ཨ་རབ་རྒྱལ་ཁབ་མནའ་འབྲེལ་གྱི་དྲུང་ཡིག་ཆེན་མོས་དབྱི་སི་རལ་གྱིས་སི་རི་ཡཱ་ལ་འཇབ་རྒོལ་བྱས་པར་རྒོལ་གཏམ་བཏང་།

ཨ་རབ་རྒྱལ་ཁབ་མནའ་འབྲེལ་གྱི་དྲུང་ཡིག་ཆེན་མོ་ཀའེ་ཐི་ཡིས་ཚེས26ཉིན་དབྱི་སི་རལ་གྱི་དམག་དཔུང་གིས་སི་རི་ཡཱའི་ལྷོ་ཕྱོགས་ས་ཁུལ་དུ་འཇབ་རྒོལ་བྱས་ནས་མི་སེར་དཀྱུས་མར་ཤི་རྨས་བཟོས་པར་རྒོལ་གཏམ་དྲག་པོ་བཏང་།

ཀའེ་ཐི་ཡིས་གསལ་སྒྲོག་ཅིག་གི་ནང་བསྟན་དོན། དབྱི་སི་རལ་གྱིས་སི་རི་ཡཱ་ལ་མུ་མཐུད་དུ་འཇབ་རྒོལ་བྱས་པ་ནི་སི་རི་ཡཱའི་བདག་དབང་ལ་མངོན་སུམ་འཛེམ་མེད་ཀྱིས་བཙན་འཛུལ་བྱས་པ་ཡིན་ལ། མངོན་སུམ་གྱིས་སི་རི་ཡཱའི་མིག་སྔའི་གནས་བབ་བེད་སྤྱོད་བཏང་ནས་དེའི་ས་ཁོངས་འཕྲོག་ལེན་བྱེད་པ་དང་ཟིང་འཁྲུག་དང་འཁྲུག་རྩོད་ལ་ངན་སྐུལ་བྱེད་འདོད་པ་རེད་ཟེར། ཁོས་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ནུས་པ་འདོན་སྤེལ་བྱས་ནས། དབྱི་སི་རལ་གྱིས་སི་རི་ཡཱའི་བཙན་འཛུལ་ལ་བཀག་འགོག་བྱེད་དགོས་པའི་སྐུལ་མ་བཏང་། ཁོས་ད་རུང་རྒྱལ་སྤྱིའི་སྤྱི་ཚོགས་ཀྱིས་དབྱི་སི་རལ་གྱིས་ས་ཁུལ་དེའི་རྒྱལ་ཁབ་དག་ལ་བཙན་འཛུལ་བྱེད་པར་བཀག་འགོག་བྱེད་དགོས་པའི་འབོད་སྐུལ་བཏང་ཡོད་ཟེར།

སི་རི་ཡཱའི་ཕྱི་འབྲེལ་པུའུ་ཡིས་ཚེས25ཉིན་གསལ་སྒྲོག་སྤེལ་ཏེ། དབྱི་སི་རལ་གྱི་དམག་དཔུང་གིས་ཉིན་དེར་སི་རི་ཡཱའི་ལྷོ་ཕྱོགས་ཀྱི་ཏི་ལཱ་ཞིང་ཆེན་གྱི་མཁར་གྲོང་ཞིག་ལ་འགས་གཏོར་བཏང་སྟེ། མི་དྲུག་རྐྱེན་ལམ་དུ་ཤོར་བ་དང་མི་མང་བོར་རྨས་ཕོག་ཡོད་ཟེར།