ཤ་བོ་སྐྱབས་དང་ཀྲང་ཧྲིང་ཡོན་གྱིས་ལས་རིགས་སློབ་གསོ་བྱ་བའི་སྙན་ཞུར་ཆེད་དུ་གསན་པ།
ཟླ5པའི་ཚེས17ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་མཚོ་བྱང་ལས་རིགས་སློབ་གླིང་གི（གྲ་སྒྲིག）རིགས་པས་ཁུངས་སྐྱེལ་སྙན་ཞུའི་དཔྱད་ཞིབ་ཚོགས་པའི་ཆེད་མཁས་བའམ། ཧྲན་ཏུང་བདེ་ཐང་གསོ་སྐྱོང་ལས་རིགས་སློབ་གླིང་གི་ཡོན་ཀྲང་། ཐོ་འགོད་མཐོ་རིམ་སློབ་གསོའི་བློ་འདྲིའི་དགེ་རྒན་ཆེན་མོ་ཝུའུ་ཧྲུའུ་ཀྲིན་གྱི་ཆེད་དོན་སྙན་ཞུར་ཆེད་དུ་གསན་པ་དང་། སྙན་ཞུར་མཁོ་བའི་འདེགས་སྐྱོར་གྱི་རྒྱུ་རྐྱེན་གཙོ་བོ་དང་གཞི་རྩའི་ཆ་རྐྱེན། སློབ་གཉེར་ངེས་གནས་སོགས་ཀྱི་ཐད་བཞུགས་མོལ་བརྗེ་རེས་གནང་།
ཤ་བོ་སྐྱབས་ཀྱིས་དཔྱད་ཞིབ་ཆེད་མཁས་བས་དཀའ་སྤྱད་འབད་བརྩོན་བྱས་པར་ཐུགས་རྗེ་ཆེ་ཞུས་པ་དང་། གཏན་འབེབས་བྱས་པའི《རིགས་པས་ཁུངས་སྐྱེལ་སྙན་ཞུ》ལ་ཁས་ལེན་གང་ལེགས་གནང་། མཐོ་རིམ་ལས་རིགས་སློབ་གླིང་བསྐྲུན་རྒྱུ་དེ་མཚོ་བྱང་ལས་རིགས་སློབ་གསོའི་འཕེལ་རྒྱས་ལ་སྐུལ་འདེད་གཏོང་རྒྱུར་དོན་སྙིང་གལ་ཆེན་ལྡན་པར་མ་ཟད། ཁུལ་གྱི་སྲིད་གཞུང་གནས་སའི་ནུབ་མཚོ་གྲོང་རྡལ་གྱི་གསོན་ཤུགས་ཇེ་ཆེ་དང་མི་གཅིག་སྡུད་བྱ་རྒྱུར་སྐུལ་འདེད་ཀྱི་ནུས་པ་ཆེན་པོ་ལྡན་ཡོད། མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དགོས་མཁོར་དམ་པོར་དམིགས་ནས་ཐོན་ལས“གནས་བཞི”གཏན་འཁེལ་དང་བསམ་པའི་བཙན་ས་གཏོད་པའི་དམིགས་ཚད་བཏོད་དེ་བསམ་ཕྱོགས་རྒྱ་ཆེར་གཏོང་བ་དང་ངེས་གནས་ཁ་གསལ་བཟོས་ནས་མཚོ་བྱང་མཐོ་རིམ་ལས་རིགས་སློབ་གླིང་གི（གྲ་སྒྲིག）རེ་ཞུ་དང་འཛུགས་སྐྲུན་བྱ་བར་བློ་བརྟན་འགྱུར་མེད་ངང་སྐུལ་འདེད་གཏོང་དགོས། སྔོན་ལ་འཆར་འགོད་བྱ་རྒྱུ་རྒྱུན་འཁྱོངས་བྱས་ཏེ་རྒྱུ་རྐྱེན་གཙོ་བོའི་འགན་ལེན་ལ་སྔོན་མ་ནས་ཞིབ་འཇུག་དང་ཇུས་འགོད་ནན་ཏན་བྱེད་པ་དང་། ལྷུ་ཚིགས་ཞན་སར་དམིགས་ནས་ཞན་ཆ་གསབ་པ་དང་ཉམས་ཞན་སྟོབས་ཆེར་གཏོང་བ་བཅས་བྱས་ཏེ་ས་ཆ་སྤྱོད་པ་དང་མ་འཇོག སྒྲིག་བཟོ་སོགས་ཀྱི་དཀའ་ངལ་ཐག་གཅོད་ཏན་ཏིག་བྱས་ཏེ་སྙན་ཞུའི་རྨང་གཞིའི་བྱ་བ་ཡག་པོར་སྒྲུབ་དགོས། “ལྔ་བཅུ་བཞིའི”འཆར་འགོད་དུས་དཀྱིལ་གྱི་དཔྱད་དཔོག་ལེགས་སྒྲིག་བྱེད་པའི་གོ་སྐབས་དམ་འཛིན་བྱས་ཏེ། མཚོ་བྱང་མཐོ་རིམ་ལས་རིགས་སློབ་གླིང（གྲ་སྒྲིག）གསར་དུ་བསྐྲུན་རྒྱུ་དེ་ཞིང་ཆེན་ཡོངས་ཀྱི་སློབ་གསོའི་བྱ་གཞག་བཅོས་སྒྱུར་འཕེལ་རྒྱས་ཀྱི་འཆར་འགོད་དང་། ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་འགོད། ཧྲན་ཏུང་ཞིང་ཆེན་གྱིས་མཚོ་བྱང་ལ“ལྔ་བཅུ་བཞིའི”ཁ་གཏད་རོགས་སྐྱོར་བྱེད་པའི་འཆར་འགོད་བཅས་བཟོས་ནས་ལས་རིགས་སློབ་གླིང་གི་རེ་ཞུ་དང་རིམ་སྤོར་བྱ་བར་ནུས་ཤུགས་ཡོད་རྒུས་སྤྱི་འདོམས་སྐུལ་འདེད་གཏོང་དགོས། བསམ་ཕྱོགས་སྔར་བས་རྒྱ་ཆེར་བཏང་ནས་ཧྲན་ཏུང་དང་ཁྲུང་ཆིང་གྲོང་ཁྱེར་ཡུང་ཁྲོན་ཆུས་སོགས་ལས་རིགས་སློབ་གསོ་དར་རྒྱས་ཆེ་བའི་ས་ཁུལ་གྱི་ཉམས་མྱོང་དང་བྱེད་ཐབས་སློབ་སྦྱོང་དང་དཔྱད་གཞིར་འཛིན་པ་དང་། སློབ་གསོ་པུའུ་དང་ཀྲུང་གོའི་རྡུལ་ཕྲན་བཟོ་ལས་ཚོགས་པ། ཀྲུང་གོའི་དངོས་ལུགས་ཞིབ་འཇུག་ཁང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་། ཞིང་ཆེན་སློབ་གསོ་ཐིང་སོགས་འབྲེལ་ཡོད་སྡེ་ཁག་ལ་སྙན་ཞུ་བྱས་ནས་འབྲེལ་མཐུད་བྱ་དགོས། མཉམ་ལས་ཟབ་སྤེལ་དང་མཉམ་སྐྲུན་འཚོལ་ཞིབ། རོགས་སྐྲུན་བརྩོན་ལེན་སོགས་ཀྱི་ཐད་ངོ་བོའི་རང་བཞིན་གྱི་འཕེལ་རྒྱས་ཡོང་བར་བྱ་དགོས། སློབ་གཉེར་ཐོན་ཁུངས་སྡེབ་སྒྲིག་དང་ཆེད་ལས་སྒྲིག་བཀོད་ལེགས་སྒྱུར། རྨང་གཞིའི་མ་ལག་ལ་ཤུགས་སྣོན། སློབ་ཁུངས་ཀྱི་གཞི་ཁྱོན་རྒྱ་སྐྱེད་བཅས་བྱ་དགོས། ཁུལ་ཡོངས་ཀྱི་སྟོབས་ཤུགས་ལ་བརྟེན་ནས་མཚོ་བྱང་ལས་རིགས་ལག་རྩལ་སློབ་གྲྭའི་གཞི་རྩའི་སློབ་གཉེར་ཆ་རྐྱེན་དེ་མཐོ་རིམ་ལས་རིགས་སློབ་གླིང་གི་སློབ་གཉེར་ཚད་གཞིར་སླེབས་རྒྱུའི་འགན་ལེན་བྱས་ཏེ་རིམ་པ་མཐོ་བའི་ལག་རྩལ་རྩལ་ནུས་ཤེས་ལྡན་མི་སྣ་གསོ་སྐྱོང་གི་བཙན་ས་ནུས་ཤུགས་ཡོད་རྒུས་བཏོད་དགོས་པར་བསྟན།
ཀྲང་ཧྲིང་ཡོན་གྱིས་རིམ་པ་སོ་སོའི་འབྲེལ་ཡོད་སྡེ་ཁག་སོ་སོར་རྣམ་འགྱུར་ཁ་གསལ་དང་དམིགས་ཚད་ཁ་གསལ། ངེས་གནས་ཁ་གསལ་བཅས་བྱས་ནས་གསར་དུ་བསྐྲུན་པའི་མཚོ་བྱང་མཐོ་རིམ་ལས་རིགས་སློབ་གླིང་གི（གྲ་སྒྲིག）ལེགས་ཆ་དང་ཞན་ཆར་དབྱེ་ཞིབ་གཏིང་ཟབ་བྱས་ཏེ། སློབ་གསོའི་ཁྱད་ཆོས་སྐྱེད་སྲིང་བྱེད་པའི་ཐད་ཐབས་ཤེས་འཚོལ་བ་དང་བྱ་ཐབས་དངོས་འདོན་པ། མདུན་དུ་སྐྱོད་པ། སྟོབས་ཤུགས་ཡོད་ཚད་གཅིག་གྱུར་འཆར་འགོད་བཅས་བྱས་ཏེ་མཚོ་བྱང་མཐོ་རིམ་ལས་རིགས་སློབ་གླིང་གི（གྲ་སྒྲིག）རེ་ཞུ་འཛུགས་སྐྲུན་ལ་བློ་བརྟན་འགྱུར་མེད་ངང་སྐུལ་འདེད་བཏང་ནས་རེ་ཞུ་བྱས་ཏེ་གྲོས་འཆམ་ཡོང་པར་བརྩོན་ལེན་བྱེད་དགོས་པའི་བླང་བྱ་བཏོན།
ཁུལ་གྱི་མགོ་ཁྲིད་རུང་ཧུང་ཀྲི་དང་། ཞུས་ཡུང་ཀུང་། ཧ་ཝུན་ཞུག པའོ་ཀྲེང་ཆིང་། ཁུལ་སློབ་གསོ་ཅུས། མཚོ་བྱང་ལས་རིགས་ལག་རྩལ་སློབ་གྲྭའི་འགན་འཁུར་བ་གཙོ་བོ་བཅས་སྙན་ཞུའི་ཚོགས་འདུར་ཞུགས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注