ཟླ8པའི་ཚེས1ཉིན། ཞིང་ཆེན་ཏང་ཨུའི་ཁྲིམས་ལྟར་ཞིང་ཆེན་ཕྱོགས་ཡོངས་བཅོས་སྐྱོང་ཨུ་ཡོན་ལྷན་ཁང་གཞུང་སྒྲུབ་ཁང་དང་ཞིང་ཆེན་ཏང་ཨུའི་ཁྲིམས་ལྟར་ཞིང་ཆེན་ཕྱོགས་ཡོངས་བཅོས་སྐྱོང་ཨུ་ཡོན་ལྷན་ཁང་བཅའ་ཁྲིམས་བརྩི་སྲུང་དང་བཅའ་ཁྲིམས་ཁྱབ་གདལ་མཐུན་སྦྱོར་ཚན་ཆུང་གིས་མཉམ་འབྲེལ་སྒོས་ཀྲུང་གོའི་སྲིད་ཁྲིམས་སློབ་ཆེན་གྱི་སློབ་གཙོ། ཀྲུང་གོའི་ཁྲིམས་རིག་པའི་མཐུན་ཚོགས་ཀྱི་ཚོགས་གཙོ་གཞོན་པ། ཀྲུང་གོའི་ཁྲིམས་རིག་པའི་མཐུན་ཚོགས་སྲིད་འཛིན་ཁྲིམས་རིག་ཞིབ་འཇུག་ཁང་གི་མགོ་གཙོ་མཱ་ཧོའེ་ཏི་གདན་ཞུ་བྱས་ནས། ཞིང་ཆེན་ཡོངས་ཀྱི་ཐིན་རིམ་པའི་ལས་བྱེད་པར་ཆེད་དོན་ཁྲིམས་སྐྱོང་འཆད་ཁྲིད་བྱས།
འཆད་ཁྲིད་ཀྱིས་ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་འཛུགས་སྐྲུན་བྱེད་པ་བརྗོད་སྙིང་དུ་བྱས་པ་དང་། ཞི་ཅིན་ཕིང་གི་ཁྲིམས་སྐྱོང་དགོངས་པ་དེ་གཞུང་ལུགས་ཀྱི་རྨང་གཞི་དང་རྐང་འཛུགས་ས་རུ་བྱས་ཏེ། བཅའ་ཁྲིམས་མ་ལག་འཐུས་ཚང་དུ་གཏོང་བ་དང་ལྟ་བ་བསྒྱུར་ནས་འདྲ་མཉམ་འགྲན་རྩོད་ཀྱི་ཁོར་ཡུག་བསྐྲུན་པ་དང་། སྲིད་གཞུང་གི་འགན་ནུས་བསྒྱུར་བ་དང་། ལྟ་སྐུལ་ཁྲིམས་འཛིན་གྱི་ཕན་ནུས་མཐོར་འདེགས་གཏོང་བ། ཁྲིམས་སྐྱོང་རྩ་དོན་རྒྱུན་འཁྱོངས་བྱེད་པ། སྣ་མང་གི་འགལ་རྩོད་ཐག་གཅོད་རྐྱེན་སྲོལ་འཐུས་ཚང་དུ་གཏོང་བ་དང་། སྲིད་གཞུང་གི་ཡིད་རྟོན་ཁ་ཆད་རྐྱེན་སྲོལ་འཐུས་ཚང་དུ་གཏོང་བ་སོགས་ཕྱོགས་ནས། ཕྱོགས་ཡོངས་དང་ཟུར་ངོས་མང་པོ་ནས་ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་ཁྱབ་ཁོངས་ནང་གི་ཁྲིམས་སྐྱོང་སྒྲིག་གཞི་རྐྱེན་སྲོལ་འཛུགས་སྐྲུན་ཐད་ནས་འགྲེལ་བཤད་གསལ་བོ་བྱས་པ་དང་། སློབ་མ་ཚོར་གསོན་ཉམས་ལྡན་པའི་ཆེད་དོན་བཅའ་ཁྲིམས་སློབ་ཁྲིད་ཅིག་བྱས།
འཆད་ཁྲིད་ལ་ཞུགས་པའི་སློབ་མ་ཚོས་མཐའ་གཅིག་ཏུ། ཐེངས་འདིའི་འཆད་ཁྲིད་བརྒྱུད་དེ། ཁྲིམས་སྐྱོང་དགོངས་པ་དང་ཁྲིམས་སྐྱོང་གི་རྣམ་པ་བཀོལ་ནས་བཅོས་བསྒྱུར་ཟབ་སྤེལ་བྱེད་པ་དང་འཕེལ་རྒྱས་ལ་སྐུལ་འདེད་གཏོང་བ། འགལ་རྩོད་ཐག་གཅོད་པ་དང་བརྟན་འཇགས་སྲུང་སྐྱོབ་བྱེད་པ། ཉེན་ཁར་ཁ་གཏད་འཇལ་བའི་ནུས་པ་སྔར་ལས་མཐོར་འདེགས་བཏང་བ་དང་། ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་ལེགས་བསྒྱུར་བྱེད་པའི་དོན་སྙིང་གཙོ་བོར་ངོས་འཛིན་གང་ལེགས་བྱས་ལ། སྲིད་གཞུང་དང་སྡེ་ཁག་སོ་སོའི་ལས་བྱེད་མི་སྣའི་འགན་འཁྲི་འདུ་ཤེས་ཇེ་དྲག་ཏུ་བཏང་བ་དང་། ཁྲིམས་སྐྱོང་ཚོང་གཉེར་ཁོར་ཡུག་འཛུགས་སྐྲུན་བྱེད་པའི་བྱ་བ་བཟང་བོར་བསྒྲུབ་པའི་ཐད་མཛུབ་སྟོན་གྱི་དོན་སྙིང་ཆེན་པོ་ལྡན་པའི་ཚུལ་བསྟན། ཚང་མས་མཐའ་གཅིག་ཏུ། འགོ་ཁྲིད་ལས་བྱེད་པའི་གནད་འགག་གྲངས་ཉུང་གི་དཔེ་སྟོན་སྣེ་ཁྲིད་ནུས་པ་འདོན་སྤེལ་བྱེད་པ་དང་། ཁྲིམས་སྐྱོང་གི་བྱེད་ཐབས་སྤྱད་དེ་སྤུས་ལེགས་ཀྱི་ཚོང་གཉེར་ཁོར་ཡུག་མཉམ་འཛུགས་བྱེད་པ། འདྲ་མཉམ་དྲང་གཞག་གི་རྩ་དོན་དེ་ཁྲིམས་འཛུགས་དང་ཁྲིམས་བསྟར། ཁྲིམས་འཛིན། ཁྲིམས་སྲུང་གི་དུས་རིམ་སོ་སོར་ཁྱབ་པར་བྱས་ནས། སྟོབས་ཤུགས་ཡོད་རྒུས་ཞིང་ཆེན་རིམ་པའི་དཔལ་འབྱོར་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་སུ་གཏོང་བར་ཞབས་འདེགས་ཞུ་རྒྱུ་ཡིན་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注