ཁྲིམས་འདི་སང་ལོར་ལག་བསྟར་བྱ་རྒྱུ་རེད།

ཁྲིམས་འདི་སང་ལོར་ལག་བསྟར་བྱ་རྒྱུ་རེད། 

ཟླ11པའི་ཚེས8ཉིན། རྒྱལ་ཡོངས་མི་དམངས་འཐུས་ཚོགས་ཀྱི་རྒྱུན་ལས་ཨུ་ཡོན་ལྷན་ཁང་སྐབས་བཅུ་བཞི་པའི་ཚོགས་འདུ་ཐེངས་བཅུ་གཉིས་པའི་ཐོག་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ནུས་རྒྱུའི་བཅའ་ཁྲིམས་》ལ་བརྡས་ཐག་བཅད་ནས་གྲོས་འཆམ་བྱུང་བ་རེད། བཅའ་ཁྲིམས་དེར་ཁྱོན་ལེའུ་དགུ་ཡོད་པ་དང་ནང་དོན་གཙོ་བོ་སྤྱིའི་རྩ་དོན་དང་། ནུས་རྒྱུའི་འཆར་འགོད། ནུས་རྒྱུ་གསར་སྤེལ་དང་བེད་སྤྱོད། ནུས་རྒྱུའི་ཁྲོམ་རའི་མ་ལག ནུས་རྒྱུ་གྲབས་གསོག་དང་འཕྲལ་སྒྲུབ། ནུས་རྒྱུའི་ཚན་རྩལ་གསར་གཏོད། ལྟ་སྐུལ་དོ་དམ། བཅའ་ཁྲིམས་ཀྱི་འགན་འཁྲི། ཞར་བྱུང་དོན་ཚན་སོགས་ཚུད་ཡོད་པ་དང་2025ལོའི་ཟླ་1ཚེས་1ཉིན་ནས་བཟུང་ལག་བསྟར་བྱ་རྒྱུ་རེད།

ནུས་རྒྱུའི་བཅའ་ཁྲིམས་ནང་ནུས་རྒྱུ་སྤུས་ཚད་མཐོ་བའི་འཕེལ་རྒྱས་སྐུལ་འདེད་གཏོང་བ་དང་། རྒྱལ་ཁབ་ཀྱི་ནུས་རྒྱུའི་བདེ་འཇགས་འགན་སྲུང་བྱེད་པ། དཔལ་འབྱོར་དང་སྤྱི་ཚོགས་ལ་གནོད་མེད་ཐཱན་ཉུང་ཕྱོགས་སྒྱུར་དང་རྒྱུན་མཐུད་འཕེལ་རྒྱས་ལ་སྐུལ་འདེད་གཏོང་བ། ཐཱན་ཉུང་ཚད་ལོན་དང་ཐཱན་སྙོམས་འཕེལ་རྒྱས་ལ་སྐུལ་འདེད་ཧུར་ཐག་གཏོང་བ། སྤྱི་ཚོགས་རིང་ལུགས་ཀྱི་དེང་རབས་ཅན་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པའི་དགོས་མཁོ་དང་འཚམ་པ་བཅས་བྱེད་ཆེད། རྩ་ཁྲིམས་གཞིར་བཟུང་ནུས་རྒྱུའི་བཅའ་ཁྲིམས་བཟོ་དགོས་པའི་གཏན་འབེབས་བྱས་པ་རེད།

ནུས་རྒྱུའི་བཅའ་ཁྲིམས་ནི་རང་རྒྱལ་གྱི་ནུས་རྒྱུའི་ཐོན་ཁུངས་ཀྱི་དོན་དངོས་ལ་གཞི་ཚུགས་པ་དང་ནུས་རྒྱུའི་འཕེལ་རྒྱས་ཀྱི་གནས་བབ་གསར་པ་དང་འཚམ་པར་བྱས་ཏེ། ནུས་རྒྱུའི་ཁྱབ་ཁོངས་ཀྱི་རྨང་གཞིའི་རང་བཞིན་གྱི་གནད་དོན་གལ་ཆེན་ཐད་བཅའ་ཁྲིམས་ཀྱི་ངོས་ནས་གཏན་འབེབས་བྱས་ཡོད་པས་དེ་ནི་ནུས་རྒྱུའི་ཁྱབ་ཁོངས་ཀྱི་རྨང་གཞིའི་རང་བཞིན་དང་སྤྱི་འདོམས་རང་བཞིན་གྱི་བཅའ་ཁྲིམས་ཤིག་རེད།