མཚོ་སྔོན་གྱི་ན་གཞོན་ལུས་རྩལ་པ་ལྷ་སྲུང་སྐྱབས་ཀྱིས་ཨང་དང་པོ་བླངས་འདུག

མཚོ་སྔོན་གྱི་ན་གཞོན་ལུས་རྩལ་པ་ལྷ་སྲུང་སྐྱབས་ཀྱིས་ཨང་དང་པོ་བླངས་འདུག

ཟླ3པའི་ཚེས31ཉིན། མཚོ་སྔོན་ཞིང་ཆེན་ལུས་རྩལ་ཅུས་ནས་ཐོན་པའི་གནས་ཚུལ་ལ་གཞིགས་ན། ཉེ་ཆར་མཇུག་བསྒྲིལ་བའི2025ལོའི་རྒྱལ་ཡོངས་འདུར་རྒྱུག་བྱ་དགའ་ཆེན་པོའི་འགྲན་སྡུར(ས་ཚིགས2པ)དང་ཏུང་ཅིན་འཛམ་གླིང་ལེགས་སྐྱེས་འགྲན་སྡུར་གྱི་གདམ་གསེས་འགྲན་སྡུར་ཁྲོད།    མཚོ་སྔོན་ཞིང་ཆེན་ལུས་རྩལ་སློབ་གྲྭའི་འདུར་རྒྱུག་རུ་ཁག་གི་རུ་མི་ལྷ་སྲུང་སྐྱབས་ལ་སྐྱེས་པའིU16ཚོགས་ཆུང་གི་སྤྱི་ལེ5ཡི་ཁྲོད་ཨང་དང་པོ་ཐོབ།     

2025ལོའི་རྒྱལ་ཡོངས་ཀྱི་འདུར་རྒྱུག་བྱ་དགའ་ཆེན་པོའི་འགྲན་སྡུར（ས་ཚིགས2པ）དང་འདུར་རྒྱུག་སྣ་རྐྱང་བའི་འགྲན་སྡུར（ས་ཚིགས་དང་པོ）དང་ཏུང་ཅིན་འཛམ་གླིང་ལེགས་སྐྱེས་འགྲན་སྡུར་གྱི་འདེམས་སྒྲུག་འགྲན་སྡུར་ཟླ3པའི29ཉིན་ནས་ཟླ3པའི30ཉིན་བར་ཨན་ཧུའེ་ཞིང་ཆེན་ཧོ་ཧྥེ་གྲོང་ཁྱེར་དུ་འཚོགས། ཐེངས་འདིའི་འགྲན་སྡུར་ནང་རྒྱལ་ཡོངས་ས་གནས་ཁག་ནས་ཡོང་བའི་འཐུས་མིའི་རུ་ཁག33གྱི་འགྲན་ཞུགས་པ301ཞུགས་ཡོད་པ་དང་། འགྲན་སྡུར་གྱི་རྣམ་གྲངས་ནང་སྤྱི་ལེ35དང་སྤྱི་ལེ20། སྤྱི་ལེ10། སྤྱི་ལེ5བཅས་ཀྱི་འདུར་རྒྱུག་དང་དེ་བཞིན་མ་ལ་སུང་འདུར་རྒྱུག་མཉམ་བསྲེས་རྒྱུན་མཐུད་སོགས་ཀྱི་རྣམ་གྲངས་ཚུད་ཡོད།     

ཛ་དྲག་གི་འགྲན་སྡུར་བྱས་པ་བརྒྱུད།    མཚོ་སྔོན་ཞིང་ཆེན་ལུས་རྩལ་སློབ་གྲྭའི་འདུར་རྒྱུག་རུ་ཁག་གི་རུ་མི་ལྷ་སྲུང་སྐྱབས་ཀྱིས་སྐྱེས་པའིU16ཚོགས་ཆུང་གི་སྣ་རྐྱང་འགྲན་སྡུར་གྱི་སྤྱི་ལེ5ཡི་འདུར་རྒྱུག་འགྲན་སྡུར་ཁྲོད་སྐར་མ22སྐར་ཆ35ཡི་གྲུབ་འབྲས་ཐོག་ནས་ཨང་དང་པོ་བླངས་འདུག