སུའུ་ཏན་གྱི་ཏཱ་ཨར་ཧྥུའུ་ཨར་བྱང་མ་མངའ་སྡེ་རུ་འཇབ་རྒོལ་དོན་རྐྱེན་ཐེངས་གཉིས་བྱུང་སྟེ་མི20རྐྱེན་ལམ་དུ་ཤོར།

སུའུ་ཏན་གྱི་ཏཱ་ཨར་ཧྥུའུ་ཨར་བྱང་མ་མངའ་སྡེ་རུ་འཇབ་རྒོལ་དོན་རྐྱེན་ཐེངས་གཉིས་བྱུང་སྟེ་མི20རྐྱེན་ལམ་དུ་ཤོར།

སུའུ་ཏན་གྱི་ཏཱ་ཨར་ཧྥུའུ་ཨར་བྱང་མ་མངའ་སྡེའི་སྲིད་གཞུང་གི་དཔོན་རིགས་ཀྱིས་ཚེས28ཉིན་བཤད་རྒྱུར། མངའ་སྡེ་དེའི་ལྟེ་གནས་གྲོང་ཁྱེར་ཧྥ་ཞེ་ཨར་གྱི་ཡུལ་གྱར་བའི་འཕྲལ་བསྟུན་ལྟེ་གནས་གཉིས་ལ་སོ་སོར་ཚེས27ཉིན་དང་ཚེས28ཉིན་སུའུ་ཏན་གྱི་འཕྲལ་མྱུར་རོགས་སྐྱོར་དམག་དཔུང་གི་འཇབ་རྒོལ་ཐེབས་ནས། བསྡོམས་པས་མི་སེར་དཀྱུས་མ20རྐྱེན་ལམ་དུ་ཤོར་བ་དང་། མི17ལ་རྨས་ཕོག་ཟེར།

ཏཱ་ཨར་ཧྥུའུ་ཨར་བྱང་མ་མངའ་སྡེའི་འཕྲོད་བསྟེན་པུའུ་ཀྲང་ཧཱ་ཐིས་ཨར་གྱིས་ཚེས28ཉིན་ཞིན་ཧྭ་གསར་འགྱུར་ཁང་གི་གསར་འགོད་པར་བཤད་རྒྱུར། སུའུ་ཏན་གྱི་འཕྲལ་མྱུར་རོགས་སྐྱོར་དམག་དཔུང་གིས་ཚེས27ཉིན་གྱི་དགོང་མོར་མི་མེད་གནམགྲུ་བཀོལ་ནས་ཧྥ་ཞེ་ཨར་ལྷོ་ཕྱོགས་ཀྱི་སློབ་གྲྭ་ཞིག་ལ་སྒྱོགས་མདེལ་བཞི་གཏོང་འཕེན་བྱས་ནས། མི་སེར་དཀྱུས་མ19རྐྱེན་ལམ་དུ་ཤོར་བ་དང་མི16ལ་རྨས་ཕོག སློབ་གྲྭ་དེ་ནི་ཡུལ་གྱར་བའི་འཕྲལ་བསྟུན་ལྟེ་གནས་ཡིན་པའི་ཆ་ནས་མི་བརྒྱ་ཕྲག་འགའ་བཀོད་སྒྲིག་བྱས་ཡོད་པ་རེད།

ཧཱ་ཐིས་ཨར་གྱིས་བཤད་རྒྱུར། ཧྥ་ཞེ་ཨར་བྱང་ངོས་ཀྱི་ཨ་པུའུ་ཧྲུའུ་ཁི་ཡུལ་གྱར་བའི་འཕྲལ་བསྟུན་ལྟེ་གནས་སུ་ཚེས28ཉིན་གྱི་སྔ་དྲོར་སུའུ་ཏན་འཕྲལ་མྱུར་རོགས་སྐྱོར་དམག་དཔུང་གི་མེ་སྒྱོགས་འཇབ་རྒོལ་ཐེབས་ཏེ། མི་སེར་དཀྱུས་མ་གཅིག་རྐྱེན་ལམ་དུ་ཤོར་བ་དང་། གཞན་ཡང་མི་གཅིག་ལ་རྨས་ཕོག་ཟེར།

སུའུ་ཏན་གྱི་འཕྲལ་མྱུར་རོགས་སྐྱོར་དམག་དཔུང་གིས་མིག་སྔར་ད་རུང་གོང་གི་འཇབ་རྒོལ་དོན་རྐྱེན་དེའི་ཐད་ནས་རྣམ་འགྱུར་ཅི་ཡང་བསྟན་མེད།