མཚོ་བྱང་ཁུལ་གྱིས་ཞིང་ཆེན་ཡོངས་སུ་སྔོན་ལ་ཕྱི་ནས་གཉེན་སྒྲིག་ཐོ་འགོད་དང་ལག་ཁྱེར་སྤྲོད་པའི་རྟེན་གཞི་རྫོང་བཞི་ཡོངས་སུ་ཁྱབ་པ།

2024ལོར་མཚོ་བྱང་བོད་རིགས་རང་སྐྱོང་ཁུལ་དམངས་སྲིད་མ་ལག་གིས་གཉེན་སྒྲིག་ཐོ་འགོད་བྱ་ཡུལ་གྱི་རིག་གནས་འཛུགས་སྐྱོང་ལ་ཤུགས་སྣོན་ནས། ནུས་ཤུགས་ཡོད་རྒུས་དཔལ་ཡོན་ཡར་ཐོན་གྱི་གཉེན་སྒྲིག་གོམས་སྲོལ་རིག་གནས་གསོ་སྐྱོང་བྱས་པས་གཉེན་སྒྲིག་ཐོ་འགོད་ཞབས་ཞུའི་སྤུས་ཚད་དང་ཆུ་ཚད་མཐོ་རུ་ཕྱིན།　ཞིང་ཆེན་ཡོངས་སུ་སྔོན་ལ་ཕྱི་རོལ་གཉེན་སྒྲིག་ཐོ་འགོད་ས་ཚིགས2འགོ་ཚུགས་ནས་ལེགས་འགྲུབ་བྱུང་བ་དང་།　ཕྱི་ནས་གཉེན་སྒྲིག་ཐོ་འགོད་དང་ལག་ཁྱེར་སྤྲོད་པའི་རྟེན་གཞི5བསྐྲུན་ནས།　ཞིང་ཆེན་ཡོངས་སུ་ཕྱི་ནས་གཉེན་སྒྲིག་ཐོ་འགོད་དང་ལག་ཁྱེར་སྤྲོད་པའི་རྟེན་གཞི་ཐོག་མ་རྫོང་བཞི་ཡོངས་སུ་ཁྱབ་ཐུབ་པར་བྱས།

རྒྱུས་ལོན་པ་ལྟར་ན།　2024ལོར་མཚོ་བྱང་ཁུལ་གྱིས་བསྡོམས་པས་གཉེན་སྒྲིག་ཐོ་འགོད་ཆ་ཚང3597བྱས་པ་དང་།　ས་ཁོངས་ལས་བརྒལ་བའི་གཉེན་སྒྲིག་ཐོ་འགོད་ཆ་ཚང17བྱས་པ།　བཟའ་ཚང་ཁ་བྲལ་བར་འདུམ་འགྲིག་བྱས་པའི་དཔེ་1600ལྷག་བྱས་པ་དང་འདུམ་འགྲིག་དང་འདུམ་འགྲིག་ཁ་ཏ་ཆ་ཚང750ལྷག་རྒྱལ་ཁའི་ངང་བྱས།　ཁྲིམས་ལྟར་ཐོ་འགོད་བྱ་རྒྱུ་མཐའ་འཁྱོངས་བྱས་ནས་དྲ་ཐོག་དང་ཡུལ་དངོས་གཉིས་ཟུང་འབྲེལ་གྱི་ཞབས་ཞུའི་རྣམ་པ་མངོན་འགྱུར་བྱས་ཏེ། གཉེན་སྒྲིག་ཐོ་འགོད་བརྒྱུད་རིམ་རྒྱུན་ཆད་མེད་པར་ཇེ་ལེགས་སུ་གཏོང་བ་དང་གཉེན་སྒྲིག་ཐོ་འགོད་ཀྱི“ཞིང་ཆེན་ནང་ཁུལ་དུ་སྒྲུབ་ཆོག་པའི”ཞབས་ཞུ་སོགས་ལ་སྐུལ་འདེད་བཏང་སྟེ་བཟའ་ཚང་ཁ་བྲལ་བའི“ལྷོད་འཇགས་དུས་ཚོད”ལམ་ལུགས་ལག་བསྟར་ནན་མོ་བྱས་པ་མ་ཟད།　གཉེན་སྒྲིག་ཐོ་འགོད་ལས་ཁུངས་ཚད་ལྡན་ཅན་འཛུགས་སྐྲུན་ལ་མུ་མཐུད་དུ་སྐུལ་འདེད་བཏང་བ་དང་། རྫོང་བཞིའི་གཉེན་སྒྲིག་ཐོ་འགོད་ལས་ཁུངས་འཛུགས་སྐྲུན་ཁྱོན་ཡོངས་ནས་ལེགས་འགྲུབ་བྱུང་བ་དང་སྤྱི་གླིང་རྣམ་པ་སོགས་ས་གནས་ཀྱི་ཁྱད་ཆོས་ལྡན་པའི་ཕྱི་རོལ་གྱི་ལག་ཁྱེར་སྤྲོད་པའི་རྟེན་གཞི་འཚོལ་ཞིབ་བྱས། 

“520”“མཛའ་གྲོགས་དུས་ཆེན”སོགས་དུས་ཚོད་གལ་ཆེན་ལ་དམིགས་ནས།　ཕྱི་རོལ་གྱི་ཐུན་མོང་ལག་ཁྱེར་སྤྲོད་པའི་མཛད་སྒོ་སོགས་ཀྱི་བྱེད་སྒོ་རྩ་འཛུགས་བྱས་ཏེ་སྤེལ་བ་དང་།　བཟའ་ཟླ་གསར་པའི་ལག་ཁྱེར་སྤྲོད་པའི་མཛད་སྒོ་སྤེལ་བ་དང་གཉེན་སྒྲིག་གི་དམ་བཅའ་སྒྲོག་སྦྱང་བྱས་ཤིང་།　དཔལ་ཡོན་ཡར་རྒྱས་ཀྱི་གཉེན་སྒྲིག་གོམས་སྲོལ་གསར་པ་དར་སྤེལ་ཤུགས་ཆེན་བྱས།　2024ལོར་ཁུལ་ཡོངས་ཀྱིས་ཐུན་མོང་ལག་ཁྱེར་སྤྲོད་པའི་མཛད་སྒོ་ཐེངས10རྩ་འཛུགས་བྱས་ནས་སྤེལ་བ་དང་།　མཚོ་བྱང་ཁུལ་གྱི་གོམས་སྲོལ་བསྒྱུར་བའི་ལྟ་ཞིབ་ཚོགས་འདུ་རྩ་འཛུགས་བྱས་ནས་གོམས་སྲོལ་བསྒྱུར་བ་དང་དོན་དག་གསར་པ་གསར་དུ་སྒྲུབ་པར་སྐུལ་འདེད་བཏང་སྟེ། སྟབས་བདེ་འོས་འཚམ་དང་དེང་རབས་དཔལ་ཡོན་ལྡན་པའི་གཉེན་སྒྲིག་གོམས་སྲོལ་གསར་པ་དར་སྤེལ་བཏང་བ་དང་།　བཟའ་ཟླ་གསར་པའི་གཉེན་སྒྲིག་གོམས་སྲོལ་གྱི་འདུ་ཤེས་དེ“ཐོ་འགོད་ལ་སྣང་ཆུང་ནས་གཉེན་སྒྲིག་གསོལ་སྟོན་ལ་མཐོང་ཆེན་བྱེད་པ”། “ཐོ་འགོད་ལ་མཐོང་ཆེན་ནས་གཉེན་སྒྲིག་གསོལ་སྟོན་ལ་སྣང་ཆུང་བྱེད་པ”སུ་བསྒྱུར་བར་དར་སྤེལ་བྱས་ཏེ།　བཟའ་ཟླ་གསར་པོས་གཉེན་སྒྲིག་གོམས་སྲོལ་སྒྱུར་བཅོས་ཀྱི་མིང་རྟགས་རྒྱག་པའི་གྱང་ཐོག་མིང་རྟགས་བཀོད་ནས་དྲན་གསོ་འཇོག་རྒྱུ་རྩ་འཛུགས་བྱས་ཏེ།　བཟའ་ཟླ་གསར་པས་སྤྱོད་ཚུལ་གསར་པ་དང་དྲང་བདེན་གྱི་རྣམ་པ་འཛུགས་རྒྱུར་ཁྲིད་སྟོན་བྱས།  །