མཚོ་བྱང་ཁུལ་གྱི་འཐབ་ཕྱོགས་གཅིག་གྱུར་པུའུ་ཀྲང་དང་མི་རིགས་ཆོས་ལུགས་བྱ་བའི་ཨུ་ལྷན་གྱི་ཀྲུའུ་རིན（ཅུས་ཀྲང）ཚོགས་འདུ་འཚོགས།

མཚོ་བྱང་ཁུལ་གྱི་འཐབ་ཕྱོགས་གཅིག་གྱུར་པུའུ་ཀྲང་དང་མི་རིགས་ཆོས་ལུགས་བྱ་བའི་ཨུ་ལྷན་གྱི་ཀྲུའུ་རིན（ཅུས་ཀྲང）ཚོགས་འདུ་འཚོགས།

ཟླ3པའི་ཚེས28ཉིན། མཚོ་བྱང་ཁུལ་གྱི་འཐབ་ཕྱོགས་གཅིག་གྱུར་པུའུ་ཀྲང་དང་མི་རིགས་ཆོས་ལུགས་བྱ་བའི་ཨུ་ལྷན་གྱི་ཀྲུའུ་རིན(ཅུས་ཀྲང)ཚོགས་འདུ་འཚོགས། ཚོགས་འདུའི་ཐོག་རྒྱལ་ཡོངས་འཐབ་ཕྱོགས་གཅིག་གྱུར་པུའུ་ཀྲང་དང་མི་རིགས་བྱ་བའི་ཨུ་ལྷན་གྱི་ཀྲུའུ་རིན་ཚོགས་འདུའི་དགོངས་དོན་དང་། ཞིང་ཆེན་ཡོངས་ཀྱི་འཐབ་ཕྱོགས་གཅིག་གྱུར་པུའུ་ཀྲང་དང་མི་རིགས་ཆོས་ལུགས་བྱ་བའི་ཨུ་ལྷན་གྱི་ཀྲུའུ་རིན(ཅུས་ཀྲང)ཚོགས་འདུའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། 2024ལོའི་ཁུལ་ཡོངས་ཀྱི་འཐབ་ཕྱོགས་གཅིག་གྱུར་དང་མི་རིགས་ཆོས་ལུགས་བྱ་བར་སྤྱི་ཡོངས་ནས་ཕྱོགས་སྡོམ་བྱས་ལ། 2025ལོའི་བྱ་བ་བཀོད་སྒྲིག་བྱས། ཁུལ་ཨུའི་རྒྱུན་ཨུའམ་རྩ་འཛུགས་པུའུ་ཡི་པུའུ་ཀྲང་སི་ཅི་ཧྲིན་ཚོགས་འདུར་ཕེབས་ནས་གཏམ་བཤད་གནང་།

ཚོགས་འདུའི་ཐོག་བསྟན་དོན། འདས་པའི་ལོ་གཅིག་ནང་། ཁུལ་ཡོངས་ཀྱི་རིམ་པ་སོ་སོའི་འཐབ་ཕྱོགས་གཅིག་གྱུར་མི་རིགས་ཆོས་ལུགས་སྡེ་ཁག་གིས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་། ཞིང་ཆེན་དང་ཁུལ་ཨུའི་བྱ་བའི་བླང་བྱ་མཐའ་གཅིག་ཏུ་དོན་འཁྱོལ་བྱས་ལ། ཏང་གིས་འཐབ་ཕྱོགས་གཅིག་གྱུར་བྱ་བར་ཁྱོན་ཡོངས་ནས་མགོ་ཁྲིད་བྱེད་པར་རྒྱུན་ཆད་མེད་པར་ཤུགས་བསྣན་ཏེ། རྩ་བ་བརྟན་སྲུང་དང་གཙོ་གནད་ལ་དམིགས་པ། ཡང་དག་པའི་ཁ་ཕྱོགས་རྒྱུན་འཁྱོངས། མ་མཐའི་བསམ་གཞིགས་དང་དྲང་སྲུང་གསར་གཏོད་རྒྱུན་འཁྱོངས་བཅས་བྱས་ཏེ་བསམ་བློ་ཆབ་སྲིད་ཀྱིས་གཙོ་ལས་གཙོ་འགན་སྣེ་ཁྲིད་བྱེད་པར་མུ་མཐུད་དུ་ཤུགས་བསྣན་ནས་ཐོག་མཐའ་བར་གསུམ་དུ་ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུས་པས། ཁུལ་ཡོངས་ཀྱི་འཐབ་ཕྱོགས་གཅིག་གྱུར་དང་མི་རིགས་ཆོས་ལུགས་བྱ་བར་གྲུབ་འབྲས་གསར་བ་ཐོབ་པ་དང་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་བཏང་ཡོད་ཟེར།

ཚོགས་འདུའི་ཐོག་ནན་གྱིས་བསྟན་དོན། 2025ལོར་ཁུལ་ཡོངས་ཀྱི་རིམ་པ་སོ་སོའི་འཐབ་ཕྱོགས་གཅིག་གྱུར་མི་རིགས་ཆོས་ལུགས་སྡེ་ཁག་གིས་མཐུན་སྒྲིལ་ཆེན་མོ་དང་མཉམ་འབྲེལ་ཆེན་མོའི་བརྗོད་དོན་ལ་དམིགས་ནས་འཐབ་ཕྱོགས་གཅིག་གྱུར་གྱིས་མི་སེམས་གཅིག་སྒྲིལ་དང་སྟོབས་ཤུགས་གཅིག་སྡུད་བྱེད་པའི་རྩ་ཆེའི་མཆོག་ནོར་གྱི་ནུས་པ་འདོན་སྤེལ་ཏན་ཏིག་བྱས་ཏེ“གཅིག་ཅན་གསུམ”གྱི་ཐོག་འབད་བརྩོན་ཧུར་ཐག་བྱེད་དགོས་ཏེ། གཅིག་ནས་ཆབ་སྲིད་ཀྱི་སྣེ་ཁྲིད་བྱེད་ཤུགས་ཆེ་རུ་བཏང་ནས་བསམ་བློའི་སྟེང“བསམ་པ་གཅིག”བརྟན་པོ་ཡོང་བར་བྱེད་དགོས། རིག་གཞུང་སློབ་སྦྱོང་ལ་བརྟེན་ནས་ཐུན་མོང་གི་ངོས་འཛིན་ཟབ་ཏུ་གཏོང་བ་དང་གསོ་སྦྱོང་སློབ་གསོར་བརྟེན་ནས་ཐུན་མོང་གི་ངོས་འཛིན་ཟབ་ཏུ་གཏོང་བ། མཛའ་འབྲེལ་གྲོགས་སྒྲིག་ལ་བརྟེན་ནས་ཐུན་མོང་གི་ངོས་འཛིན་ཟབ་ཏུ་གཏོང་བ། དཔེ་མཚོན་དཔེ་སྟོན་ལ་བརྟེན་ནས་ཐུན་མོང་གི་ངོས་འཛིན་ཟབ་ཏུ་གཏོང་བ་བཅས་བྱེད་དགོས། གཉིས་ནས་ལྟེ་བའི་ཁྱོན་ཡོངས་ལ་ཞབས་འདེགས་ཞུ་བ་དང་བྱ་སྤྱོད་ཐད“སྟོབས་ཤུགས་གཅིག”ཏུ་འདུས་པར་བྱེད་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་གཏོང་རྒྱུ་གཙོ་གནད་དུ་བཟུང་སྟེ་དུས་རབས་གསར་པའི་ཏང་གི་བོད་སྐྱོང་ཐབས་ཇུས་དོན་འཁྱོལ་ནན་ཏན་བྱས་ནས་ཆོས་ལུགས་བྱ་བའི་དོ་དམ་ལ་ཕྱོགས་ཡོངས་ནས་ཤུགས་སྣོན་དགོས། གསུམ་ནས་ནུས་ཤུགས་ཆེན་པོ་གཅིག་སྒྲིལ་བྱས་ཏེ་མཐུན་སྒྲིལ་ཐད“སྒོར་དབྱིབས་གཅིག”ཡག་པོར་འབྲི་དགོས། འཐབ་ཕྱོགས་གཅིག་གྱུར་མི་རིགས་ཆོས་ལུགས་ལས་བྱེད་པའི་དཔུང་ཁག་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་ཁུལ་ཨུའི་འཐབ་ཕྱོགས་གཅིག་གྱུར་བྱ་བའི་མགོ་ཁྲིད་ཚན་ཆུང་གི་སྣེ་ཁྲིད་ནུས་པ་དང་ཉེན་ཁ་གལ་ཆེན་སྔོན་འགོག་དང་སེལ་བའི་ནུས་པར་ཤུགས་བསྣན་ཏེ་བསམ་བློའི་ཐུན་མོང་ངོས་འཛིན་གཅིག་སྡུད་དང་གསར་གཏོད་ཀྱི་སྒུལ་ཤུགས་སྐུལ་འདེད། ཞབས་ཞུའི་ནུས་པ་མཐོར་གཏོང་། བྱ་བའི་རྣམ་པ་འཐུས་ཚང་། ཕྱིར་སྡོད་རང་མིའི་བསམ་པ་དང་སྟོབས་ཤུགས་གཅིག་སྡུད། རྒྱལ་གཅེས་སྟོབས་ཤུགས་ཆེ་རུ་གཏོང་བ་སོགས་ཀྱི་ཐད་ཡར་རྒྱས་གསར་པ་ཡོང་བར་བྱེད་དགོས་ཟེར།

ཚོགས་འདུའི་ཐོག ཕྱོགས་སོ་སོའི་སྟོབས་ཤུགས་སྔར་ལས་གཅིག་གྱུར་སྤྱི་འདོམས་བྱས་ཏེ། འཐབ་ཕྱོགས་གཅིག་གྱུར་བྱ་བའི་མགོ་ཁྲིད་ཚན་ཆུང་གི་ནུས་པ་འདོན་སྤེལ་གང་ལེགས་བྱེད་པ་དང་། མི་རིགས་ཆོས་ལུགས་ཨུ་ལྷན་གྱི་ཨུ་ཡོན་ལམ་ལུགས་དང་མི་རིགས་བྱ་བ་མཐུན་སྦྱོར་ལམ་སྲོལ་འཐུས་ཚང་དང་དོན་འཁྱོལ་བྱས་ནས། དཔེ་མཚོན་ཉམས་མྱོང་ཕྱོགས་སྡོམ་དང་གདམ་གསེས་བྱེད་ཤེས་པ། ཞན་ཆ་དང་མི་འདང་སར་དབྱེ་ཞིབ་དང་ཞིབ་འཇུག་བྱས་ཏེ། བསམ་ཕྱོགས་དང་བྱ་ཐབས་གསར་གཏོད་བྱས་ནས་ཏང་ཨུས་གཅིག་གྱུར་མགོ་ཁྲིད་དང་། འཐབ་ཕྱོགས་གཅིག་གྱུར་པུའུ་ཡིས་སྣེ་ཁྲིད་མཐུན་སྦྱོར་བྱེད་པ། འབྲེལ་ཡོད་སྡེ་ཁག་གིས་རང་འགན་རང་འཁུར་བྱེད་པའི་འཐབ་ཕྱོགས་གཅིག་གྱུར་ཆེན་མོའི་བྱ་བའི་རྣམ་པ་ཆགས་པར་བྱེད་དགོས་པའི་བླང་བྱ་བཏོན།

ཁུལ་ཨུའི་འཐབ་ཕྱོགས་གཅིག་གྱུར་མགོ་ཁྲིད་ཚན་ཆུང་གི་ཁོངས་མིའི་ལས་ཁུངས་སོ་སོའི་འགན་འཁུར་བ་དང་། རྫོང་སོ་སོའི་འཐབ་ཕྱོགས་གཅིག་གྱུར་པུའུ་ཀྲང་། མི་རིགས་ཆོས་ལུགས་ཅུས་ཀྱི་ཅུས་ཀྲང་། ཁུལ་ཨུའི་འཐབ་ཕྱོགས་གཅིག་གྱུར་པུའུ་དང་ཁུལ་མི་རིགས་ཆོས་ལུགས་བྱ་བའི་ཨུ་ལྷན་གྱི་མགོ་ཁྲིད་ཚན་ཁག་གི་ཁོངས་མི་དང་དེ་བཞིན་ལས་བྱེད་པ་ཡོངས་ཚོགས་འདུར་ཞུགས།