ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས2025ལོར་མའོ་ཨར་ཏའོ་ཝའི་རང་བྱུང་སོལ་རླངས་མཁོ་འདོན་མཚམས་འཇོག་རྒྱུ་ཁྱབ་བསྒྲགས་བྱས།

ཡོང་ཁུངས། ཞིན་ཧྭ་གསར་འགྱུར་དྲ་བ། རྩོམ་སྒྲིག་པ། ཕག་མོ་ཚེ་བརྟན། 2024-12-29 14:37:23 ཀློག་གྲངས།25

ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས་ཚེས28ཉིན་ཁྱབ་བསྒྲགས་བྱས་དོན། མའོ་ཨར་ཏའོ་ཝའི་རང་བྱུང་སོལ་རླངས་ཀུང་ཟིས་དུས་ཡུན་རིང་བོར་གྲོན་དངུལ་ཆད་ལ་བཞག་པར་དམིགས་ནས། ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས2025ལོའི་ཟླ་དང་པོའི་ཚེས་གཅིག་ཉིན་ནས་བཟུང་མའོ་ཨར་ཏའོ་ཝའི་རང་བྱུང་སོལ་རླངས་མཁོ་འདོན་མཚམས་འཇོག་རྒྱུ་ཡིན་ཟེར།

ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས་ཚེས28ཉིན་དྲ་ཐོག་ཏུ་སྤྱི་སྒྲོག་སྤེལ་ཏེ། མའོ་ཨར་ཏའོ་ཝ་ཕྱོགས་ཀྱིས་ཆད་ལ་བཞག་པའི་གྲོན་དངུལ་མ་བྱིན་པའི་དབང་གིས་ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས་མའོ་ཨར་ཏའོ་ཝའི་རང་བྱུང་སོལ་རླངས་ཀུང་ཟིར་བརྡ་བཏང་སྟེ། མའོ་ཨར་ཏའོ་ཝ་ཡིས་ནམ་རྒྱུན་ད་ལྟ་ལག་བསྟར་བྱེད་པའི་གན་རྒྱ་ལྟར་མ་དངུལ་རྩིས་སྤྲོད་བྱེད་པའི་འོས་འགན་ལག་བསྟར་མི་བྱེད་པ་དང་། གན་རྒྱའི་དོན་ཚན་དང་རྒྱབ་འགལ་དུ་སོང་ཡོད་པའི་སྐྱོན་འཛུགས་བྱས། གན་རྒྱའི་དོན་ཚན་དང་ཨུ་རུ་སིའི་བཅའ་ཁྲིམས་ཀྱི་གཏན་འཁེལ་ལྟར་ན། མའོ་སི་ཁོའི་དུས་ཚོད2025ལོའི་ཟླ་དང་པོའི་ཚེས་གཅིག་ཉིན་གྱི་དུས་ཚོད་བརྒྱད་ནས་བཟུང་། ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས་ཡིག་ཐོག་གི་བརྡ་སྦྱོར་འབྱོར་རག་བར་དུ་མའོ་ཨར་ཏའོ་ཝ་རུ་རང་བྱུང་སོལ་རླངས་འདོན་སྤྲོད་བྱེད་མཚམས་འཇོག་རྒྱུ་རེད།

སྤྱི་སྒྲོག་ལས་ད་རུང་བཤད་རྒྱུར། ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས་རང་གི་ཁེ་དབང་ཚང་མ་སོར་འཇོག་བྱས་ཡོད་པ་དང་། དེའི་ནང་ཕྱོགས་གཅིག་ནས་གན་རྒྱ་མཚམས་འཇོག་པའི་ཁེ་དབང་དང་། མའོ་ཨར་ཏའོ་ཝའི་རང་བྱུང་སོལ་རླངས་ཀུང་ཟིས་གན་རྒྱའི་འོས་འགན་ལག་བསྟར་མ་བྱས་པར་བཟོས་པའི་གྱོང་གུད་ཚང་མར་སྐྱིན་ཚབ་སྤྲོད་པའམ་ཆད་པའི་མ་དངུལ་སྟེར་བའི་རེ་བ་འདོན་པའི་ཁེ་དབང་སོགས་འདུས་ཡོད་ཟེར།

ཐཱ་སི་གསར་འགྱུར་ཁང་གིས་ཚེས28ཉིན་བསྒྲགས་པ་ལྟར་ན། མའོ་ཨར་ཏའོ་ཝའི་ཙུང་ལི་ལོས་ཆེ་ཨན་གྱིས་ཉིན་དེའི་དགོང་མོར་བསྟན་དོན། ཨུ་རུ་སིའི་རང་བྱུང་སོལ་རླངས་བཟོ་ལས་མ་རྐང་ཚད་ཡོད་ཀུང་ཟི་ཡིས་མའོ་ཨར་ཏའོ་ཝ་ལ་རང་བྱུང་སོལ་རླངས་འདོན་སྤྲོད་བྱེད་མཚམས་འཇོག་པའི་ཆོད་དོན་སྤེལ་བའི་ཐད་ནས། མའོ་ཨར་ཏའོ་ཝའི་སྲིད་གཞུང་གིས་ཞིབ་འཇུག་བྱས་ཏེ་རྒྱལ་སྤྱིའི་བར་འདུམ་སོགས་བཅའ་ཁྲིམས་ཀྱི་བྱེད་ཐབས་ལ་བརྟེན་ནས་རང་སྟེང་གི་ཁེ་ཕན་ལ་སྲུང་སྐྱོབ་བྱེད་རྒྱུ་ཡིན་ཟེར།

སློབ་ཆུང་སློབ་མའི་རྩོམ་འབྲིའི་ནུས་པ་མཐོར་འདེགས་གཏོང་ཐབས།

རྐང་ཚ་རྫོང་སྤྱི་བདེ་ཅུའུ་དུག་འགོག་རུ་ཆེན་གྱིས་དུག་བཟོ་སླ་བའི་སྨན་རྫས་ཐད་ཀྱི་ཆེད་དོན་ཞིབ་བཤེར་བྱ་བ་སྤེལ།

མཚོ་སྔོན་ཞིང་ཆེན་གྱི་སངས་རྒྱས་ཆོས་ལུགས་དང་དབྱི་སི་ལན་ཆོས་ལུགས། ཏའོ་ཅའོ་ཆོས་ལུགས། ཡེ་ཤུའི་ཆོས་ལུགས་བཅས་ཀྱི་འཐུས་མིའི་ཚོགས་ཆེན་བསྡུས།

ཞི་ཅིན་ཕིང་གི་རིག་གནས་དགོངས་པའི་སློབ་སྦྱོང་རྩ་གནད་པར་སྐྲུན་བཞུགས་མོལ་ཚོགས་འདུ་པེ་ཅིང་དུ་བསྡུས།