མཚོ་བྱང་ཁུལ་གྱིས་རིག་གནས་ཤུལ་བཞག་སྲུང་སྐྱོང་རྒྱུན་འཛིན་ལས་དོན་བཞུགས་མོལ་ཚོགས་འདུ་བསྡུས།
ཟླ1ཚེས9ཉིན། མཚོ་བྱང་ཁུལ་གྱིས་རིག་གནས་ཤུལ་བཞག་སྲུང་སྐྱོང་རྒྱུན་འཛིན་ལས་དོན་བཞུགས་མོལ་ཚོགས་འདུ་བསྡུས་ནས། ཞི་ཅིན་ཕིང་གི་རིག་གནས་བསམ་བློ་དང་ཞིང་ཆེན་ཏང་ཨུའི“རིག་གནས་ལྔའི”འཛུགས་སྐྲུན་ལས་དོན་གྱི་བླང་བྱ་སློབ་སྦྱོང་དང་ལག་ལེན་དུ་བསྟར་བ་དང་། ཁུལ་ཡོངས་ཀྱི་རིག་གནས་ཤུལ་བཞག་སྲུང་སྐྱོང་རྒྱུན་འཛིན་ལས་དོན་ཞིབ་འཇུག་བཀོད་སྒྲིག་བྱས། ཁུལ་ཨུའི་རྒྱུན་ལས་ཨུ་ཡོན་དང་དྲིལ་སྒྲོག་པུའི་པུ་ཀྲང་སུན་ཞུག་ཙུང་ཚོགས་འདུར་ཞུགས་པ་དང་འབྲེལ་གསུང་བཤད་གནང་བ་དང་། ཁུལ་དཔོན་གཞོན་པ་མ་རུའུ་ཞང་གིས་ཚོགས་འདུར་གཙོ་སྐྱོང་གནང་།
ཚོགས་འདུའི་ཐོག་རིག་གནས་ཤུལ་བཞག་གི་ལོ་རྒྱུས་དང་རིག་གནས། སྤྱི་ཚོགས། སློབ་གསོ་བཅས་ཀྱི་རིན་ཐང་ལ་ངོས་འཛིན་གང་ལེགས་བྱས་ཏེ། རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་ཡག་པོ་བྱེད་པའི་འགན་འཁྲིའི་འདུ་ཤེས་དང་ལས་འགན་འདུ་ཤེས་ཆེ་རུ་གཏོང་བ་དང་། གཅིག་གྱུར་འཆར་འགོད་ལ་མཐོང་ཆེན་བྱས་ཏེ། རིག་གནས་ཤུལ་བཞག་སྲུང་སྐྱོང་དང་དོ་དམ། ཞིབ་འཇུག བེད་སྤྱོད་བཅས་ཀྱི་ལས་དོན་ཕྱོགས་ཡོངས་ནས་ལེགས་པར་བསྒྲུབ་དགོས་ལ། “སྲུང་སྐྱོང་ཨང་དང་པོ”ཡི་འདུ་ཤེས་མཐའ་འཁྱོངས་བྱས་ཏེ་སྲུང་སྐྱོང་གི་རྣམ་པ་ཆེན་པོ་ཆགས་པ་དང་། ལོ་རྒྱུས་ཀྱི་དོན་དངོས་རང་བཞིན་སྲུང་སྐྱོང་བྱེད་པ། རྒྱུ་རྐྱེན་གཙོ་བོའི་ཆ་ཚང་རང་བཞིན་སྲུང་སྐྱོང་བཅས་བྱེད་པ་དང་། དུས་མཚུངས་སུ་ཕྱོགས་ཡོངས་ནས་མ་ལག་ལྡན་པའི་སྒོ་ནས་སྲུང་སྐྱོང་བྱས་ཏེ། སྲུང་སྐྱོང་ཁྲོད་འཕེལ་རྒྱས་དང་འཕེལ་རྒྱས་ཁྲོད་སྲུང་སྐྱོང་བྱ་རྒྱུ་དང་། རིག་གནས་ཤུལ་བཞག་དོ་དམ་ལ་ཤུགས་སྣོན་བརྒྱབ་ནས་ཁུལ་ཡོངས་ཀྱི་ལོ་རྒྱུས་རིག་གནས་ཤུལ་བཞག་གི་ས་ཁམས་ཁྱབ་ཚུལ་དང་། གཞི་རྩའི་རྣམ་པ། ཉར་ཚགས་བེད་སྤྱོད། འགུལ་རྣམ་འཕེལ་རྒྱས་སོགས་གཞི་རྩའི་གནས་ཚུལ་གསལ་པོ་ཤེས་རྟོགས་བྱས་ནས་ཐོ་འགོད་བྱ་རྒྱུ། རིག་གནས་ཤུལ་བཞག་ཞིབ་འཇུག་དང་འགྲེལ་བཤད་ཡག་པོ་བྱས་ཏེ་ཀྲུང་ཧྭའི་ཤེས་རིག་གི་འབྱུང་ཁུངས་འཚོལ་ཞིབ་ལས་གྲྭ་ལ་དམ་པོར་དམིགས་ནས། ཁུ་ནུའི་རིག་གནས་དང་རྨ་ཆུའི་རིག་གནས། ལྕགས་རི་རིང་པོའི་རིག་གནས། “མདེལ་གཉིས་སྐར་གཅིག”གི་བསམ་པའི་རིག་གནས་སོགས་ལ་ཞིབ་འཇུག་བྱེད་ཤུགས་ཆེ་རུ་གཏོང་བ་དང་། མཚོ་བྱང་གི་རང་བྱུང་རི་ཆུ་དང་སྤྱི་ཚོགས་རིག་གནས་སྣང་ཚུལ་སྣ་ཚོགས་བར་གྱི་འབྲེལ་བར་གསལ་འགྲེལ་ཡག་པོ་བྱས་ཏེ། དེ་མཚོ་བྱང་དྲིལ་སྒྲོག་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་བསྐྱེད་པའི་སྒེའུ་ཁུང་གལ་ཆེན་ཞིག་དང་མཛེས་སྡུག་ལྡན་པའི་མིང་བྱང་ཞིག་ཏུ་འགྱུར་བར་བྱ་རྒྱུ། རིག་གནས་ཤུལ་བཞག་ལུགས་མཐུན་འོས་འཚམ་བེད་སྤྱོད་བྱ་རྒྱུར་སྐུལ་འདེད་བཏང་ནས་སྲུང་སྐྱོང་ལས་དོན་ཡག་པོ་བསྒྲུབས་པའི་སྔོན་འགྲོའི་ཆ་རྐྱེན་འོག རིག་གནས་ཤུལ་བཞག་ལུགས་མཐུན་འོས་འཚམ་བེད་སྤྱོད་ཡག་པོ་བྱས་ཏེ། དེ་སྤུས་ཚད་མཐོ་བའི་འཕེལ་རྒྱས་ལ་རོགས་རམ་བྱེད་པའི་ལེགས་ལྡན་ཐོན་ཁུངས་སུ་བསྒྱུར་ནས། རིག་གནས་ཤུལ་བཞག་སྲུང་སྐྱོང་དང་དཔལ་འབྱོར་སྤྱི་ཚོགས་འཕེལ་རྒྱས་གཉིས་ཕན་མངོན་འགྱུར་བྱ་རྒྱུ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ལོ་རྒྱུས་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་སྐོར་གྱི་རྒྱས་བཤད་གལ་ཆེན་དང་མཛུབ་སྟོན་གལ་ཆེན་སློབ་སྦྱོང་གཏིང་ཟབ་བྱེད་པ་དང་། ལོ་རྒྱུས་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་གྱི་རྩ་འཛུགས་མགོ་ཁྲིད་རྐྱེན་སྲོལ་འཐུས་ཚང་དུ་བཏང་སྟེ། ཏང་གི་མགོ་ཁྲིད་དེ་སྲུང་སྐྱོང་དང་རྒྱུན་འཛིན་ལས་དོན་ཐོག་མཐའ་བར་གསུམ་དུ་ཁྱབ་པ་མཐའ་འཁྱོངས་བྱས་ནས། ཐབས་ཇུས་བཀོད་སྒྲིག་ཁག་རྩ་བ་ཚུགས་རྒྱུར་འགན་ལེན་བྱ་རྒྱུ། ཤེས་ལྡན་མི་སྣའི་མ་དངུལ་འགན་སྲུང་བྱེད་ཤུགས་ཆེ་རུ་གཏོང་བ་དང་། ཐབས་ལམ་མང་པོའི་སྒོ་ནས་མ་དངུལ་གཏོང་རྒྱུའི་རྐྱེན་སྲོལ་འཛུགས་པ། ལྷག་པར་དུ་གོང་ནས་ཐོན་ཁུངས་བརྩོན་ལེན་ཧུར་ཐག་བྱས་ཏེ། རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་བྱ་རྒྱུར་མ་དངུལ་འགན་སྲུང་བརྟན་པོ་མཁོ་འདོན་བྱ་རྒྱུ། སྤྱི་ཚོགས་ཞུགས་པའི་རྐྱེན་སྲོལ་བཙུགས་ནས། སྤྱི་ཚོགས་ཀྱི་སྟོབས་ཤུགས་ལོ་རྒྱུས་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་གྱི་བརྒྱུད་རིམ་ཧྲིལ་པོ་དང་འབྲེལ་ཐག་ཚང་མར་ཧུར་ཐག་གིས་ཞུགས་རྒྱུར་སྐུལ་མ་གཏོང་བ་དང་རྒྱབ་སྐྱོར་བྱས་ཏེ། དོ་དམ་བྱེད་མཁན་ཡོད་པ་དང་བེད་སྤྱོད་ཐུབ་པ། ཕན་འབྲས་ཐོན་པ་བཅས་བྱས་ནས། རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་མི་རེ་རེར་འགན་འཁྲི་ཡོད་པ་དང་ཁོངས་མི་ཡོངས་ཞུགས་པའི་གསོན་ཉམས་ལྡན་པའི་རྣམ་པ་ཆགས་སུ་བཅུག་སྟེ། ལོ་རྒྱུས་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་པའི་བླང་བྱ་བཏོན།
ཚོགས་འདུའི་ཐོག་ཁུལ་རིག་ལུས་གནས་སྐོར་རྒྱང་བརྙན་ཅུ་དང་། འཇུ་ལག་རྫོང་། རྐང་ཚ་རྫོང་། གཟུགས་མེད་རིག་གནས་ཤུལ་བཞག་རྒྱུན་འཛིན་བྱེད་མཁན་བཅས་ཀྱིས་རིག་གནས་ལས་དོན་སྤེལ་རེས་གཏམ་བཤད་གནང་བ་དང་། མདོ་ལ་རྫོང་དང་མདའ་བཞི་རྫོང་། མཚོ་སྔོན་མ་རྡུལ་མཁར་དྲན་གསོ་ཁང་། རྟེན་གཞིའི་གནས་རྙིང་གཞུང་ལས་ཁང་། ཁུལ་མི་རིགས་རྟེན་མཛོད་ཁང་བཅས་ཀྱིས་སྤེལ་རེས་ཀྱི་ཡིག་ཐོག་རྒྱུ་ཆ་ཕུལ། ཁུལ་སྲིད་གྲོས་ཚན་རིག་སློབ་གསོ། རིག་གནས་འཕྲོད་བསྟེན་དང་རིག་གནས་ལོ་རྒྱུས་སློབ་སྦྱོང་ཨུ་ཡོན་ལྷན་ཁང་གི་འགན་འཁུར་བློ་མཐུན་དང་། ཁུལ་ཐད་གཏོགས་ཀྱི་འབྲེལ་ཡོད་སྡེ་ཁག་གི་འགན་འཁུར་བློ་མཐུན། རྫོང་སོ་སོའི་བགོས་གཉེར་འགན་འཁུར་མཁན་བློ་མཐུན་དང་རྫོང་ཨུ་སོ་སོའི་དྲིལ་སྒྲོག་པུ། རྫོང་རིག་ལུས་གནས་སྐོར་རྒྱང་བརྙན་ཅུའི་འགན་འཁུར་བློ་མཐུན་དང་གཟུགས་མེད་རིག་གནས་ཤུལ་བཞག་རྒྱུན་འཛིན་བྱེད་མཁན་འཐུས་མི་བཅས་ཚོགས་འདུར་ཞུགས་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注