སྤང་རྒྱན་བཅོ་ལྔའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

སྤང་རྒྱན་སྲང་གང་ཞོ་ལྔ། ཙན་དཀར་ཞོ་བདུན་སྐར་ལྔ། ཨ་རུ་སྲང་གང་ཞོ་ལྔ། བ་རུ་སྲང་གང་། སྐྱུ་རུ་སྲང་གང་ཞོ་དོ། སྙིང་ཞོ་ཞོ་ལྔ། ཅུ་གང་སྲང་གང་ཞོ་གསུམ། རུ་རྟ་ཞོ་བརྒྱད། ལི་ཤི་ཞོ་བཞི། ཛཱ་ཏི་ཞོ་གསུམ། སླེ་ཏྲེས་སྲང་གང་། ཨ་གར་ཞོ་བདུན་སྐར་ལྔ། བ་ཤ་ཀ་ཞོ་བརྒྱད། སྲོལ་དཀར་སྲང་གང་། ཤིང་མངར་ཞོ་བརྒྱད་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ། རུ་རྟ་དང་བ་ཤ་ཀ་གཉིས་འཐེན་ཏེ་ཚབ་ལ་གུར་གུམ་དང་སུམ་ཏིག་བསྣན་ན་མིད་འཆུས་སྤང་རྒྱན་བཅོ་ལྔ་ཡིན།

ཕན་ནུས།

སྤང་རྒྱན་བཅོ་ལྔ་བཟི་མེད་ཅུང་ཟད་བསིལ། ཆམ་འཁྲུགས་གློ་དང་གྲེ་བར་བབས་པ་དང་། དེ་དག་རླུང་འཐབ་བད་ཀན་དང་འདྲེས་པས། གྲེ་བ་ཚ་སྐམ་ཟ་འཁོལ་གློ་མང་ལངས། ལུད་པ་ལྦུ་སོབ་སྔོ་ལྗོབ་མང་དུ་ལུ། སྟོད་གཟེར་སྐད་འཛེར་མིག་སྐྲངས་དབུགས་མི་བདེ། ཆམ་མཇུག་གྲེ་བར་བབས་ཏེ་དབུགས་ཧལ་བ། གློ་རླུང་བད་གློ་བཅས་ལ་ཕན་པ་ཡིན། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།