ཁུལ་ཨུའི་རྒྱུན་ལས་ཨུ་ལྷན་གྱི་ཚོགས་འདུ་ཚོགས་པ། ཤ་བོ་སྐྱབས་ཀྱིས་གཙོ་སྐྱོང་གནང་།

   ཚོགས་འདུའི་ཐོག ཟླ9པའི་ཚེས27ཉིན་འཚོགས་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཚོགས་འདུའི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་ཤིང་། ཕྱོགས་ཡོངས་ནས་ཏང་ནན་གྱིས་སྐྱོང་བའི་བྱེད་པོའི་འགན་འཁྲི་དོན་འཁྱོལ་ནན་མོ་བྱེད་དགོས་པ་དང་། “སྤྱོད་ངན་བཞི”ཡོ་བསྲང་གཏིང་ཟབ་བྱེད་པ། གྱོད་གཞིར་བརྟེན་ནས་སྒྱུར་བཅོས་ལ་སྐུལ་འདེད་གཏོང་བ་དང་གྱོད་གཞིར་བརྟེན་ནས་བཅོས་སྐྱོང་ལ་སྐུལ་འདེད་གཏོང་བ་བཅས་བྱས་ནས་རུལ་མི་ཕོད་པ་དང་རུལ་མི་ནུས་པ། རུལ་མི་འདོད་པ་བཅས་ལ་མཉམ་དུ་སྐུལ་འདེད་གཏོང་དགོས། སྐོར་ཞིབ་བྱ་ཡུལ་ཏང་རྩ་འཛུགས་ཀྱིས་དག་ཐེར་ཡོ་བསྲང་དོན་འཁྱོལ་དམ་འཛིན་བྱེད་པར་སྐུལ་འདེད་གཏོང་དགོས་པ་དང་། དག་ཐེར་ཡོ་བསྲང་གི་བྱ་བ་དེ་བརྗོད་དོན་སློབ་གསོའི་བརྟག་དཔྱད་ཞིབ་འཇུག་དང་ཞིབ་བཤེར་དག་ཐེར་ཡོ་བསྲང་སོགས་དང་ཟུང་འབྲེལ་དམ་ཚགས་བྱེད་པ། དཔེ་གཅིག་གིས་ཁྱོན་ཡོངས་ཁྲིད་པ། གཞི་གཅིག་དག་ཐེར་ཡོ་བསྲང་བཅས་བྱས་ཏེ། སྐོར་ཞིབ་ཀྱིས་དག་ཐེར་ཡོ་བསྲང་ལ་སྐུལ་འདེད་དང་སྐོར་ཞིབ་ཀྱིས་འཛུགས་སྐྲུན་ལ་སྐུལ་འདེད། སྐོར་ཞིབ་ཀྱིས་བཅོས་སྐྱོང་ལ་སྐུལ་འདེད་བཅས་ཏན་ཏིག་བྱ་དགོས། ཆབ་སྲིད་སྐོར་ཞིབ་ཀྱི་འགན་ནུས་དང་ངེས་གནས་ཁོང་དུ་བརྟན་པོ་ཆུད་པར་བྱས་ནས“དམིགས་ས་བཞིའི”ལྟ་སྐུལ་གྱི་གཙོ་གནད་ལ་དམ་པོར་དམིགས་ཏེ་སྤུས་ཚད་མཐོན་པོས་ཁུལ་ཨུའི་སྐབས་བཅུ་གསུམ་པའི་རེས་སྐོར་བཞི་པའི་སྐོར་ཞིབ་བྱ་བའི་ལས་འགན་ལེགས་འགྲུབ་བྱེད་དགོས་པ་ནན་གྱིས་བསྟན།

   ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་སྒོ་འབྱེད་རྒྱ་ཆེར་གཏོང་བ་དང་འཛམ་གླིང་ཚོང་དོན་རྩ་འཛུགས་སྐུལ་འདེད་གཏོང་བ་སོགས་ཀྱི་ཕྱོགས་མང་ལམ་སྲོལ་གྱི་ནུས་པ་འདོན་སྤེལ་བྱ་རྒྱུའི་སྐོར་གྱི་རྣམ་བཤད་གལ་ཆེན་ལ་སློབ་སྦྱོང་དང་གོ་བ་གཏིང་ཟབ་བླངས་ནས་མཚོ་བྱང་གི་ཁྱད་ལྡན་ཐོན་ཁུངས་དང་དཔལ་འབྱོར་འཕེལ་རྒྱས་ཀྱི་རྨང་གཞིར་བརྟེན་ནས། མཐའ་འཁོར་གྱི་ཞིང་ཆེན་དང་གྲོང་ཁྱེར། ཁུལ་བཅས་དང་མཉམ་ལས་བརྗེ་རེས་ཇེ་མགྱོགས་སུ་བཏང་ནས། “ས་གྲོལ”སོགས་མཉམ་ལས་བྱེད་སྟངས་གསར་གཏོད་བཅས་བྱས་ཏེ་ཕྱོགས་གཉིས་ལ་གཉིས་ཕན་གཉིས་རྒྱལ་མངོན་འགྱུར་ཡོང་བ་བྱེད་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་བཟོ་ལས་ཅན་གསར་པར་སྐུལ་འདེད་གཏོང་རྒྱུའི་སྐོར་གྱི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་སྤུས་ཚད་མཐོ་བའི་འཕེལ་རྒྱས་ཀྱི་བླང་བྱ་བཟོ་ལས་ཅན་གསར་པའི་བརྒྱུད་རིམ་ཧྲིལ་པོར་ཁྱབ་རྒྱུ་རྒྱུན་འཁྱོངས་ཀྱིས་བཟོ་ལས་གླིང་ཁུལ་བཅུ་སྒྱུར་བཀོད་རིམ་སྤོར་བྱེད་པར་སྐུལ་འདེད་ཏན་ཏིག་གཏོང་དགོས། ས་ཁོངས་ཀྱི་ཁྱད་ཆོས་མངོན་གསལ་ལྡན་པའི་དེང་རབས་ཀྱི་ཞབས་ཞུའི་ལས་རིགས་འཕེལ་རྒྱས་ཁུལ་གཏོད་རྒྱུར་དམིགས་ནས་ཐོན་ལས་འཕེལ་རྒྱས་སྟོབས་ཆེར་གཏོང་བ་དང་། འཕེལ་རྒྱས་ཀྱི་བར་མཐོངས་གསར་པ་ཧུར་ཐག་གཏོད་པ། ཞབས་ཞུའི་ལས་རིགས་ཀྱི་ལག་རྩལ་གསར་པ་དང་ལས་རྣམ་གསར་པ།  རྣམ་པ་གསར་པ་བཅས་གཏོད་དགོས་པ་ནན་གྱིས་བསྟན།

   ཚོགས་འདུའི་ཐོག  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བུད་མེད་དང་བྱིས་པའི་བྱ་བའི་ཐད་གནང་པའི་མཛུབ་སྟོན་གལ་ཆེན་གྱི་དགོངས་དོན་དེ་ཕུགས་རྒྱང་རིང་ལ་ནང་དོན་ཕུན་སུམ་ཚོགས་པོ་ཡོད་པས་དུས་རབས་གསར་པའི་བགྲོད་ལམ་གསར་པའི་བུད་མེད་དང་བྱིས་པའི་བྱ་གཞག་སྤུས་ཚད་མཐོན་པོའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་གཏིང་ཟབ་གཏོང་རྒྱུའི་ཐད་བླང་བྱ་ཁ་གསལ་བཏོན་ཡོད་ལ། བུད་མེད་ཀྱིས་བྱས་རྗེས་འཇོག་པར་རྒྱབ་སྐྱོར་གང་ཐུབ་བྱེད་པ་དང་། བུད་མེད་འདྲ་མཉམ་ངང་ལས་ཞུགས་ཐུབ་པར་སྐུལ་འདེད་གཏོང་དགོས། རྒྱ་ཆེའི་བུད་མེད་རྣམས་ཀྱིས་ཚེམ་དྲུབ་དང་བོད་ལྭ། རྡོ་བརྐོས། བཟོ་རྩལ་ཐོན་རྫས་ལས་སྣོན་སོགས་ཀྱི་གསོ་སྦྱོང་དང་རིག་གནས་གསར་གཏོད་ཐོན་རྫས་ཞིབ་འཇུག་གསར་སྤེལ་ནང་ཧུར་ཐག་ཞུགས་པར་ཁྲིད་སྟོན་བྱེད་དགོས་པ་དང་། བུད་མེད་ཁེ་ལས་པ་སྐྱེད་སྲིང་ཧུར་ཐག་བཅས་བྱས་ཏེ་བུད་མེད་རྣམས་དཔལ་འབྱོར་དང་སྤྱི་ཚོགས་འཕེལ་རྒྱས་ནང་ཞུགས་པར་ཆ་རྐྱེན་དང་སྟེགས་བུ་བསྐྲུན་དགོས། བྱིས་པ་སྔོན་ལ་འཇོག་རྒྱུ་རྒྱུན་འཁྱོངས་ཀྱིས་མཚོ་སྔོན་རྡུལ་ཕྲན་མཁར་དྲན་གསོ་ཁང་དང་རྟེན་མཛོད་ཁང་། གཞོན་ནུ་ལོ་ཆུང་གསར་བརྗེའི་ཉམས་ཞིབ་སྒར་ས་བཅས་ཀྱི་ནུས་པ་འདོན་སྤེལ་གང་ལེགས་བྱས་ནས་རྒྱ་ཆེའི་གཞོན་ནུ་ལོ་ཆུང་ཚོར་གསར་བརྗེའི་རིག་གནས་རང་རྟོགས་ངང་དར་སྤེལ་གཏོང་རྒྱུའི་སློབ་གསོ་ཁྲིད་སྟོན་བྱས་ཏེ་ཀུན་སྤྱོད་དང་ཤེས་རིག ལུས་རྩལ། མཛེས་དཔྱོད། ངལ་རྩོལ་བཅས་ཕྱོགས་ཡོངས་ནས་ཡར་རྒྱས་འགྲོ་བའི་སྤྱི་ཚོགས་རིང་ལུགས་ཀྱི་འཛུགས་སྐྲུན་པ་དང་རྒྱུན་འཛིན་པ་གསོ་སྐྱོང་ཧུར་ཐག་བྱེད་དགོས་པ་ནན་གྱིས་བསྟན།