ཉིང་ཁྲིའི་སྐབས་ཉེར་གཉིས་པའི་ཁམ་བུའི་མེ་ཏོག་ཡུལ་སྐོར་རིག་གནས་དུས་ཆེན་གྱི་སྤོ་མེས་ཡན་ལག་ཚོགས་རའི་མགོ་ཚུགས་པ།

ཟླ4པའི་ཚེས1ཉིན་གྱི་སྔ་དྲོར།“སྤོ་བོའི་ཡུལ་དུ་དཔྱིད་ཀྱི་དཔལ་ཡོན་རབ་ཏུ་བཞད”ཅེས་པ་བརྗོད་གཞི་ཡིན་པའི་ཉིང་ཁྲིའི་སྐབས་ཉེར་གཉིས་པའི་ཁམ་བུའི་མེ་ཏོག་ཡུལ་སྐོར་རིག་གནས་དུས་ཆེན་གྱི་སྤོ་མེས་ཡན་ལག་ཚོགས་རའི་མགོ་ཚུགས། མགོ་ཚུགས་མཛད་སྒོའི་སྟེང་། བོད་ལྗོངས་ཀྱི་ཁྱད་ཆོས་ལྡན་པའི་གདོད་མའི་རྣམ་པའི་གླུ་གར་དང་གཟུགས་འདས་ཤུལ་བཞག་རིག་གནས་བོད་ཤོག་བཟོ་སྟངས་མཚོན་པའི་ཞབས་བྲོ་འཁྲབ་སྟོན་བྱས་ཏེ། གངས་ལྗོངས་རིག་གནས་ཀྱི་ཡིད་དབང་འཕྲོག་པའི་ཡུལ་སྲོལ་གོམས་གཤིས་གསོན་ཉམས་དོད་པའི་མངོན་པ་དང་།  རི་བོ་ཝུའུ་ལིང་གི་ལྷོ་རྒྱུད་ཀྱི་འབྲུག་འཕྱོའི་ཞབས་བྲོ་དང་སེང་འཆམ། བོད་རིགས་ཀྱི་རས་པ་སོགས་ངར་འཇམ་གཅིག་ཕན་གཅིག་འགྲོགས་བྱས་ནས་མི་རིགས་མཐུན་སྒྲིལ་གྱི་གདངས་གྲ་འགྲིགས་ཤིང་རྣ་བར་སྙན་པའི་དབྱངས་རྟ་དཀྲོལ་པ། “འཁྱགས་ཀླུང་རྒྱལ་སྲས”དང“ཁམ་བུའི་མེ་ཏོག་ལྷ་མོས”གར་མགོ་འཁྲིད་པ་དང་། མི་རིགས་སོ་སོའི་མང་ཚོགས་ཀྱིས་ཡར་སིང་སིང་ངང་ནས་ཞབས་བྲོ་འཁྲབ་པས་ཡུལ་དངོས་ཀྱི་རྣམ་པར་སྤྲོ་སེམས་རབ་ཏུ་འཁོལ། བྱ་འགུལ་གྱི་ཡུལ་དངོས་སུ་ལྟད་མོ་ཆེ་བའི་རིག་རྩལ་འཁྲབ་སྟོན་ཡོད་པ་ཕུད། ད་དུང་ཁྱད་ལྡན་གྱི་ཟས་མཆོག་དང་དམངས་སྲོལ་རིག་གནས་བཤམས་སྟོན་ཁུལ་སོགས་ཀྱང་ཡོད་པས། ཡུལ་སྐོར་བ་མང་པོའི་ཡིད་དབང་བཀུག་ཡོད།

པར་འདི་ནི་བྱ་འགུལ་གྱི་ཡུལ་དངོས་རྣམ་པ་རེད།

སྤོ་མེས་ལ་གནའ་དུས་སུ་སྤོ་བོ་ཞེས་འབོད་པ་དང“ཕ་མེས“ཀྱི་དོན་ཡིན་ལ། དེ་ནི་བོད་ཀྱི་རྒྱལ་པོ་ཐོག་མ་གཉའ་ཁྲི་བཙན་པོའི་འཁྲུངས་ཡུལ་ཡིན། དེ་གར་བརྗིད་ཆགས་མཛེས་སྡུག་ལྡན་པའི་འཁྱགས་ཀླུང2000ལྷག་ཡོད་པ་དང་ནགས་ཚལ་ཁེབས་ཚད35%ཡན་དུ་ཟིན་ཡོད་པས། དེ་ནི་མིང་དོན་གཉིས་མཚུངས་ཀྱི་ཁམ་བུའི་མེ་ཏོག་གི་འཇིག་རྟེན་དང་འཁྱགས་རོམ་གྱི་ཕ་ས། བོད་རྒྱལ་གྱི་འཁྲུངས་ཡུལ་བཅས་ཡིན།

པར་འདི་ནི་གཞས་པ་ནོར་བུ་བསམ་གྲུབ་རེད།

སྤོ་མེས་རྫོང་ཨུའི་ཧྲུའུ་ཅི་གཞོན་པའམ་རྫོང་དཔོན་བསྟན་འཛིན་སྡེ་སྲིད་ཀྱིས་བསྟན་དོན། སྤོ་མེས་རྫོང་གི་རི་ཀླུང་མཛེས་ཤིང་ཡིད་དུ་འོང་བ་དང་དམངས་སྲོལ་རིག་གནས་སྣ་མང་ཕུན་སུམ་ཚོགས་པ། སྲིད་ཇུས་སྡུད་རུབ་བྱས་ཡོད་ལ། ཐེངས་འདིའི་མགོ་ཚུགས་མཛད་སྒོའི་སྟེང་ང་ཚོའི་སྤོ་བྲོ་དང་སྤོ་དབྱངས་སོགས་གཟུགས་འདས་ཤུལ་བཞག་རིག་གནས་གར་སྟེགས་སུ་འཁྲབ་སྟོན་བྱས་ཡོད་པ་མ་ཟད། ད་དུང་མི་སྟོང་གི་སྐོར་བྲོའི་དགོང་ཚོགས་དང་སྤོ་མེས་གསར་བརྗེའི་གླུ་གཞས་སྤྲོ་ཚོགས་སོགས་བྱ་འགུལ་སྣ་མང་ཡང་བཀོད་སྒྲིག་བྱས་ཡོད་པས། ཚང་མས་སྤོ་མེས་རྫོང་དུ་ཁམ་བུའི་མེ་ཏོག་ལ་དགའ་སྤྲོ་ཅི་དགར་རོལ་བ་དང2025ལོའི་དཔྱིད་དུས་ཀྱི་རིག་གནས་ཡུལ་སྐོར་གྱི་གསོལ་སྟོན་གཟབ་རྒྱས་ཉམས་ལེན་བྱེད་པ། ཕྱོགས་བཞི་མཚམས་བརྒྱད་ཀྱི་གྲོགས་པོ་རྣམས་སྤོ་མེས་ཡུལ་དུ་ཡོང་ནས་མི་ཆོས་རིག་གནས་དང་ཡུལ་སྲོལ་གོམས་འདྲིས་ཉམས་ལེན་བྱས་ཏེ། སྤོ་མེས་འཕེལ་རྒྱས་ཀྱི་འཕར་རྩ་དངོས་སུ་མྱོང་ཚོར་བྱེད་པར་ལྷག་བསམ་ཟོལ་མེད་ཀྱིས་གདན་འདྲེན་ཞུས་ཡོད། 

པར་འདི་ནི་བྱ་འགུལ་གྱི་ཡུལ་དངོས་རྣམ་པ་རེད།

པར་འདི་ནི་དྲ་གྲགས་བདེ་སྐྱིད་སྒྲོལ་མར་སྤོ་མེས་རྫོང་གི་ཡུལ་སྐོར་བརྙན་ཚབ་པའི་དཔང་ཡིག་སྤྲོད་པའི་རྣམ་པ་རེད།

པར་འདི་ནི་བྱ་འགུལ་གྱི་ཡུལ་དངོས་སུ་ཚོང་འགུགས་དངུལ་འདྲེན་གྱི་གྲོས་ཆིངས་མཛད་སྒོའི་རྣམ་པ་རེད།

ཤེས་གསལ་ལྟར་ན། ཁམ་བུའི་མེ་ཏོག་དུས་ཆེན་ཟླ4པའི་ཟླ་དཀྱིལ་བར་སྤེལ་རྒྱུ་ཡིན་ལ། ཐེངས་འདིའི་སྤོ་མེས་ཡན་ལག་ཚོགས་རར་ཁམ་བུའི་མེ་ཏོག་འཇིག་རྟེན་གྱི་སྤྲོ་ཚོགས་དང་མེ་ཕུང་སྐོར་བྲོའི་དགོང་ཚོགས། དཔྱིད་རླུང་བྱེད་སྒོ་སྟེ་ཀོང་ཀྲོའུ་བོད་སྐྱོར་ལས་ཞུགས་ཆེད་དོན་གདན་ཞུའི་ཚོགས་འདུ། སྤོ་མེས་ལ་གཞས་དང་རོལ་དབྱངས་དགོང་ཚོགས། ཁམ་བུའི་མེ་ཏོག་ཟས་མཆོག་དུས་ཆེན། བརྗོད་གཞིའི་ཡིག་རིས་དང་པར་ལེན་འགྲེམ་སྟོན། ཁམ་བུའི་མེ་ཏོག་ཚོང་འདུས་སོགས་བྱ་འགུལ་རབ་དང་རིམ་པ་བཀོད་སྒྲིག་བྱས་ཡོད། །

པར་འདི་ནི་བྱ་འགུལ་གྱི་ཡུལ་དངོས་རྣམ་པ་རེད།

གསར་ཤོས།

སྐད་འཕྲིན་སྤྱི་སྟེགས་ཨང་གྲངས།

微信扫一扫加关注

返回
顶部
移动端 公众号 抖音号 快手号