ཕཱ་ཁི་སི་ཐན་དང་ཨ་ཧྥུའུ་ཧན་གྱི་དམག་དཔུང་གིས་མཐའ་མཚམས་ས་ཁུལ་དུ་འཁྲུག་རྩོད་བྱས་ནས་མི་སྣར་ཤི་རྨས་ཐེབས།

ཕཱ་ཁི་སི་ཐན་དང་ཨ་ཧྥུའུ་ཧན་གྱི་དམག་དཔུང་གིས་མཐའ་མཚམས་ས་ཁུལ་དུ་འཁྲུག་རྩོད་བྱས་ནས་མི་སྣར་ཤི་རྨས་ཐེབས།

ཕཱ་ཁི་སི་ཐན་དང་ཨ་ཧྥུའུ་ཧན་གྱི་དམག་དཔུང་གིས་ཚེས28ཉིན་མཐའ་མཚམས་ས་ཁུལ་ནས་འཁྲུག་རྩོད་བྱས་ཏེ་མི་སྣར་ཤི་རྨས་ཐེབས།

མིང་བཤད་མི་འདོད་པའི་ཕཱ་ཁི་སི་ཐན་གྱི་བདེ་འཇགས་དཔོན་པོ་ཞིག་གིས་ཚེས28ཉིན་ཞིན་ཧྭ་གསར་འགྱུར་ཁང་གི་གསར་འགོད་པར་བཤད་རྒྱུར། ཐེངས་འདིའི་འཁྲུག་རྩོད་དེ་ཚེས28ཉིན་གྱི་སྔ་དྲོའི་དུས་ཚོད10ཡས་མས་སུ་བྱུང་བ་དང་། འཁྲུག་རྩོད་བྱེད་ས་དེ་ཕཱ་ཁི་སི་ཐན་ནུབ་བྱང་ཕྱོགས་ཀྱི་ཕཱ་ཁི་སི་ཐན་གྱི་བདེ་འཇགས་ཞིབ་བཤེར་ས་ཚིགས་ཤིག་ཡིན་ལ། ཕྱོགས་གཉིས་ཀྱིས་འཁྲུག་རྩོད་བྱེད་སྐབས་མཚོན་ཆ་ཆེ་གྲས་བཀོལ་སྤྱོད་བྱས་ཡོད། འཁྲུག་རྩོད་དེ་ལས་ཉུང་མཐར་ཡང་ཕཱ་ཁི་སི་ཐན་དམག་ཕྱོགས་མི་གཅིག་རྐྱེན་ལམ་དུ་ཤོར་བ་དང་། མི་དྲུག་ལ་རྨས་ཕོག་ཡོད་ཟེར།

ཕཱ་ཁི་སི་ཐན་གྱི་དམག་གསུམ་གསར་འགྱུར་ཅུའུ་དང་སྲིད་གཞུང་གིས་མིག་སྔར་ད་རུང་དོན་དེའི་ཐད་ནས་གསལ་སྒྲོག་ཅི་ཡང་སྤེལ་མེད།

གཞན་ཡང་ཨ་ཧྥུའུ་ཧན་གནས་སྐབས་སྲིད་གཞུང་གི་རྒྱལ་སྲུང་པུའུ་ཡིས་ཚེས28ཉིན་བསྟན་དོན། ཨ་ཧྥུའུ་ཧན་གྱི་བདེ་འཇགས་དམག་དཔུང་གིས་ཕཱ་ཁི་སི་ཐན་ཕྱོགས་ཀྱིས་ཚོད་འཛིན་བྱེད་པའི་ས་ཁོངས་ཀྱི་དྲག་ཆས་ཉེས་ཅན་གྱི་སྦས་སྐོང་བྱེད་སར་ཆམ་ཕབ་བཏང་ཟེར། ཨ་ཧྥུའུ་ཧན་གྱི་ས་དེའི་སྨྱན་བྱད་ཀྱིས་བསྒྲགས་པ་ལྟར་ན། ཐེངས་འདིའི་འཁྲུག་རྩོད་ལས་ཕཱ་ཁི་སི་ཐན་གྱི་དམག་མི19རྐྱེན་ལམ་དུ་ཤོར་ཡོད་པ་དང་། མིག་སྔར་ཨ་ཧྥུའུ་ཧན་གྱི་དམག་དཔུང་ལ་ཤི་རྨས་ཐེབས་པའི་གནས་ཚུལ་མེད་ཟེར།