རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས《གཞི་རྩའི་སྨན་བཅོས་འགན་བཅོལ་ནང་ཞུགས་པའི་ཕུགས་ཕན་ལམ་སྲོལ་འཐུས་ཚང་དུ་གཏོང་བའི་སྐོར་གྱི་མཛུབ་ཁྲིད་བསམ་འཆར》པར་འགྲེམས་བྱས་པ།
རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས《གཞི་རྩའི་སྨན་བཅོས་འགན་བཅོལ་ནང་ཞུགས་པའི་ཕུགས་ཕན་ལམ་སྲོལ་འཐུས་ཚང་དུ་གཏོང་བའི་སྐོར་གྱི་མཛུབ་ཁྲིད་བསམ་འཆར》（གཤམ་དུ《མཛུབ་ཁྲིད་བསམ་འཆར》ཞེས་བསྡུ་རྒྱུ）པར་འགྲེམས་བྱས།
《མཛུབ་ཁྲིད་བསམ་འཆར》གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ཏེ། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་ཁྱོན་ཡོངས་ནས་ལག་བསྟར་དོན་འཁྱོལ་དང་། འཕེལ་རྒྱས་ཀྱི་འདུ་ཤེས་གསར་པ་ཆ་ཚང་དང་གནད་ལ་འཁེལ་བའི་སྒོ་ནས་ཁྱོན་ཡོངས་ནས་ལག་བསྟར་དོན་འཁྱོལ་བྱས་ཏེ། སྤུས་ཚད་མཐོ་བའི་འཕེལ་རྒྱས་ཁྲོད་དམངས་འཚོའི་བདེ་སྐྱིད་ཆེ་རུ་གཏོང་བ་དང་། མང་ཚོགས་ཀྱི་སྨན་པ་བསྟེན་པའི་རྗེས་ཕྱོགས་ཀྱི་སེམས་ཁྲལ་ཐག་གཅོད་ཏན་ཏིག་བཅས་བྱས། 《མཛུབ་ཁྲིད་བསམ་འཆར》ནང་ཕྱོགས་སོ་སོའི་འགན་འཁྲི་ཁ་གསལ་བཟོས་ནས་ཁྲིམས་ལྟར་འགན་བཅོལ་ནང་ཞུགས་པ་དོན་འཁྱོལ་བྱེད་དགོས་དང་། སྲིད་ཇུས་དང་བྱེད་ཐབས་འཐུས་ཚང་དུ་བཏང་ནས་བསྟུད་མར་འགན་བཅོལ་ནང་ཞུགས་པར་སྐུལ་མ་གཏོང་དགོས། ཞབས་ཞུའི་སྤུས་ཚད་མཐོ་རུ་བཏང་ནས་ཚོར་སྣང་ཡོད་པའི་འགན་བཅོལ་ནང་ཞུགས་ཤུགས་ཆེ་རུ་གཏོང་དགོས། 《མཛུབ་སྟོན་བསམ་འཆར》ནང་གཤམ་གསལ་གྱི་གཙོ་གནད་བྱེད་ཐབས་བཏོན་ཡོད་པ་སྟེ།
གཅིག་ནི་སྲིད་ཇུས་དང་བྱེད་ཐབས་འཐུས་ཚང་དུ་གཏོང་དགོས། རྒྱུན་སྡོད་བྱ་ཡུལ་དང་ལས་ཞུགས་བྱ་ཡུལ་དུ་གཞི་རྩའི་སྨན་བཅོས་འགན་བཅོལ་ནང་ཞུགས་པའི་ཐེམ་ཐོའི་ཚད་བཀག་སྔར་བས་ལྷོད་ཡངས་སུ་གཏོང་དགོས། གྲོང་མིའི་སྨན་བཅོས་འགན་བཅོལ་གྱི་གྲོན་དངུལ་དེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཆུ་ཚད་དང་གྲོང་མིའི་མི་རེའི་ཆ་སྙོམས་ཀྱི་བཀོལ་སྤྱོད་ཆོག་པའི་ཡོང་འབབ་དང་འབྲེལ་མཐུད་བྱེད་པར་སྐུལ་འདེད་གཏོང་དགོས། ལས་བཟོ་པའི་སྨན་བཅོས་འགན་བཅོལ་གྱི་མི་སྒེར་རྩིས་ཐོའི་ཐོག་འགན་བཅོལ་ནང་ཞུགས་མཁན་གྱི་གཉེན་ཉེའི་སྨན་བཅོས་འགན་བཅོལ་ནང་ཞུགས་པའི་མི་སྒེར་གྱི་གྲོན་དངུལ་སྤྲོད་པ་དང་དེ་བཞིན་འགན་བཅོལ་ནང་ཞུགས་པའི་གཉེན་ཉེ་གྲས་ཀྱིས་གཏན་འཁེལ་སྨན་བཅོས་ལས་ཁུངས་སུ་སྨན་པ་བསྟེན་ནས་སྨན་རྫས་ཉོ་སྐབས་མི་སྒེར་རང་གིས་སྤྲོད་པའི་སྨན་བཅོས་འགྲོ་གྲོན་ནང་སྤྲོད་པར་རྒྱབ་སྐྱོར་བྱེད་དགོས། གྲོང་མིའི་སྨན་བཅོས་འགན་བཅོལ་ནང་བསྟུད་མར་ཞུགས་མཁན་དང་འགྲོ་སོང་རྩིས་ཞུ་བྱས་མེད་པའི་མི་སྣའི་ནད་གཞི་ཚབས་ཆེན་འགན་བཅོལ་གྱི་ཐོབ་ཐང་ལ་སྐུལ་མ་གཏོང་བའི་ལམ་སྲོལ་བཙུགས་ནས། བསྟུད་མར་འགན་བཅོལ་ནང་ཞུགས་མཁན་ལ་སྐུལ་མ་གཏོང་བ་དང་འགྲོ་སོང་རྩིས་ཞུ་བྱས་མེད་པའི་སྐུལ་མ་གཏོང་བ་དང་། རྩ་དོན་ཐོག་ཐེངས་རེར་བཅད་གྲངས་མཐོ་རུ་གཏོང་བ་སྒོར1000ལས་མི་ཉུང་བ་བྱེད་དགོས། 2025ལོ་ནས་བཟུང་ཕྲུ་གུ་དམར་འབྱར་སོགས་དམིགས་བསལ་ཚོགས་སྤྱི་ཕུད། གྲོང་མིའི་སྨན་བཅོས་འགན་བཅོལ་གཅིག་སྡུད་ནང་འགན་བཅོལ་ནང་ཞུགས་མེད་པའམ་ཡང་ན་བསྟུད་མར་འགན་བཅོལ་ནང་ཞུགས་མེད་པའི་མི་སྣར། འགན་བཅོལ་ནང་ཞུགས་རྗེས་ཀྱི་གཏན་འཇགས་ཐོབ་ཐང་སྒུག་པའི་དུས་ཚོད་དང་འགྱུར་ལྡོག་ཐོབ་ཐང་སྒུག་པའི་དུས་ཚོད་བཀོད་སྒྲིག་བྱ་རྒྱུ་རེད།
གཉིས་ནི་དོ་དམ་ཞབས་ཞུ་ཇེ་ལེགས་སུ་གཏོང་དགོས། དམངས་ཡོངས་འགན་བཅོལ་ནང་ཞུགས་པའི་གཞི་གྲངས་མཛོད་བཙུགས་ནས“མི་རེར་ཡིག་ཚགས་གཅིག”གི་དོ་དམ་མངོན་འགྱུར་ཡོང་བ་བྱ་དགོས། ལོ་ལྟར་ཟླ9པར་གཞི་རྩའི་སྨན་བཅོས་འགན་བཅོལ་གྱི་དམངས་ཡོངས་འགན་བཅོལ་ནང་ཞུགས་པའི་གཅིག་བསྡུས་དྲིལ་བསྒྲགས་བྱེད་སྒོ་སྤེལ་དགོས། བཙའ་སྐྱེས་གསོ་རིག་དཔང་ཡིག་དང་། ཐེམ་ཐོ་ཐོ་འགོད། སྨན་བཅོས་འགན་བཅོལ་ནང་ཞུགས་པ་སོགས“བཙའ་སྐྱེས་ཀྱི་བྱ་བ་གཅིག”འདུས་གྲུབ་ཅན་དུ་བསྒྲུབ་རྒྱུར་སྐུལ་འདེད་གཏོང་བ་དང་། འགྲོ་ལུགས་སྟབས་བདེ་རུ་གཏོང་བ། བརྒྱུད་རིམ་ཇེ་ལེགས་སུ་གཏོང་བ་བཅས་བྱས་ཏེ། ལྟ་སྐྱོང་པས་ཕྲུ་གུ་དམར་འབྱར་སྐྱེས་པའི་ལོ་དེར་འགན་བཅོལ་ནང་ཞུགས་པར་སྐུལ་འདེད་གཏོང་དགོས། ཆ་རྐྱེན་ཧུར་ཐག་གིས་བསྐྲུན་ནས་རང་མོས་ཀྱིས་རེ་ཞུ་བྱས་པ་མ་ཟད་ཆ་རྐྱེན་དང་མཐུན་པའི་གྲོང་ཚོའི་འཕྲོད་བསྟེན་ཁང་སྨན་བཅོས་འགན་བཅོལ་རྩིས་ཞུ་ཁྱབ་ཁོངས་ནང་བཅུག་སྟེ་དུས་ཐོག་ཏུ་རྩིས་ཞུ་བྱེད་པར་སྐུལ་འདེད་གཏོང་དགོས།
གསུམ་ནི་སྡེ་ཚན་མཐུན་སྦྱོར་བྱེད་ཤུགས་ཆེ་རུ་གཏོང་དགོས། འབྲེལ་ཡོད་སྡེ་ཚན་ཁག་གིས་འགན་བཅོལ་ནང་ཞུགས་པའི་ལས་དོན་ཁྲོད་ཀྱི་འགན་འཁྲི་གཙོ་བོ་ཁ་གསལ་བཟོས་ནས། མི་འབོར་ཆ་འཕྲིན་གྱི་གྲངས་གཞི་བསྡུར་བ་དང་། སྤྱི་ཚོགས་འགན་བཅོལ་ལས་སྒོའི་མཐུན་སྦྱོར་མཉམ་འགུལ། ཕྲུ་གུ་དམར་འབྱར་གྱི“བཙའ་སྐྱེས་ཀྱི་བྱ་བ་གཅིག”གི་ཞབས་ཞུ་སོགས་ཀྱི་ལས་དོན་ཡག་པོ་བསྒྲུབས་ཏེ། སྤྱི་ཚོགས་ཀྱི་སྟོབས་ཤུགས་ཁྲིམས་ལྟར་ཚད་ལྡན་ངང་སྨན་བཅོས་རོགས་སྐྱོབ་ནང་ཞུགས་པར་སྐུལ་སློང་དང་ཁྲིད་སྟོན་བྱས་ཏེ། གཞི་རྩའི་སྨན་བཅོས་འགན་བཅོལ་དང་ཚོང་ལས་འགན་བཅོལ་མཉམ་དུ་འཕེལ་རྒྱས་འགྲོ་བར་སྐུལ་འདེད་གཏོང་དགོས་ལ། ཆ་འཕྲིན་མཉམ་སྤྱོད་ལ་སྐུལ་འདེད་གཏོང་དགོས།
《མཛུབ་ཁྲིད་བསམ་འཆར》ནང་ས་ཁུལ་དང་འབྲེལ་ཡོད་སྡེ་ཚན་སོ་སོས་རྩ་འཛུགས་ཀྱི་མགོ་ཁྲིད་ལ་ཤུགས་སྣོན་རྒྱག་པ་དང་། ཕྱོགས་བསྡུས་གདེང་འཇོག་ལ་ཤུགས་སྣོན་རྒྱག་པ། མ་དངུལ་གྱི་རྒྱབ་སྐྱོར་འགན་ལེན་བཅས་བྱས་ནས་བྱེད་ཐབས་ཁག་བརྟན་རླིང་ངང་དོན་འཁྱོལ་ཐུབ་པར་འགན་ལེན་བྱེད་དགོས་པའི་བླང་བྱ་བཏོན་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注