ཨ་རིས་ཀྲུང་གོའི་ཀུང་སི་མང་པོ་ཞིག་བཀག་སྡོམ་བྱས་པ་རེད།
ཚེས་7ཉིན་ཕྱི་འབྲེལ་པུའི་མགྲིན་ཚབ་པ་གོ་ཅ་ཁུན་གྱིས་རྒྱུན་ལྡན་གྱི་གསར་འགོད་པའི་ཚོགས་འདུ་གཙོ་སྐྱོང་བྱས་པ་རེད། གསར་འགོད་པ་ཞིག་གིས། ཨ་རིས་ཐེང་ཞུན་དང་ཉིང་ཏེ་དུས་རབས་སོགས་ཀྲུང་གོའི་ཀུང་སི་“དམག་དོན་དང་འབྲེལ་བ་ཡོད་པའི་ཁེ་ལས་”ཞེས་པའི་གསལ་ཐོའི་ནང་བཅུག་པའི་གནས་ཚུལ་སྐོར་ལ་དྲི་བ་བཏོན་པ་རེད།
དེའི་ཐད་གོ་ཅ་ཁུན་གྱིས། ཨ་རི་ཕྱོགས་ཀྱིས་རྒྱལ་ཁབ་བདེ་འཇགས་ཀྱི་གོ་དོན་རྒྱ་ཁྱབ་ཏུ་སྒྱུར་བ་དང་། མིང་རིགས་སྣ་ཚོགས་ལ་བརྟེན་ནས་མཐོང་ཆུང་རང་བཞིན་གྱི་གསལ་ཐོ་བཟོས་ནས་གནས་ལུགས་མེད་པར་ཀྲུང་གོའི་ཁེ་ལས་ལ་གནོན་ཤུགས་སྤྲད་དེ། ཀྲུང་གོའི་སྤུས་ཚད་མཐོ་བའི་འཕེལ་རྒྱས་བཀག་འགོག་བྱས་པར་ཀྲུང་གོ་ཕྱོགས་ཀྱིས་ངོ་རྒོལ་མཐའ་གཅིག་ཏུ་བྱ་རྒྱུ་ཡིན། ཀྲུང་གོའི་མི་དམངས་ཀྱི་འཕེལ་རྒྱས་ཁེ་དབང་བཙན་འཕྲོག་བྱེད་མི་རུང་ལ་སྣང་མེད་དུ་འཇོག་མི་རུང་། ང་ཚོས་ཨ་རི་ཕྱོགས་ལ་ནོར་འཁྲུལ་གྱི་བྱེད་སྟངས་འཕྲལ་མར་ཡོ་བསྲང་བྱས་ནས། ཀྲུང་གོའི་ཁེ་ལས་ལ་ཁྲིམས་འགལ་གྱི་ཕྱོགས་རྐྱང་པའི་བཀག་སྡོམ་དང་། “དཔུང་རིང་གི་བདག་སྐྱོང་”འཕྲལ་མར་མེད་པར་བཟོ་དགོས་པའི་སྐུལ་མ་གཏོང་རྒྱུ་ཡིན། ཀྲུང་གོ་ཕྱོགས་ཀྱིས་བྱེད་ཐབས་དགོས་ངེས་སྤྱད་དེ་ཀྲུང་གོའི་ཁེ་ལས་ཀྱི་ཁྲིམས་མཐུན་ཁེ་དབང་སྲུང་སྐྱོང་མཐའ་གཅིག་ཏུ་བྱ་རྒྱུ་དང་། རང་ངོས་ཀྱི་ལུགས་མཐུན་འཕེལ་རྒྱས་ཀྱི་ཁེ་དབང་སྲུང་སྐྱོང་བྱ་རྒྱུ་ཡིན་ཞེས་བཤད་པ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注