རིག་གནས་ཡུལ་སྐོར་མཉམ་འདྲེས་འཕེལ་རྒྱས་ལས་བདེ་སྐྱིད་སྡེ་བར་འཕོ་འགྱུར་བྱུང་།

བདེ་སྐྱིད་སྡེ་བ་ནི་རྨ་ལྷོ་བོད་རིགས་རང་སྐྱོང་ཁུལ་གཅན་ཚ་རྫོང་སྣང་ར་ཞང་གི་རྨ་ཆུའི་འགྲམ་རྒྱུད་དུ་གནས་ཤིང་། རང་བྱུང་ཡུལ་ལྗོངས་ལྟ་ན་སྡུག་པ་དང་གནམ་གཤིས་ལེགས་པས་ཡུལ་སྐོར་པས་མཚོ་སྔོན་གྱི་མཛེས་པའི་གྲོང་ཚོར་འབོད་ཀྱིན་ཡོད།

“ཕྱོགས་གཅིག་གི་ས་ཆུ་ཡིས་ཕྱོགས་གཅིག་གི་མི་གསོ་མི་ཐུབ་པའི”རྣམ་པ་བསྒྱུར་ཆེད། 2016ལོའི་ཟླ9པར་སྣང་ར་ཞང་རྟ་ར་ཁ་སྡེ་བས་ཡུལ་གཞན་དུ་གནས་སྤོ་བའི་ལས་གཞི་ལག་བསྟར་བྱས་ནས་རི་འགོར་གནས་པའི་སྡེ་བ30རི་འདབས་སུ་གནས་སྤར། རོང་འབྲོག་ཁྱིམ་ཚང་དག་གཅིག་རྗེས་གཉིས་མཐུད་ངང་སྡོད་ཁང་གསར་པར་སྤོས་ནས་འཚོ་བ་གསར་བ་རོལ་མགོ་བརྩམས་པ་དང་། རྨ་ཆུ་ལ་བརྟེན་ནས་བསྐྲུན་པའི་བདེ་སྐྱིད་སྡེ་བའང་དེ་ལྟར་ཆགས་པ་རེད། ད་ལྟའི་བདེ་སྐྱིད་སྡེ་བ་ནི་རྨ་ཆུའི་རོང་སའི་སྐྱེ་ཁམས་ཁོར་ཡུག་མཛེས་ཤིང་ཁྱད་ཆོས་དམིགས་བསལ་ལྡན་ལ། མངོན་གསལ་དོད་པ་བཅས་ཀྱི་སྐྱེ་ཁམས་མཛེས་ལྗོངས་གྲོང་ཚོ་ཞིག་ཏུ་གྱུར་ཡོད།

2016ལོའི་ཟླ9པར། གཅན་ཚ་རྫོང་གིས་འཚོ་སྡོད་ཆ་རྐྱེན་ཞན་པ་དང་རྨང་གཞིའི་སྒྲིག་བཀོད་རྗེས་ལུས་ཚབས་ཆེན་ཡིན་པའི་ཡུལ་ཚོ་དང་གྲོང་རྡལ7གྱི་སྡེ་བ30ཡི་རོང་འབྲོག་ཁྱིམ་ཚང251གི་མི946ས་བབ་ལེགས་པའི་རྨ་ཆུའི་འགྲམ་གྱི་བདེ་སྐྱིད་སྡེ་བར་དབུལ་སྐྱོར་གནས་སྤོ་བྱས། བདེ་སྐྱིད་སྡེ་བས་གནམ་གཤིས་དང་། ས་ཁོངས། རྨ་ཆུའི་ཆུ་བེད་མཛེས་ལྗོངས་སོགས་ཀྱི་ལེགས་ཆར་བརྟེན་ནས། གྲོང་གསེབ་ཀྱི་ཡུལ་སྐོར་སྣེ་འདྲེན་དུ་བྱས་ཏེ་ཁྱད་ལྡན་ཞིང་ལས་དང་། རིག་གནས། འོད་ཤུགས་སོགས་མཉམ་འདྲེས་གཏིང་ཟབ་ཐུབ་པའི“ལས་རིགས་མང་པོ་མཉམ་གནས་དང་རེས་སྐོར་མང་པོའི་སྐུལ་ཁྲིད”བྱས་པའི་དབུལ་སྐྱོར་ཁྱད་ལྡན་ཐོན་ལས་སྐྱེད་སྲིང་བྱས།

ཉེ་བའི་ལོ་ཤས་རིང་། གོང་རིམ་གྱི་རྒྱབ་སྐྱོར་འོག་བདེ་སྐྱིད་སྡེ་བས“བོད་ཁྱིམ་སྤྲོ་སྐྱིད་ཁང”38ཕྱེས་ཡོད། ཡུལ་སྐོར་པ་ཉིན་རེ་བཞིན་ཇེ་མང་དུ་སོང་བ་དང་བསྟུན་ནས། ཁྱིམ་ཚང་མང་པོས་རང་འགུལ་ངང“བོད་ཁྱིམ་སྤྲོ་སྐྱིད་ཁང”གཉེར་ནས། རིག་གནས་ཡུལ་སྐོར་ལས་རིགས་འཕེལ་རྒྱས་བཏང་ནས་མང་ཚོགས་ཀྱི་ཡོང་སྒོ་དང་སྐྱིད་སྣང་སྔར་ལས་ཇེ་མཐོར་སོང་ཡོད།