ཤ་བོ་སྐྱབས་ཀྱིས་ངལ་རྩོལ་དཔེ་ལེགས་མི་སྣར་འཚམས་འདྲི་གནང་པ།
“ལྔ་གཅིག”རྒྱལ་སྤྱིའི་ངལ་རྩོལ་དུས་ཆེན་སླབས་ལ་ཉེ་བའི་སྐབས་ཏེ། ཟླ4པའི་ཚེས29ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ནུབ་མཚོ་གྲོང་རྡལ་དུ་བསྐྱོད་དེ་ངལ་རྩོལ་དཔེ་བཟང་མི་སྣར་འཚམས་འདྲི་གནང་ནས་ཏང་དང་སྲིད་གཞུང་གི་ཐུགས་ཁུར་དང་དྲོ་སྐྱིད་བསྐྱལ་ལ། ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཐབ་ཕྱོགས་སོ་སོར་འབད་འཐབ་བྱེད་པའི་ཁུལ་ཡོངས་ཀྱི་རྒྱ་ཆེའི་ངལ་རྩོལ་པར་དུས་ཆེན་གྱི་རྟེན་འབྲེལ་ཞུ་བ་དང་ལྷག་བསམ་ཟོལ་མེད་ཀྱི་འཚམས་འདྲི་གནང་།
རྒྱལ་ཡོངས་ངལ་རྩོལ་དཔེ་ལེགས་མི་སྣ་མཁས་གྲུབ་ཀྱི་ཁྱིམ་དུ་ཤ་བོ་སྐྱབས་དང་ཁོའི་ཁྱིམ་མིའི་བར་བྱམས་བརྩེའི་ངང་གླེང་མོལ་བྱས་ནས་གཟུགས་གཞི་བདེ་ཐང་དང་འཚོ་བའི་གནས་ཚུལ་ལ་དོ་ཁུར་དང་འཚམས་འདྲི་ཞུས་ཏེ་བུ་བུ་མོའི་ལས་ཞུགས་དང་ཁྱིམ་ཚང་གི་ཡོང་འབབ་སོགས་ཀྱི་གནས་ཚུལ་ལ་རྒྱུས་ལོན་ཞིབ་ཕྲ་བྱས་པར་མ་ཟད། ཁོ་ཚོར“མཚོ་སྔོན་གྱི་ལིང་གྱོ་རྒྱ་རྟགས་མའི”མཚོ་སྔོན་པོའི་མཚོ་སྔོན་གྱི་ལིང་གྱོ་རྒྱའི་རྟ་རྒྱུག་འགྲན་སྡུར་དང“ལྔ་གཅིག”རིང་ཁུལ་ཨུ་དང་ཁུལ་སྲིད་གཞུང་གིས་སྤེལ་བའི་རིག་གནས་ཡུལ་སྐོར་བྱེད་སྒོ་སོ་སོ་ངོ་སྤྲོད་ཀྱང་བྱས། ཁོས་དཀའ་སྤྱད་ངལ་རྩོལ་དང་ངལ་རྩོལ་ལ་འཁང་ར་མེད་པ། ཅི་བྱས་ལ་གདོང་གཏོད་ཐུབ་པ། འབད་བརྩོན་བྱེད་ཕོད་པ། ལེགས་སྐྱེས་འབུལ་ཕོད་པའི་ངལ་རྩོལ་དཔེ་ལེགས་མི་སྣའི་སྙིང་སྟོབས་ལ་བསྔགས་བརྗོད་གང་ལེགས་བྱས་པ་དང་ཁོས་གཟུགས་པོར་ཐུགས་འཇགས་གནང་ནས་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་མུ་མཐུད་སེམས་ཁུར་དང་རྒྱབ་སྐྱོར་བྱས་ཏེ་བསམ་འཆར་དང་གྲོས་མགོ་རྩ་ཆེན་མང་ཙམ་འདོན་རྒྱུའི་རེ་བ་བྱེད་ཀྱིན་ཡོད། མཁས་གྲུབ་དང་ཁོའི་ཁྱིམ་མིའི་ཏང་དང་སྲིད་གཞུང་གིས་སེམས་ཁུར་དང་གཅེས་སྐྱོང་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་དང་ངལ་རྩོལ་དཔེ་ལེགས་མི་སྣའི་སྙིང་སྟོབས་མུ་མཐུད་དར་སྤེལ་བཏང་ནས་ཕ་ཡུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་བྱས་རྗེས་འཇོག་རྒྱུར་ཤུགས་འདོན་རྒྱུ་ཡིན་ཞེས་བཤད།
ཤ་བོ་སྐྱབས་ཀྱིས་ནན་གྱིས་བསྟན་དོན། ངལ་རྩོལ་དཔེ་ལེགས་མི་སྣ་ནི་དུས་རབས་ཀྱི་ཚད་ཤིང་ཞིག་དང་ལས་རིགས་སོ་སོ། འཐབ་ཕྱོགས་སོ་སོ་ནས་ཐོན་པའི་སྔོན་ཐོན་དཔེ་མཚོན་ཞིག་ཡིན་ལ་ཚང་མས་སློབ་སྦྱོང་བྱེད་པའི་མིག་དཔེ་ཞིག་ཀྱང་ཡིན། མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་རྒྱུ་དེ་ངལ་རྩོལ་དཔེ་ལེགས་མི་སྣ་རྣམ་པས་དཀའ་སྤྱད་འབད་འཐབ་དང་ཁ་འབྲལ་ཐབས་མེད་ལ་རྒྱ་ཆེའི་ངལ་རྩོལ་པས་འབད་བརྩོན་ལྷོད་མེད་བྱས་པ་དང་ཁ་འབྲལ་ཐབས་མེད་པས་ངལ་རྩོལ་དཔེ་བཟང་མི་སྣས་སྣེ་ཁྲིད་དཔེ་སྟོན་གྱིས་ངལ་རྩོལ་དཔེ་ལེགས་མི་སྣའི་སྙིང་སྟོབས་མུ་མཐུད་དར་སྤེལ་དང་དཔེ་ལེགས་སྣེ་ཁྲིད་ཀྱི་ནུས་པ་འདོན་སྤེལ། རང་འཁྲིའི་ལས་གནས་ཐོག་ཡང་བསྐྱར་གསར་གཏོད་བཅས་བྱས་ཏེ་མཚོ་བྱང"ཞིང་ཆེན་ཡོངས་ཀྱི་མདུན་གྲལ་དུ་སྐྱོད་པ་གསུམ"ལ་སྐུལ་འདེད་གཏོང་བ། དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་སྔར་ལས་ཆེ་བའི་བྱས་རྗེས་གསར་པ་འཇོག་རྒྱུའི་རེ་བ་ཡོད་པར་བསྟན་ལ། ཁུལ་ཡོངས་ཀྱི་གོང་འོག་ཚང་མས་ངལ་རྩོལ་དཔེ་ལེགས་མི་སྣའི་སྙིང་སྟོབས་དང་ངལ་རྩོལ་གྱི་སྙིང་སྟོབས། ལག་ཤེས་ཀྱི་སྙིང་སྟོབས་བཅས་དར་སྤེལ་ཤུགས་ཆེན་གཏོང་བ་དང་། ངལ་རྩོལ་དཔེ་ལེགས་མི་སྣའི་བྱས་རྗེས་དྲིལ་སྒྲོག་ཧུར་ཐག་དང་ངལ་རྩོལ་དཔེ་ལེགས་ཀྱི་ཉམས་འགྱུར་མངོན་པར་བྱེད་པ། ཁུལ་ཡོངས་ཀྱི་རྒྱ་ཆེའི་ལས་བྱེད་པ་དང་ལས་བཟོ་པར་སྣེ་ཁྲིད་དང་ཁྲིད་སྟོན་བྱས་ནས་རང་རང་གི་ལས་གནས་ཐོག་དངོས་དོན་བསྒྲུབ་རྒྱུ་གཙོ་གནད་དུ་འཛིན་པ་དང་འབད་འབུངས་ཡར་བརྩོན་བྱས་ཏེ། "མཚོ་བྱང་ལྔ"འཛུགས་སྐྲུན་བྱེད་ཚད་ཇེ་མགྱོགས་སུ་གཏོང་བར་སྟོབས་ཤུགས་ཆེན་པོ་གཅིག་ཏུ་སྒྲིལ་དགོས། རིམ་པ་སོ་སོའི་བཟོ་ཚོགས་རྩ་འཛུགས་ཀྱིས་དུས་དང་རྣམ་པ་ཀུན་ཏུ་རིམ་པ་སོ་སོའི་ངལ་རྩོལ་དཔེ་ལེགས་མི་སྣ་དང་། སྔོན་ཐོན་ལས་དོན་པའི་ཐོན་སྐྱེད་དང་འཚོ་བའི་གནས་ཚུལ་ལ་ཐུགས་ཁུར་དང་གཅེས་སྐྱོང་བྱེད་པ། སེམས་རྣལ་དུ་ཕབ་ནས་བརྩེ་སེམས་ལ་བརྟེན་ནས་དཀའ་ངལ་དངོས་ཐག་གཅོད་བྱེད་རོགས་བྱས་ཏེ་ངལ་རྩོལ་དཔེ་ལེགས་མི་སྣ་དང་རྒྱ་ཆེའི་ངལ་རྩོལ་པར"ཁྱིམ་མིའི"དྲོ་སྐྱིད་དངོས་སུ་མྱོང་དུ་འཇུག་དགོས་ཟེར།
ཁུལ་ཨུའི་རྒྱུན་ཨུའམ་དྲིལ་སྒྲོག་པུའི་པུའུ་ཀྲང་། ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་སུང་ཞུག་ཙུང་དང་ཁུལ་སྤྱི་ཁྱབ་བཟོ་ཚོགས་ཀྱི་འགན་འཁུར་བློ་མཐུན་གྱིས་འཚམས་འདྲིར་ཕེབས་རོགས་གནང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注