ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚན་ཆུང་གིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་སློབ་མཇུག་སྒྲིལ།
ཟླ4པའི་ཚེས2ཉིན་གྱི་ཕྱི་དྲོར། ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚན་ཆུང་གིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭའི་སློབ་མཇུག་སྒྲིལ་བའི་མཛད་སྒོ་འཚོགས། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱི་མངགས་བཅོལ་ལྟར། ཁུལ་ཨུའི་རྒྱུན་ཨུའམ་རྩ་འཛུགས་པུའུ་ཡི་པུའུ་ཀྲང་སི་ཅི་ཧྲིན་གྱིས་སློབ་མཇུག་སྒྲིལ་བའི་མཛད་སྒོར་གཙོ་སྐྱོང་གནང་། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རིན་ཆན་གོ་ཆིན་དང་། ཁུལ་སྲིད་གྲོས་ཀྱི་ཀྲུའུ་ཞི་ཀྲུང་ཀྲི་ཅུན་མཛད་སྒོར་ཞུགས།
ཚོགས་འདུའི་ཐོག སངས་འབུམ་དང་ཀྲང་ཐའོ། ལའེ་མིན། ཚོ་ཅི་ཆང་བཅས་ཀྱིས“ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱས་ཏེ། ངོས་འཛིན་སྔར་ལས་ཆེ་རུ་གཏོང་བ་དང་ཡིད་ཆེས་བརྟན་གཏོང་། དངོས་སྒྲུབ་སྔོན་བརྩོན”བྱེད་པའི་བརྗོད་དོན་ལ་དམིགས་ནས་གོ་རིམ་ལྟར་དཔྱད་གླེང་གཏམ་བཤད་གནང་། ཚོགས་འདུའི་ཐོག་བསྟན་དོན། དུས་ཡུན་ཉིན་གཉིས་ཀྱི་དཔེ་ཀློག་འཛིན་གྲྭའི་སློབ་སྦྱོང་ཁྲོད། སློབ་མ་ཚང་མས་བསམ་བློ་གླེང་བ་དང་ངོས་འཛིན་གླེང་བ། མྱོང་ཚོར་གླེང་བ། གནད་དོན་ཞིབ་བཤེར་དང་ཞན་ཆ་འཚོལ་བ། འཆར་གཞི་བཤད་པ་བཅས་བྱས་པས། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་གྱི་ངོ་བོ་ཇི་ལྟར་ལག་བསྟར་བྱེད་པར་སྔར་ལས་ངོས་འཛིན་གཏིང་ཟབ་བྱུང་ཡོད་ལ། དེ་ནི་མཐོ་ཚད་ལྡན་པའི་ཆབ་སྲིད་ཀྱི་ཞུན་བརྡར་དང་མཐུག་ཚད་ལྡན་པའི་རིགས་པའི་གཞུང་ལུགས་སློབ་སྦྱོང་། གཏིང་ཟབ་པའི་བསམ་བློའི་བྱབས་ཁྲུས་ཤིག་ཡིན་པས་སྔོན་དཔག་གི་ཕན་འབྲས་ལ་སླེབས་ཡོད། ཐེངས་འདིའི་དཔེ་ཀློག་འཛིན་གྲྭ་མགོ་ཚུགས་ས་གསར་བར་བྱས་ཏེ། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་དོན་འཁྱོལ་བྱེད་པར་རྒྱུན་འཁྱོངས་ལྷོད་མེད་ཀྱིས་སྐུལ་འདེད་གཏོང་བ་དང་། སློབ་སྦྱོང་སློབ་གསོ་གཏིང་ཟབ་ཏུ་སྤེལ་བ་དང་དོན་དངོས་ཡོང་བར་སྐུལ་འདེད་གཏོང་དགོས་ཟེར།
ཚོགས་འདུའི་ཐོག་ནན་གྱིས་བསྟན་དོན། རིམ་པ་སོ་སོའི་ཏང་ཨུས(ཏང་ཙུའུ)དགོངས་དོན་གྱི་ངོ་བོར་སློབ་སྦྱོང་དང་གོ་བ་གཏིང་ཟབ་ལེན་པའི་ཐད་འབད་བརྩོན་བྱས་ཏེ་བྱ་ཐབས་སྣ་ཚོགས་བརྒྱུད་དེ་ཏང་ཡོན་ལས་བྱེད་པ་སྒྲིག་འཛུགས་བྱས་ནས་སློབ་སྦྱོང་དང་གོ་བ་ལེན་པ་དང་། མགོ་ཁྲིད་ལས་བྱེད་པས་དཔེ་སྟོན་གྱི་ནུས་པ་འདོན་སྤེལ་བྱས་ཏེ་ཁོངས་མི་ཡོངས་ལ་སློབ་སྦྱོང་བྱ་རྒྱུར་སྐུལ་ཁྲིད་བྱེད་པ་དང་ལྟ་སྐུལ་ལ་ཤུགས་བསྣན་ནས་ཏང་ནན་གྱིས་སྐྱོང་བའི་བྱེད་པོའི་འགན་འཁྲི་དོན་འཁྱོལ་བྱེད་དགོས། བཤེར་འདོན་ཡོ་བསྲང་ལ་སྐུལ་འདེད་གཏོང་བའི་ཐད་ཕན་འབྲས་དངོས་བརྩོན་ལེན་བྱེད་དགོས། ས་ཁུལ་དེ་དང་སྡེ་ཁག་དེའི་འབྲེལ་ཡོད་གནད་དོན་མངོན་གསལ་ཅན་ཞིབ་བསྡུར་ལེགས་སྒྲིག་བྱས་ཏེ། རེ་རེ་བཞིན་འཚོལ་བཤེར་བྱེད་པ་དང་། གསལ་ཐོ་བཟོ་དགོས་པར་མ་ཟད་དག་ཐེར་ཡོ་བསྲང་ཡང་བྱ་དགོས། ཉེན་ཟོན་སློབ་གསོ་སྤེལ་བའི་ཐད་སླར་ཡང་ནུས་ཤུགས་འདོན་པ་དང་ཉེ་འགྲམ་གྱི་བྱ་བར་བརྟེན་ནས་ཉེ་འགྲམ་གྱི་མིར་སློབ་གསོ་གཏོང་རྒྱུར་སྣང་ཆེན་བྱས་ཏེ་སྒྲིག་འགལ་ཁྲིམས་འགལ་གྱི་གྱོད་དཔེའི་ཁྲོད་ནས་བསླབ་བྱ་བསྡུ་ལེན་དང་ཟིལ་ཤུགས་ཆེ་རུ་བཏང་ནས་ཏང་ཡོན་ལས་བྱེད་པར་བྱ་སྤྱོད་ཀྱི་མཐའ་མཚམས་གསལ་པོ་བཟོ་རུ་འཇུག་དགོས། བྱ་བའི་སྤྱོད་ཚུལ་ཇེ་ལེགས་སུ་གཏོང་བའི་ཐད་བྱ་ཐབས་ནུས་ལྡན་སྤྱད་དེ་ཕན་འབྲས་དངོས་དོན་གཉེར་བྱ་རྒྱུ་དེ་སློབ་སྦྱོང་སློབ་གསོའི་བརྒྱུད་རིམ་ཧྲིལ་པོའི་ནང་ཁྱབ་པར་བྱེད་པ་དང་ཕྱི་ཚུལ་རིང་ལུགས་སྤང་གང་ཐུབ་བྱས་ཏེ་རྣམ་པ་ཅན་དང་གཡོ་ཐབས་ཅན། ཕྱི་ངོས་ཅན་མཐའ་གཅིག་ཏུ་སྔོན་འགོག་བྱས་ཏེ“རིམ་དམའི་དམར་པོ”དང“རིམ་མཐོའི་ནག་པོའི”སྣང་ཚུལ་གཏན་འགོག་བྱེད་དགོས། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་མགོ་གསར་པ་བཙུགས་ཏེ་སློབ་སྦྱོང་སློབ་གསོ་དེ་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་དང་ལྟེ་བའི་བྱ་བར་སྐུལ་འདེད། མང་ཚོགས་ཀྱི་བདེ་སྐྱིད་ཆེ་རུ་གཏོང་བ་དང་ཟུང་འབྲེལ་བྱས་ནས"ཞིང་ཆེན་ཡོངས་ཀྱི་མདུན་གྲལ་དུ་བསྐྱོད་པ་གསུམ"གྱི་ལས་འགན་ལ་རྩེ་གཅིག་ཏུ་དམིགས་པ་དང་། "གླིང་གཉིས་གནས་གཅིག"གསར་སྐྲུན་དང་ཐོན་ལས་ཀྱི"གནས་བཞི"འཛུགས་སྐྲུན་གྱི་དམིགས་འབེན་དམ་འཛིན་བྱས་ནས་སྐྱེ་ཁམས་ཁོར་ཡུག་སྲུང་སྐྱོབ་དང་ཚོང་འགུག་མ་འདྲེན། ཐོན་ལས་འཕེལ་རྒྱས། གྲོང་གསེབ་དར་སྤེལ། གསར་བརྗེའི་ཉམས་ཞིབ། རིག་གནས་ཡུལ་སྐོར་འཛད་སྤྱོད། དམངས་འཚོ་འགན་སྲུང་། མི་རིགས་མཐུན་སྒྲིལ་སོགས་ཀྱི་གཙོ་གནད་བྱ་བ་ནུས་ཤུགས་ཡོད་རྒུས་ལེགས་པར་བསྒྲུབ་དགོས་ཟེར།
དཔེ་ཀློག་འཛིན་གྲྭ་འཚོགས་སྐབས། སློབ་མ་ཡོངས་ཀྱིས་ཀློག་པ་དང་སྦྱོང་བ། ཆེད་དོན་ཟུར་ཁྲིད། དཔྱད་གླེང་བརྗེ་རེས། ཉེན་ཟོན་སློབ་གསོ་བཅས་ཀྱི་བྱ་ཐབས་སྤྱད་དེ《ཞི་ཅིན་ཕིང་གི་འབྲེལ་ཡོད་ཏང་གི་སྤྱོད་ཚུལ་འཛུགས་སྐྱོང་བྱེད་ཤུགས་ཆེ་རུ་གཏོང་རྒྱུའི་སྐོར་གྱི་རྣམ་བཤད་བཏུས་སྒྲིག》དང་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་ལ་གོ་རིམ་ལྡན་པའི་སྒོ་ནས་སློབ་སྦྱོང་བྱས། ཚང་མས་ཐེངས་འདིའི་སློབ་སྦྱོང་སློབ་གསོ་དེ་བྱ་བའི་བསམ་ཕྱོགས་ཁ་གསལ་དང་སྤྱོད་ཚུལ་ལེགས་སྒྱུར། མང་ཚོགས་དང་འབྲེལ་བ་དམ་ཟབ་བཅས་བྱེད་པའི་གོ་སྐབས་གལ་ཆེན་ཞིག་ཏུ་བརྩིས་ནས། སློབ་སྦྱོང་སློབ་གསོའི་གྲུབ་འབྲས་དེ་མི་དམངས་ཀྱི་བདེ་སྐྱིད་ཆེ་རུ་གཏོང་བའི་དངོས་ཡོད་བྱ་སྤྱོད་ལ་ཏན་ཏིག་བསྒྱུར་ཏེ་བྱ་བ་སོ་སོར་རྒྱུན་ཆད་མེད་པར་གྲུབ་འབྲས་གསར་བ་ལེན་རྒྱུར་སྐུལ་འདེད་གཏོང་རྒྱུ་ཡིན་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注