གཅན་ཚའི་ལོ་རྡོ་རྗེ་བྲག་ཕུག
གཅན་ཚ་ནི་སའི་ཆགས་དབྱིབས་ཀྱི་དབང་དུ་བྱས་ན་སྲིན་པོ་རིའི་ཉིན་སྲིབ་དང་རྨ་ཆུའི་ཉིན་སྲིབ་ཀྱི་སྤྱི་མིང་ལ་བྱ། ལོ་རྒྱུས་ཐོག་ཏུ་གཅན་ཚ་ཉིན་སྲིབ་གཉིས་སུ་གྲགས་ཤིང་། ཤར་ན་རྡོ་སྦིས་གསེར་མོ་ལྗོངས་དང་། ལྷོ་ན་རེབ་གོང་གསེར་མོ་ལྗོངས། ནུབ་ན་ཁྲི་ཀ་གསེར་མོ་ལྗོངས། བྱང་ན་ཙོང་ཁའི་གསེར་མོ་ལྗོངས། དབུས་ན་གཅན་ཚ་གསེར་མོ་ལྗོངས་ཆགས་ཡོད་ཅིང་། དེང་གི་ཆར་མཚོ་སྔོན་ཞིང་ཆེན་གྱི་ཤར་ལྷོའི་ཕྱོགས་དང་། རྨ་ལྷོ་བོད་རིགས་རང་སྐྱོང་ཁུལ་གྱི་བྱང་ཕྱོགས་སུ་ཡོད་ལ། སྲིད་འཛིན་གྱི་ལྟེ་བ་ནི་མར་ཁུ་ཐང་གྲོང་རྡལ་དུ་ཆགས་ཡོད། དེ་ལྟར་གཅན་ཚ་རྫོང་མཁར་ནས་ནུབ་ཕྱོགས་སུ་ཧ་ལམ་སྤྱི་ལེ་བཞི་ཙམ་ཡོད་པའི་སར་བསྐྱོད་ཚེ། ལོ་རྡོ་རྗེ་བྲག་ཅེས་པའི་གནས་འགངས་ཆེན་དེ་བརྗིད་ཆགས་ཤིང་ལྟ་ན་སྡུག་པར་གནས། དེ་ལ་བྲག་ཕུག་ཤིན་ཏུ་མང་པོ་ཡོད་པས་ཏུན་ཧོང་བྲག་ཕུག་ཆུང་བ་ཞེས་གྲགས་ནས་གནས་སྐོར་པ་མང་པོ་ཡུལ་སྐོར་བྱེད་སའི་གནས་མཆོག་ཞིག་ཏུ་གྱུར་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注