ལོ་མཇུག་སྔོན་ལ་སྡེ་བའི་འཕྲོད་བསྟེན་ཁང་གི་སྨན་རིན་སྨན་བཅོས་འགན་སྲུང་ནང་འཇུག་རྒྱུ་རེད།
ཉེ་ཆར་རྒྱལ་ཁབ་སྨན་བཅོས་འགན་སྲུང་ཅུའུ་ཡིས་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་དང་མཉམ་འབྲེལ་གྱིས《སྡེ་བའི་འཕྲོད་བསྟེན་ཁང་གི་སྨན་རིན་སྨན་བཅོས་འགན་སྲུང་ནང་འཇུག་རྒྱུར་མགྱོགས་མྱུར་ངང་སྐུལ་འདེད་གཏོང་རྒྱུའི་སྐོར་གྱི་བརྡ་ཐོ》པར་འགྲེམས་བྱས་ནས། ས་གནས་ཁག་གིས2024ལོའི་ལོ་མཇུག་སྔོན་ལ་ཆ་རྐྱེན་དང་མཐུན་པའི་སྡེ་བའི་འཕྲོད་བསྟེན་ཁང་སྨན་བཅོས་འགན་སྲུང་གི་གཏན་འཁེལ་དོ་དམ་ནང་འཇུག་རྒྱུར་འགན་སྲུང་བྱས་ཏེ། སྨན་བཅོས་འགན་སྲུང་ཞབས་ཞུ“སྡེ་བ་ཚང་མར་སྤྱོད་རྒྱུ”འགན་སྲུང་བྱེད་དགོས་པའི་བླང་བྱ་བཏོན།
●2024ལོའི་ལོ་མཇུག་གི་སྔོན་ལ་ཆ་རྐྱེན་འཛོམས་པའི་སྡེ་བའི་འཕྲོད་བསྟེན་ཁང་དེ་སྨན་བཅོས་འགན་སྲུང་ནང་འཇུག་རྒྱུར་འགན་སྲུང་བྱེད་པ་དང་། སྡེ་བར་འཕྲོད་བསྟེན་ཁང་ཡོད་པའི་སྲིད་འཛིན་སྡེ་བས་ཉུང་མཐར་ཡང་སྡེ་བའི་འཕྲོད་བསྟེན་ཁང་གཅིག་སྨན་བཅོས་འགན་སྲུང་དོ་དམ་ནང་འཇུག་རྒྱུར་འགན་སྲུང་བྱས་ཏེ། སྨན་བཅོས་འགན་སྲུང་ཞབས་ཞུ“སྡེ་བ་ཚང་མར་ཁྱབ་པར”འགན་སྲུང་བྱས་ནས་མང་ཚོགས་ཀྱི་སྨན་བཅོས་སྟབས་བདེ་ཡོང་བ་བྱ་རྒྱུ་རེད།
●གྲོང་གསེབ་ཀྱི་འཕྲོད་བསྟེན་ཞབས་ཞུ་གཞི་གཅིག་ཅན་དུ་འགྱུར་བའི་དོ་དམ་མངོན་འགྱུར་བྱུང་ཟིན་པའི་ས་ཁུལ། སྨན་བཅོས་འགན་སྲུང་ལས་ཁུངས་ཀྱིས་ཤང་དང་གྲོང་རྡལ་འཕྲོད་བསྟེན་ཁང་གི་ཞབས་ཞུའི་གྲོས་མཐུན་འཐུས་ཚང་དུ་བཏང་སྟེ། ཤང་དང་གྲོང་རྡལ་འཕྲོད་བསྟེན་ཁང་བརྒྱུད་རང་གིས་དོ་དམ་བྱེད་པའི་སྡེ་བའི་འཕྲོད་བསྟེན་ཁང་ལས་འབྱུང་བའི་སྨན་བཅོས་འགན་སྲུང་གྲོན་དངུལ་བསྡོམས་རྩིས་རྒྱག་དགོས།
●སྡེ་བའི་འཕྲོད་བསྟེན་ཁང་གིས་སྨན་བཅོས་འཕྲོད་བསྟེན་བྱ་སྤྱོད་ལ་མུ་མཐུད་དུ་དོ་དམ་བྱེད་ཤུགས་ཇེ་ཆེར་གཏོང་བ་དང་། སྨན་བཅོས་འགན་སྲུང་ཐེབས་རྩ་གང་འདོད་དུ་སྤྱོད་རྒྱུར་ཉེན་ཁ་མེད་པའི་འགན་སྲུང་བྱེད་པའི་རྨང་གཞིའི་ཐོག་སྨན་བཅོས་འགན་སྲུང་ལས་ཁུངས་ཀྱིས་སྡེ་བའི་འཕྲོད་བསྟེན་ཁང་ལ་རྒྱབ་སྐྱོར་བྱས་ཏེ། གཞི་རྩའི་སྨན་བཅོས་འགན་སྲུང་གི་སྒོ་བསྟེན་སྨན་བཅོས་ལ་གཅིག་གྱུར་འཆར་འགོད་བྱེད་པ། གྲོང་གསེབ་དང་སྡེ་བའི་སྡེ་མིའི“ནད་གཉིས”(ཁྲག་ཤེད་མཐོ་བ་དང་གཅིན་སྙི་ཟ་ཁུ)སྒོ་བསྟེན་སྨན་བཅོས་ཀྱི་སྨན་སྤྱོད་འགན་སྲུང་སོགས་སྨན་བཅོས་ཞབས་ཞུ་གཏན་འབེབས་ལྟར་དུས་ཐོག་ཏུ་སྨན་བཅོས་འགན་སྲུང་གི་འགྲོ་གྲོན་བསྡོམས་རྩིས་རྒྱག་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注