ་བྱ་རྒྱུ་རེད། དེ་དང་ཆབས་ཅིག 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཉེས་ཁྲིམས》ཀྱི་དོན་ཚན་སུམ་བརྒྱ་ཞེ་བདུན་པའི་གཏན་འབེབས་གཞིར་བཟུང་། དུག་རྫས་ལྐོག་འདྲེན་དང་འཚོང་འགྲེམས། དབོར་འདྲེན། དུག་རྫས་བཟོ་པ་བཅས་བྱས་རིགས་གྲངས་འབོར་མང་ཉུང་ལ་མ་བལྟོས་པར་ཚང་མར་ཉེས་དོན་འགན་འཁྲི་བདའ་འདེད་གཏོང་དགོས་པ་དང་ཉེས་དོན་ཆད་པ་གཅོད་དགོས།