རྩ་ཁྲིམས་ནི་ང་ཚོ་ཚང་མའི་འཚོ་བ་དང་ཁ་འབྲལ་ཐབས་མེད།

རྩ་ཁྲིམས་ནི་ང་ཚོ་ཚང་མའི་འཚོ་བ་དང་ཁ་འབྲལ་ཐབས་མེད།

2024ལོའི་ཟླ12པའི་ཚེས4ཉིན་ནི།

རང་རྒྱལ་གྱི་རྒྱལ་ཁབ“རྩ་ཁྲིམས་ཉིན་མོ”ཐེངས་བཅུ་གཅིག་པ་ཡིན།

ཟླ12པའི་ཚེས1ནས7ཉིན་བར་ནི།

“རྩ་ཁྲིམས་དྲིལ་སྒྲོག་གཟའ་འཁོར”ཐེངས་བདུན་པ་ཡིན།

ད་ལོའི་རྩ་ཁྲིམས་དྲིལ་སྒྲོག་ཉིན་མོའི་བརྗོད་དོན་ནི།

རྩ་ཁྲིམས་སྙིང་སྟོབས་དར་སྤེལ་ཤུགས་ཆེན་བཏང་སྟེ།

གོམ་གང་མདུན་སྤོས་ངང་ཕྱོགས་ཡོངས་ནས་བཅོས་སྒྱུར་གཏིང་ཟབ་བྱེད་པ་ལ་སྐུལ་འདེད་གཏོང་།

ཞེས་པ་དེ་ཡིན།

རྩ་ཁྲིམས་དྲིལ་སྒྲོག་གཟའ་འཁོར་གྱི་སྐབས་འདིར།

ང་ཚོས་མཉམ་དུ་རྩ་ཁྲིམས་ལ་སློབ་སྦྱོང་བྱེད།

↓↓↓

ང་ཚོ་སྐྱེས་པ་ནས་རྒས་པའི་བར་དང་། སློབ་གྲྭར་ཕྱིན་པ་ནས་བྱ་བར་ཞུགས་པ། གཉེན་སྒྲིག་པ། རྒན་ཡོལ་བྱེད་པ་སོགས་མི་ཚེའི་དུས་སྐབས་གལ་ཆེན་རེ་རེའི་ཁྲོད་རྩ་ཁྲིམས་ཀྱིས་ཁ་རོག་གེར་ང་ཚོར་སྲུང་སྐྱོབ་དང་གྲོགས་དན་བྱས་ཏེ་ཡོང་བ་ཡིན་ཞིང་། ང་དང་ཁྱོད་ཀྱི་མི་ཚེ་གང་བོ་རྩ་ཁྲིམས་དང་ཁ་འབྲལ་ཐབས་མེད་ཅེས་བཤད་ཆོག 

འོ་ན་ང་ཚོས་མཉམ་དུ་རྩ་ཁྲིམས་ཁྲོད་ཀྱི་ང་ཚོའི་འཚོ་བ་དང་འབྲེལ་བ་དམ་ཟབ་ཡོད་པའི་དོན་ཚན་འགའ་བདམས་ཏེ་སློབ་སྦྱོང་ཞིག་བྱེད། 

དོན་ཚན་སོ་གསུམ་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁོངས་སུ་གཏོགས་པའི་མི་ཚང་མ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཡིན།

དོན་ཚན་སོ་བཞི་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རང་ལོ་འཁོར་མོ་བཅོ་བརྒྱད་ལོན་པའི་སྤྱི་དམངས་ཡིན་ཕྱིན།  མི་རིགས་དང་རིགས་རྒྱུད། ཕོ་མོ། ལས་རིགས། ཁྱིམ་ཚང་གི་འབྱུང་ཁུངས། ཆོས་དད། སློབ་གསོའི་ཡོན་ཚད། རྒྱུ་ནོར་མང་ཉུང་། གཞིས་ཆགས་ཀྱི་དུས་ཡུན་བཅས་ཀྱི་དབྱེ་བ་མི་འབྱེད་པར་ཚང་མར་འདེམས་དབང་དང་གདམ་བྱའི་དབང་ཆ་ཡོད།  འོན་ཀྱང་བཅའ་ཁྲིམས་ལྟར་ཆབ་སྲིད་ཀྱི་དབང་ཆ་ཕྲོགས་ཟིན་པ་རྣམས་དེའི་གྲས་སུ་ཚུད་མེད།

དོན་ཚན་སོ་བརྒྱད་པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱིས་མིའི་ཐོབ་ཐང་དང་ལ་རྒྱར་བཙན་གནོད་འཁུར་མི་དགོས། སྤྱི་དམངས་ལ་བྱེད་ཐབས་གང་དང་གང་ཞིག་སྤྱད་ནས་བརྙས་བཅོས་དང་དམའ་འབེབས་བྱེད་པ་དང་། སྙོན་འཛུགས་ཞུ་གཏུག་དང་མ་ཉེས་ཁག་གཡོགས་བྱེད་པ་གཏན་འགོག་བྱ་རྒྱུ།