ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པའི་ཆེད་དོན་གསོ་སྦྱོང་འཛིན་གྲྭ་སྐོར་ལྔ་པ་ཟི་ལིང་དུ་བསྡུས།

ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པའི་ཆེད་དོན་གསོ་སྦྱོང་འཛིན་གྲྭ་སྐོར་ལྔ་པ་ཟི་ལིང་དུ་བསྡུས།

ཟླ3པའི་ཚེས26ཉིན། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིང་གིས་གཙོ་སྒྲུབ་དང་མཚོ་སྔོན་ཞིང་ཆེན་གཟུགས་འདས་ཤུལ་བཞག་རིག་གནས་སྲུང་སྐྱོང་ལྟེ་གནས་ཀྱིས་སྒྲུབ་འགན་འཁུར་བའི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པའི་གསོ་སྦྱོང་འཛིན་གྲྭ་སྐོར་ལྔ་པ་ཟི་ལིང་གྲོང་ཁྱེར་དུ་འཚོགས། ཞིང་ཆེན་ཡོངས་ནས་ཐོན་པའི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པ85དང་གཟུགས་འདས་ཤུལ་བཞག་རིག་གནས་ཀྱི་ལས་དོན་པ10གསོ་སྦྱོང་ལ་ཞུགས།

ཐེངས་འདིའི་གསོ་སྦྱོང་གི་དམིགས་ཡུལ་ནི«མཚོ་སྔོན་ཞིང་ཆེན་གྱི་གཟུགས་འདས་ཤུལ་བཞག་རིག་གནས་ཀྱི་སྲོལ་ཡིག»དང«མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པ་ངོས་འཛིན་དང་དོ་དམ་བྱེད་ཐབས»ལག་བསྟར་གཏིང་ཟབ་བྱས་ཏེ། ཞིང་ཆེན་ཡོངས་ཀྱི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པའི་དཔུང་སྡེ་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་། གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པ་རྣམས་ཀྱིས་འགན་འཁྲི་བསྒྲུབས་པའི་འདུ་ཤེས་དང་། རྒྱུན་འཛིན་གྱི་ལག་ལེན་ནུས་པ་ཆེ་རུ་གཏོང་བ། ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་རང་བཞིན་གྱི་རྒྱུན་འཛིན་པ་རྣམས་ཀྱི་དཔེ་སྟོན་དང་སྣེ་ཁྲིད་ནུས་པ་འདོན་སྤེལ་གང་ལེགས་བྱ་རྒྱུ་རེད།

གསོ་སྦྱོང་འཛིན་གྲྭས་ཞིང་ཆེན་ཕྱི་ནང་གི་ཆེད་མཁས་པ་དང་གཟུགས་འདས་ཤུལ་བཞག་རིག་གནས་ཀྱི་རྒྱུན་འཛིན་པའི་འཐུས་མི། གཟུགས་འདས་ཤུལ་བཞག་རིག་གནས་སྲུང་སྐྱོང་ལས་དོན་གྱི་ཉམས་མྱོང་ཕུན་སུམ་ཚོགས་པའི་རྐང་འཛིན་མི་སྣ་བཅས་གདན་དྲངས་ཏེ། གཟུགས་འདས་ཤུལ་བཞག་རིག་གནས་ཀྱི་འབྲེལ་ཡོད་བཅའ་ཁྲིམས་ཁྲིམས་སྲོལ་དང་། སྲིད་ཇུས། མཚོ་སྔོན་ཞིང་ཆེན་གྱི་གཟུགས་འདས་ཤུལ་བཞག་རིག་གནས་སྲུང་སྐྱོང་གི་གྲུབ་འབྲས་དང་ལག་ལེན། གཟུགས་འདས་ཤུལ་བཞག་རིག་གནས་ཀྱི་རྒྱུན་འཛིན་པའི་ཁེ་དབང་དང་འོས་འགན། གཟུགས་འདས་ཤུལ་བཞག་རིག་གནས་ཀྱི་རྒྱུན་འཛིན་པའི་དཔྱད་དཔོག་ཞིབ་སྲོལ་འགྲེལ་བཤད་དང་། གཟུགས་འདས་ཤུལ་བཞག་རིག་གནས་ཀྱི་རྣམ་གྲངས་སྲུང་སྐྱོང་གྱོད་དཔེ་དབྱེ་ཞིབ། གཟུགས་འདས་ཤུལ་བཞག་རིག་གནས་ཟོང་རྟགས་ཇུས་འགོད་དང་ཐོན་རྫས་ཇུས་འགོད་ཞིབ་འཇུག་གསར་སྤེལ་སོགས་ཀྱི་ནང་དོན་ལ་དམིགས་ནས་སློབ་ཁྲིད་བྱ་རྒྱུ་ཡིན་པ་དང་།  དེ་དང་ཆབས་ཅིག ད་དུང་སློབ་མ་རྩ་འཛུགས་བྱས་ཏེ་མཚོ་སྔོན་ཞིང་ཆེན་རྟེན་རྫས་བཤམས་མཛོད་ཁང་གི་གཟུགས་འདས་ཤུལ་བཞག་རིག་གནས་འགྲེམས་ཁང་དང་། ཟི་ལིང་གི་གཟུགས་འདས་ཤུལ་བཞག་རིག་གནས་ཀྱི་འགྲེམས་ཁང་། ཞིང་ཆེན་རིམ་པའི་གཟུགས་འདས་ཤུལ་བཞག་རིག་གནས་ཀྱི་བཟོ་ཁང་དང་རྒྱུན་འཛིན་རྟེན་གཞི་བཅས་ལ་ལྟ་སྐོར་དང་རྟོག་ཞིབ་བཅས་བྱས་ཏེ། གཟུགས་འདས་ཤུལ་བཞག་རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་ལག་ལེན་གྲུབ་འབྲས་ལ་ཡུལ་དངོས་ནས་སློབ་སྦྱོང་བྱས་པ་མ་ཟད། གྲོས་བསྡུར་དང་སྤེལ་རེས་སོགས་ཀྱི་བྱ་ཐབས་བརྒྱུད་དེ་གཟུགས་འདས་ཤུལ་བཞག་རིག་གནས་ཀྱི་རྣམ་གྲངས་སོ་སོ་སྲུང་སྐྱོང་དང་རྒྱུན་འཛིན་གྱི་ཉམས་མྱོང་སྤེལ་རེས་བྱ་རྒྱུ་རེད།

ཐེངས་འདིའི་གསོ་སྦྱོང་འཛིན་གྲྭས“མི་གཅིག་ཀྱང་ཆད་ལུས་མི་བྱེད་པའི”རྩ་དོན་ལ་གཞིར་བཟུང་ནས། མིག་སྔར་གནས་པའི་རྒྱུན་འཛིན་པའི་བཅའ་ཁྲིམས་འདུ་ཤེས་མི་འདང་བ་དང་། གསར་གཏོད་ནུས་པ་མི་འདང་བ། དྲ་སྦྲེལ་དུས་རབས་སུ་ལག་རྩལ་གསར་པ་བེད་སྤྱོད་མི་འདང་བ། རང་ངོས་རྒྱུན་འཛིན་པའི་གཟུགས་བརྙན་སྲུང་སྐྱོང་མི་འདང་བ་སོགས་ཀྱི་གནད་དོན་ལ་དམིགས་ཏེ། ཆེད་དོན་གསོ་སྦྱོང་ཐེངས་གཅིག་སྤེལ་ནས་རྒྱུན་འཛིན་པའི་ཤེས་བྱའི་ཆུ་ཚད་དང་རྒྱུན་འཛིན་ལག་ལེན་ནུས་པ་རྒྱུན་ཆད་མེད་པར་ཇེ་མཐོར་གཏོང་རྒྱུ་རེད། །