དབྱི་སི་རལ་གྱིས་ལེ་པ་ནོན་ལ་འཇབ་རྒོལ་བྱས་ནས་ཞི་བདེ་སྲུང་སྐྱོང་མི་སྣ5རྨས།

ཚེས7ཉིན།   ལེ་པ་ནོན་དུ་སྡོད་པའི་མཉམ་འབྲེལ་རྒྱལ་ཚོགས་ཀྱི་གནས་སྐབས་དམག་དཔུང་གིས་གསལ་བསྒྲགས་སྤེལ་ནས་བཤད་རྒྱུར།  ཉིན་དེར་དབྱི་སི་རལ་གྱིས་ལེ་པ་ནོན་གྱི་ལྷོ་རྒྱུད་དུ་འཇབ་རྒོལ་བྱས་ནས་ཞི་བདེ་སྲུང་སྐྱོང་མི་སྣ5རྨས་ཟེར།

གསལ་བསྒྲགས་ལས་བཤད་རྒྱུར།  ལེ་པ་ནོན་དུ་སྡོད་པའི་མཉམ་འབྲེལ་རྒྱལ་ཚོགས་ཀྱི་དམག་དཔུང་གི་རླངས་འཁོར་རུ་ཁག་གིས་གསར་དུ་འབྱོར་བའི་ཞི་བདེ་སྲུང་སྐྱོང་མི་སྣ་དྲུད་ནས་ལེ་པ་ནོན་གྱི་ལྷོ་རྒྱུད་གྲོང་ཁྱེར་ཞིས་ཏོན་བརྒྱུད་སྐབས་ཉེ་འགྲམ་དུ་དབྱི་སི་རལ་གྱི་མི་མེད་གནམ་གྲུའི་འཇབ་རྒོལ་དོན་རྐྱེན་བྱུང་ཞིང་།  ཞི་བདེ་སྲུང་སྐྱོང་མི་སྣ་ལྔ་པོར་འཇབ་རྒོལ་ཐེབས་ནས་རྨས་སྐྱོན་ཕྲན་ཙམ་ཕོག་སྟེ་ཡུལ་དངོས་སུ་སྨན་བཅོས་བྱས་ཟེར།

ལེ་པ་ནོན་གྱི་སྤྱི་པའི་འཕྲོད་བསྟེན་པུའུ་དང་ལེ་པ་ནོན་གྱི་སྐམ་དམག་སི་ལིན་པུའུ་ཡིས་ཉིན་དེར་བརྡ་ཁྱབ་སྤེལ་ནས།  དབྱི་སི་རལ་གྱིས་ཉིན་དེར་ཞིས་ཏོན་ཞིབ་བཤེར་ས་ཚིགས་ནས་ཐོན་པའི་རླངས་འཁོར་ཞིག་ལ་འཇབ་རྒོལ་བྱས་ཏེ་རླངས་འཁོར་ནང་གི་མི3རྐྱེན་ལམ་དུ་ཤོར་བ་དང་།  ཞིབ་བཤེར་ས་ཚིགས་ཀྱི་ལེ་པ་ནོན་གྱི་དམག་མི3ལ་རྨས་སྐྱོན་ཕོག་ཡོད་ཅེས་བཤད་པ་རེད།

ལེ་པ་ནོན་དུ་སྡོད་པའི་མཉམ་འབྲེལ་རྒྱལ་ཚོགས་ཀྱི་དམག་དཔུང་གིས་གསལ་བསྒྲགས་སྤེལ་བའི་ནང་ནན་གྱིས་བསྟན་དོན། གདོང་ཐུག་ཕྱོགས་ཁག་ལ་ཞི་བདེ་སྲུང་སྐྱོང་མི་སྣའམ་ཡང་ན་མང་ཚོགས་ལ་ཉེན་ཁ་བཟོ་བའི་བྱ་སྤྱོད་མི་སྤེལ་བའི་འོས་འགན་ཡོད། འགལ་བ་ནི་གྲོས་མོལ་ལ་བརྟེན་ནས་ཐག་གཅོད་དགོས་པ་ལས་དྲག་ཤུགས་ལ་བརྟེན་ན་མི་འགྲིག

ཚེས6ཉིན།  ལེ་པ་ནོན་གྱི་སྤྱི་པའི་འཕྲོད་བསྟེན་པུའུ་ཡིས་ཁྱབ་བསྒྲགས་བྱས་པའི་བསྡོམས་རྩིས་གཞི་གྲངས་ལྟར་ན།  ན་ནིང་ཟླ10པའི་ཟླ་སྟོད་ནས་བཟུང་ལེ་པ་ནོན་གྱི་ཀྲིན་ཀྲུའུ་ཏང་དང་དབྱི་སི་རལ་བར་གྱི་གདོང་ཐུག་དེ་ལས་ལེ་པ་ནོན་དུ་མི་3050རྐྱེན་ལམ་དུ་ཤོར་ཡོད་པ་དང་།   ལེ་པ་ནོན་དང་དབྱི་སི་རལ་བར་གྱི་གདོང་ཐུག་རྒྱུན་ཆད་མེད་པར་ཆེ་རུ་སོང་བ་དང་བསྟུན་ནས། ཉེ་ལམ་ལེ་པ་ནོན་དུ་སྡོད་པའི་མཉམ་འབྲེལ་རྒྱལ་ཚོགས་ཀྱི་དམག་དཔུང་གི་ཞི་བདེ་སྲུང་སྐྱོང་མི་སྣ་མང་པོར་རྨས་སྐྱོན་ཕོག་པ་དང་།  རྒྱལ་སྤྱིའི་སྤྱི་ཚོགས་ཀྱིས་ཐེངས་མང་པོར་དབྱི་སི་རལ་ལ་རྒོལ་གཏམ་བཏང་བ་རེད།