སྐྱེ་ཁམས་ཁོར་ཡུག་སྡེ་ཁག་གིས་བྱེད་ཐབས་བཞིར་བརྟེན་ནས་དམངས་གཉེར་དཔལ་འབྱོར་འཕེལ་རྒྱས་ལ་རྒྱབ་སྐྱོར་དང་ཞབས་འདེགས་ཞུ་རྒྱུ་རེད།
ཟླ9པའི་ཚེས14ཉིན། སྐྱེ་ཁམས་ཁོར་ཡུག་པུའུ་ཡིས《སྐྱེ་ཁམས་ཁོར་ཡུག་སྡེ་ཁག་གིས་དམངས་གཉེར་དཔལ་འབྱོར་འཕེལ་རྒྱས་ལ་སྔར་ལས་སྐུལ་འདེད་གཏོང་བའི་བྱེད་ཐབས་དུ་མ》དངོས་སུ་ཁྱབ་སྒྲོག་བྱས་ཏེ། ལྗང་མདོག་འཕེལ་རྒྱས་ལ་རྒྱབ་སྐྱོར་བྱ་རྒྱུ་དང་ཁོར་ཡུག་གི་འཇུག་འཐུས་ཇེ་ལེགས་སུ་གཏོང་བ། ཁོར་ཡུག་གི་ཁྲིམས་འཛིན་ཇེ་ལེགས་སུ་གཏོང་བ། སྲིད་ཇུས་ཀྱི་རྒྱབ་སྐྱོར་བྱེད་ཤུགས་ཆེ་རུ་གཏོང་བ་བཅས་ཕྱོགས་བཞིའི་ཐད་ཀྱི་ལས་འགན་བཀོད་སྒྲིག་བྱས།
སྐྱེ་ཁམས་ཁོར་ཡུག་པུའུ་ཡི་ཕྱོགས་བསྡུས་སི་ཡི་འབྲེལ་ཡོད་འགན་འཁུར་བས་ངོ་སྤྲོད་བྱས་པ་ལྟར་ན། ད་ཐེངས་བཏོན་པའི་བྱེད་ཐབས་འགའ་ཞིག་གི་དམིགས་ཡུལ་ནི། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་དམངས་གཉེར་དཔལ་འབྱོར་འཕེལ་རྒྱས་སྟོབས་ལྡན་ཡོང་བར་སྐུལ་འདེད་གཏོང་བའི་སྐོར་གྱི་བཀོད་སྒྲིག་གསར་པ་རབ་དང་རིམ་པ་ལག་བསྟར་དོན་འཁྱོལ་བྱེད་པ་དང་། སྐྱེ་ཁམས་ཁོར་ཡུག་སྡེ་ཁག་གིས་དམངས་གཉེར་དཔལ་འབྱོར་འཕེལ་རྒྱས་ལ་རྒྱབ་སྐྱོར་དང་ཞབས་འདེགས་ཞུ་རྒྱུར་སྔར་ལས་མཛུབ་སྟོན་བྱེད་པ། ལྗང་མདོག་ཐཱན་ཉུང་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཁྲོད་ཀྱི་དམངས་གཉེར་ཁེ་ལས་ཀྱི་ནུས་པ་གལ་ཆེན་འདོན་སྤེལ་བཅས་བྱེད་ཆེད་རེད།
བྱེད་ཐབས་དུ་མས་ཕྱོགས་བཞིར་དམིགས་ནས་བཀོད་སྒྲིག་བྱས་ཡོད་དེ། གཅིག་ནས་ལྗང་མདོག་འཕེལ་རྒྱས་ལ་རྒྱབ་སྐྱོར་བྱེད་དགོས། གཉིས་ནས་ཁོར་ཡུག་གི་འཇུག་འཐུས་ཇེ་ལེགས་སུ་གཏོང་དགོས། གསུམ་ནས་ཁོར་ཡུག་གི་ཁྲིམས་འཛིན་ཇེ་ལེགས་སུ་གཏོང་དགོས། བཞི་ནས་སྲིད་ཇུས་ཀྱི་རྒྱབ་སྐྱོར་བྱེད་ཤུགས་ཆེ་རུ་གཏོང་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注