གསེར་གོང་ཆེས་ཆེར་འཕར་འདུག

 ཟླ7པའི་ཚེས31ཉིན། རྒྱལ་སྤྱིའི་གསེར་གྱི་རིན་གོང་2.8%ལས་བརྒལ་ནས་ཟླ་7པར་རིམ་རྩིས་བྱས་ན་6%ཙམ་འཕར་ཡོད།

དབུས་ཤར་ས་འབྲེལ་གདོང་ཐུག་ལས་དངུལ་འཇོག་མཁན་གྱི་ཉེན་གཡོལ་བསམ་ཚུལ་ཆེ་རུ་ཕྱིན་པ་དང་། ཨ་རིའི་རྒྱལ་ཕྲན་མཉམ་འབྲེལ་གསོག་འཇོག་ཨུ་ལྷན་གྱིས་ཟླ་9པ་ནས་བཟུང་སྐྱེད་ཀ་དམའ་རུ་གཏོང་རྒྱུའི་ལྐོག་བརྡ་བཏང་བས། ཨ་རིའི་བུ་ལོན་གྱི་ཁེ་སྤོགས་ཐོབ་ཚད་ཚང་མ་ཆག་པ་དང་། རྒྱལ་སྤྱིའི་གསེར་གྱི་རིན་གོང་གཟའ་ལྷག་པར་2.8%ལྷག་ཙམ་འཕར་ཡོད། ཚོང་མཇུག་བསྒྲིལ་བའི་བར། ཉིའུ་ཡོག་ཚོང་ཟོག་ཉོ་ཚོང་ཁང་གི་ཟླ་8པའི་གསེར་གྱི་རིན་གོང་ཨང་སི་རེར་ཨ་སྒོར་2473.0བསྡུས་པ་དང་འཕར་ཚད་2.83%ཟིན་ཡོད་པ་རེད། ཟླ་7པ་ཧྲིལ་པོར་གོ་ལ་ཧྲིལ་པོའི་གསེར་གྱི་འཛད་སྤྱོད་དགོས་མཁོ་བརྟན་པོའི་ངང་འཕར་བ་དང་། དེ་བཞིན་ཁྲོམ་རས་ཨ་རིའི་རྒྱལ་ཕྲན་མཉམ་འབྲེལ་གསོག་འཇོག་ཨུ་ལྷན་གྱིས་ཟླ་9པར་སྐྱེད་ཀ་དམའ་རུ་གཏོང་རྒྱུའི་སྔོན་དཔག་བྱས་པ་དེ་ཡིས་རྒྱལ་སྤྱིའི་གསེར་གྱི་རིན་གོང་ཟླ་བ་ཧྲིལ་པོར་རིམ་རྩིས་བྱས་ན་5.70%འཕར་རྒྱུར་སྐུལ་མ་ཐེབས་ཡོད་པ་རེད།