མཚོ་སྔོན་གྱིས་སྟོབས་ཤུགས་ཡོད་རྒུས་མ་དངུལ་འགན་སྲུང་བྱ་བ་བཟང་བོར་བསྒྲུབ་ནས་གནོད་ཐེབས་ས་ཁུལ་གྱིས་མཛེས་སྡུག་ཁྱིམ་གཞི་འཛུགས་སྐྲུན་བྱེད་པར་རོགས་འདེགས་བྱས།
ཞིང་ཆེན་ནོར་སྲིད་ཐིན་གྱི་འབྲེལ་ཡོད་འགན་ཁུར་མི་སྣས་ངོ་སྤྲོད་བྱས་པ་ལྟར་ན། ཉེ་ལམ། ཞིང་ཆེན་ནོར་སྲིད་ཐིན་གྱིས་ཀྲུང་དབྱང་རང་བྱུང་གནོད་འཚེ་གནོད་སྐྱོབ་མ་དངུལ་སྒོར་དུང་ཕྱུར་བརྒྱད་དང་བྱེ་བ་ལྔ་བཏང་ནས། གཙོ་བོར་གནོད་ཐེབས་མང་ཚོགས་ཀྱི་འཚོ་བར་རོགས་སྐྱོར་བྱེད་པ་དང་བརྡིབས་པའི་སྡོད་ཁང་ཞིག་གསོ་སྲ་བསྒྱུར་དང་བསྐྱར་འཛུགས་ཐད་ཀྱི་འགྲོ་སོང་ཐད་རྒྱབ་སྐྱོར་བྱས།
རྒྱུས་ལོན་བྱུང་བ་ལྟར་ན། ཞིང་ཆེན་ནོར་སྲིད་ཐིན་གྱིས་ནོར་སྲིད་ནུས་ཚོད་དང་བསྐྱར་འཛུགས་དགོས་མཁོར་གཅིག་འདོམས་བྱས་པ་དང་། ཅི་ཧྲི་ཧྲན་ས་ཡོམ་མཚོ་སྔོན་གནོད་རྗེས་སླར་གསོ་བསྐྱར་འཛུགས་མ་དངུལ་བགོ་བཤའ་ཇུས་གཞི་སྒྲིག་བཟོ་པར་འགྲེམ་བྱས་ལ། ལས་གཞིའི་ལྕི་ཡང་དལ་བྲེལ་དབྱེ་བགོ་དང་རིགས་བགར་ནས་འགན་སྲུང་གཙོ་གནད་གཏན་ཁེལ་བྱས་ཤིང་། ཚན་རིག་དང་མཐུན་པའི་སྒོ་ནས་ས་གནས་ཀྱི་རང་ཡོད་ནོར་ཤུགས་དང་ཀྲུང་དབྱང་གི་ནོར་སྲིད་ཆེད་སྤྱོད། ས་གནས་སྲིད་གཞུང་གི་བུན་འཛིན་སོགས་མ་དངུལ་ཐོན་ཁུངས་ལ་གཅིག་འདོམས་བྱས་པ་དང་། ཞིང་ཁང་ཉམས་གསོ་བསྐྱར་འཛུགས་དང་སློབ་གྲྭ་ཉམས་གསོ་སོགས་སྤྱི་ཐུན་ཞབས་ཞུ་སྒྲིག་ཆས་ལས་གཞི་སླར་གསོ་འཛུགས་སྐྲུན་གཙོར་བཟུང་ནས་བཀོད་སྒྲིག་བྱས་ཏེ། གནོད་ཐེབས་ས་ཁུལ་གྱི་མི་དམངས་ཀྱི་གཞི་རྩའི་འཚོ་བའི་དགོས་མཁོ་བསྐངས། ལྟ་སྐུལ་དོ་དམ་ལ་ཤུགས་བསྣན་ནས་ཕན་ནུས་ལ་སྐུལ་འདེད་བཏང་བ་དང་། ཅི་ཧྲི་ཧྲན་ས་ཡོམ་མཚོ་སྔོན་ཡོམ་འགོག་རྒུད་སྐྱོབ་དང་གནོད་རྗེས་སློར་གསོ་བསྐྱར་འཛུགས་མ་དངུལ་གྱི་བརྒྱུད་རིམ་ཧྲིལ་བོའི་ལྟ་སྐུལ་བྱ་བའི་ཇུས་གཞི་དང་ཅི་ཧྲི་ཧྲན་ས་ཡོམ་མཚོ་སྔོན་གནོད་རྗེས་སླར་གསོ་བསྐྱར་འཛུགས་མ་དངུལ་གྱི་དོ་དམ་བྱེད་ཐབས་སོགས་མད་ངུལ་དོ་དམ་བྱེད་ཐབས་མང་པོ་པར་འགྲེམ་བྱས་ལ། བསྐྱར་འཛུགས་མ་དངུལ་གྲབས་གསོག་བཀོད་སྒྲིག་དང་བཀོལ་སྤྱོད་དོ་དམ། སྔོན་རྩིས་ལེགས་སྒྲིག གྲུབ་འབྲས་དོ་དམ་དང་ནོར་རྩིས་ལྟ་སྐུལ་སོགས་ཕྱོགས་ནས་ཚད་ལྡན་དུ་བཏང་བ་དང་། བརྒྱུད་རིམ་ཧྲིལ་བོར་གནོད་རྗེས་སླར་གསོ་བསྐྱར་འཛུགས་མ་དངུལ་ལ་ལྟ་སྐུལ་དོ་དམ་བཟང་བོ་བྱས་ནས། མ་དངུལ་རེ་རེ་ལུགས་མཐུན་བཀོལ་སྤྱོད་བྱེད་ཐུབ་པ་དང་ཕན་འབྲས་ཆེས་ཆེ་བ་འདོན་སྤྲོད་བྱེད་ཐུབ་པར་ཁག་ཐེག་བྱས།
གཟའ་འཁོར་རེར་རྗེས་འདེད་བྱེད་པ་དང་ཟླ་རེར་ཁྱབ་བསྒྲགས་བྱེད་པའི་ལམ་ལུགས་བཙུགས་པ་དང་། མཉམ་ལས་གཞོགས་འདེགས་ལ་ཤུགས་བསྣན་ལ། འབྲེལ་ཡོད་སྡེ་ཁག་དང་མཉམ་དུ་མཚོ་ཤར་གྲོང་ཁྱེར་གྱི་གནོད་རྗེས་སླར་གསོ་བསྐྱར་འཛུགས་ལས་གཞི་ལ་ལྟ་སྐུལ་ཞིབ་བཤེར་བྱས་པ་དང་། མཚོ་ཤར་གྲོང་ཁྱེར་གྱིས་སྔོན་རྩིས་ལག་བསྟར་བྱེད་ཚད་ཇེ་མགྱོགས་སུ་གཏོང་བར་སྐུལ་འདེད་བཏང་ཞིང་། ཞིང་ཁང་ཉམས་གསོ་བསྐྱར་འཛུགས་སོགས་གནོད་རྗེས་སླར་གསོ་བསྐྱར་འཛུགས་ལས་གཞི་དུས་ཐོག་ཏུ་ལེགས་འགྲུབ་བྱེད་པར་ཁག་ཐེག་བྱས་པ་དང་། གནོད་རྗེས་བསྐྱར་འཛུགས་ཀྱི་ལག་བསྟར་ཇུས་གཞིའི་ལས་གཞིའི་དུས་ཚོད་ལྟར། དུས་ཐོག་ཏུ་ལས་གཞིའི་མ་དངུལ་བཏང་ནས། སྟོབས་ཤུགས་ཡོད་རྒུས་ལས་གཞི་ལག་བསྟར་བྱེད་ཚད་ཇེ་མགྱོགས་སུ་བཏང་། ཁང་བའི་དཔྱ་ཁྲལ་དང་གྲོང་གསེབ་ཀྱི་ས་ཞིང་བཀོལ་སྤྱོད་དཔྱ་ཁྲལ། གནོད་འཚེ་ཆེན་པོ་ཐེབས་པའི་ས་ཁུལ་གྱི་སྤྱི་ཚོགས་ཚོགས་པ་དང་ཁེ་ལས། དམངས་སྒྲུབ་ཁེ་ལས་མིན་པའི་སྡེ་ཁག་གིས་སྤྲད་པའི་དབང་བོ་སྐྱོན་ཅན་གྱི་ལས་ཞུགས་འགན་སྲུང་མ་དངུལ་སོགས་ཀྱི་དཔྱ་ཁྲལ་མི་བསྡུ་བའི་གཟིགས་སྐྱོང་སྲིད་ཇུས་སྤྱོད་པ་བརྒྱུད་དེ། ཚོང་རའི་གསོན་ཤུགས་ཆེར་སྐྱེད་པ་དང་། གནོད་ཐེབས་ས་ཁུལ་གྱི་དཔལ་འབྱོར་མྱུར་དུ་སླར་གསོ་བྱེད་པར་སྐུལ་འདེད་བཏང་།
མིག་སྔའི་བར་དུ། ཞིང་ཆེན་ནོར་སྲིད་ཐིན་གྱིས་བསྡོམས་པས་ཅི་ཧྲི་ཧྲན་གྱི་ཚད་རིམ6.2གཉིས་ཀྱི་ས་ཡོམ་མཚོ་སྔོན་གནོད་ཐེབས་ས་ཁུལ་གྱི་ཡོམ་འགོག་གནོད་སྐྱོབ་དང་གནོད་རྗེས་བསྐྱར་འཛུགས་མ་དངུལ་ཐེར་འབུམ་དྲུག་དང་དུང་ཕྱུར་གཉིས་བྱེ་བ་གཅིག་བཏང་ནས། ཡོམ་འགོག་རྒུད་སྐྱོབ་དང་གནོད་འཚེའི་རྗེས་ཀྱི་སླར་གསོ་བསྐྱར་འཛུགས་མ་དངུལ་དུས་ཐོག་དང་ཚད་ལོངས་པར་འགན་སྲུང་བྱས་པ་དང་། མཚོ་ཤར་གྲོང་ཁྱེར་གྱི་གནོད་འཚེ་རྗེས་ཀྱི་སླར་གསོ་བསྐྱར་འཛུགས་བྱ་བའི་ཐད་ནས་གྲུབ་འབྲས་མངོན་གསལ་ལེན་པར་སྐུལ་འདེད་བཏང་། མིག་སྔར། ཞིང་ཁང་ཉམས་གསོ་སྲ་བསྒྱུར་བྱ་བ་ཕྱོགས་ཡོངས་ནས་ལེགས་འགྲུབ་བྱས་པ་དང་། འགྲིམ་འགྲུལ་དང་འཕྲིན་གཏོང་སོགས་རྨང་གཞི་སྒྲིག་ཆས་དང་སློབ་གསོ། སྨན་བཅོས་སོགས་སྤྱི་ཐུན་ཞབས་ཞུ་སྒྲིག་ཆས་ཁྱབ་ཁོངས་ཀྱི་འགན་སྲུང་ནུས་པ་ཧ་ལམ་ས་ཡོམ་མ་བྱུང་བའི་སྔོན་གྱི་ཆུ་ཚད་དུ་སླེབས་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注