མཐོ་སྒང་དཔལ་འབྱོར་ལ་གསོན་ཤུགས་གསར་པ་མངོན་པ།

2024ལོ་ནས་བཟུང་། བོད་ལྗོངས་ཀྱི་རིམ་པ་ཁག་དང་སྡེ་ཚན་ཁག་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་གཅིག་འདོམས་བྱ་རྒྱུ་མཐའ་འཁྱོངས་བྱས་པ་དང་། དམིགས་ཚད་དང་ལས་འགན་དམ་འཛིན་དང་ལས་ཀའི་འགན་འཁྲི་ནན་དུ་གཏོང་བ། ལས་ཀའི་བྱེད་ཐབས་འཐུས་ཚང་དུ་གཏོང་བ་བཅས་བྱས་ཏེ། དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་ཀྱི་མི་མངོན་པའི་སྟོབས་ཤུགས་རྒྱུན་ཆད་མེད་པར་མངོན་ནས། ལྗོངས་ཡོངས་སུ་དོན་འཁྱོལ་ལ་དམ་འཛིན་དང་འཕེལ་རྒྱས་ལ་སྐུལ་འདེད་གཏོང་བའི་རྣམ་པ་བཟང་པོ་ཞིག་ཆགས་ཡོད།   

གཙོ་གནད་རྣམ་གྲངས་འཛུགས་སྐྲུན་གྱིས་སྤུས་ཚད་མཐོ་བའི་འཕེལ་རྒྱས་ལ་ནུས་པ་འདོན་སྤྲོད་བྱས་པ།   

2024ལོ་ནས་བཟུང་། བོད་ལྗོངས་ཀྱི་གྲོང་ཁྱེར་ཁག་དང་ས་གནས་ཁག སྡེ་ཚན་ཁག་གིས“རྣམ་གྲངས་དམ་འཛིན་བྱ་རྒྱུ་ནི་འཕེལ་རྒྱས་དམ་འཛིན་བྱེད་པ་དང་། འཕེལ་རྒྱས་དམ་འཛིན་བྱེད་པར་ངེས་པར་དུ་རྣམ་གྲངས་དམ་འཛིན་བྱེད་དགོས”ཞེས་པའི་འདུ་ཤེས་བརྟན་པོ་བཙུགས་ནས། གཙོ་གནད་རྣམ་གྲངས་འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་བཏང་བ་དང་།  འགན་འཁྲི་ཁ་གསལ་དང་བྱེད་ཐབས་ཞིབ་ཕྲ་བྱས་པར་གྲུབ་འབྲས་མངོན་གསལ་དོད་པོ་ཐོབ་པ་དང་། ལོ་འཁོར་གྱི་མ་འཇོག་ལས་འགན་བདེ་བླག་ངང་ལེགས་འགྲུབ་བྱུང་བར་རྨང་གཞི་བརྟན་པོ་བཏིང་ཡོད།   

བོད་རང་སྐྱོང་ལྗོངས་ཏང་ཨུ་དང་སྲིད་གཞུང་གི་མགོ་ཁྲིད་གཙོ་བོས་གཙོ་གནད་རྣམ་གྲངས21འཛུགས་སྐྲུན་ལ་དངོས་སུ་འགན་ལེན་དང་སྐུལ་འདེད་བཏང་བ། “མགོ་ཁྲིད་ཀྱིས་འགན་གཙང་ལེན་དང་།  ཆེད་གཉེར་འཛིན་གྲྭའི་ཞབས་ཞུ་སྒྲུབ་པ།  དུས་བཅད་ལྟར་བཀོད་གཏོང་།  ནུས་ཤུགས་ཡོད་རྒུས་སྐུལ་འདེད་གཏོང་བ”བཅས་ཀྱི་ལས་ཀའི་རྩ་དོན་དང“རྣམ་གྲངས་གཅིག་དང་།  མགོ་ཁྲིད་གཅིག ཇུས་གཞི་ཆ་ཚང་གཅིག དམ་འཛིན་མཐའ་འཁྱོལ”བཅས་ཀྱི་ལས་ཀའི་རྣམ་པ་གཞིར་བཟུང་། ནུས་ཤུགས་ཡོད་རྒུས་འགན་ལེན་རྣམ་གྲངས་འཛུགས་སྐྲུན་གྱི“མྱུར་ཚད”ཇེ་མགྱོགས་སུ་བཏང་བ།

བོད་བྱང་ཐང་དུ་གོ་ལ་ཧྲིལ་པོའི་ས་བབ་མཐོ་ཤོས་དང་གློག་འདོན་འཕྲུལ་འཁོར་གྱི་གློག་འདོན་ཚད་ཆེ་ཤོས་ཀྱི་རང་ཚུགས་དྲ་གྲུབ་ཅན་གྱི་ནུས་གསོག་རྣམ་གྲངས་སྟེ་གསེར་རྙེད་ཁུལ་སྟ་སྒ་ཕུར་གྲོང་ཚོའི་རང་ཚུགས་དྲ་གྲུབ་ཅན་གྱི་ནུས་གསོག་གློག་ཁང་དུ་དྲ་སྦྲེལ་གློག་འདོན་བྱས་པ་རེད།   ནུས་གསོག་རྣམ་གྲངས་དེ་བདེ་བླག་ངང་འཁོར་སྐྱོད་བྱས་པ་དེས་ནག་ཆུ་གྲོང་ཁྱེར་ཡོངས་ཀྱི་གློག་ཤུགས་མཁོ་སྤྲོད་སྔར་བས་བརྟན་པོ་ཡོང་བར་འགན་ལེན་བྱས་ཡོད།  

བྱེད་ཐབས་སྣ་མང་མཉམ་དུ་སྤྱད་ནས་འཛད་སྤྱོད་ཀྱི་ཡིད་ཆེས་ཆེ་རུ་བཏང་བ།

2024ལོ་ནས་བཟུང་། བོད་ལྗོངས་ཀྱི་རིམ་པ་གསུམ་པའི་ནོར་སྲིད་ཀྱིས་འཛད་སྤྱོད་སྐུལ་འདེད་མ་དངུལ་སྒོར་དུང་ཕྱུར5.76ལྷག་བཀོད་སྒྲིག་བྱས་ཏེ།  རླངས་འཁོར་དང་ཁྱིམ་ཆས། ཁྱིམ་སྤྱོད་གློག་ཆས། བཟའ་བཏུང་། བཟོས་གྲུབ་སྣུམ། ཚོང་ར། སྒོ་རྩིས་ཁང་།  མཐོ་སྒང་གི་ཞིང་ལས་ཁྱད་ལྡན་ཐོན་རྫས་སོགས་གཙོ་གནད་འཛད་སྤྱོད་ཁྱབ་ཁོངས་ལ་དམིགས་ནས“བདེ་སྐྱིད་ལྡན་པའི་བོད་ལྗོངས་དང་འཚོ་བ་སྐྱིད་པོ་ལོངས་སུ་སྤྱོད་པ”ཞེས་པ་བརྗོད་གཞི་ཡིན་པའི་འཛད་སྤྱོད་སྐུལ་འདེད་བྱ་འགུལ་རབ་དང་རིམ་པ་མུ་མཐུད་སྤེལ་ཡོད།   གཞི་གྲངས་ལས་མངོན་པ་ལྟར་ན།  མིག་སྔའི་བར་བསྡོམས་པས་མ་དངུལ་སྒོར་དུང་ཕྱུར4.3བཏང་ནས་འཛད་སྤྱོད་སྒོར་དུང་ཕྱུར35.52འཕར་རྒྱུར་ཐད་ཀར་སྐུལ་ཁྲིད་བྱས་ཡོད།   

སྲིད་གཞུང་གིས་ཁྲིད་སྟོན་དང་ཁེ་ལས་ཟབ་ཞུགས།  དམངས་ཡོངས་ཀྱིས་མཉམ་སྤྱོད་བཅས་ཀྱི་བྱ་ཐབས་བརྒྱུད་འཛད་སྤྱོད་ཁྲོམ་རའི་གསོན་ཤུགས་ནུས་ལྡན་ངང་ཆེ་རུ་བཏང་བ་མ་ཟད།  ད་དུང་བོད་ལྗོངས་ཀྱི་འཛད་སྤྱོད་པའི་ཉོ་སྒྲུབ་ཀྱི་སྤྲོ་སེམས་སྔར་བས་ཆེ་རུ་བཏང་བ། གཞི་གྲངས་ལས་མངོན་པ་ལྟར་ན།  2024ལོའི་དུས་ཚིགས་སྔོན་མ་གསུམ་གྱི་ནང་བོད་ལྗོངས་ཀྱི་སྤྱི་ཚོགས་འཛད་སྤྱོད་དངོས་རྫས་སིལ་འཚོང་བསྡོམས་འབོར་སྒོར་དུང་ཕྱུར671.06ཟིན་པ་དེ་དུས་མཉམ་ལས6.2%འཕར་ཡོད། ལྗོངས་ཡོངས་ཀྱི་དྲ་ཐོག་སིལ་འཚོང་གྲངས་འབོར་དང་ཚོང་ཟོག་དྲ་ཐོག་སིལ་འཚོང་གྲངས་འབོར་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་ནས། གསར་དར་འཛད་སྤྱོད་ཀྱི་མི་མངོན་པའི་སྟོབས་ཤུགས་མངོན་པ།

མིག་སྔའི་བར། བོད་ལྗོངས་ཀྱིས་འཛད་སྤྱོད་དངོས་རྫས་རྙིང་པ་གསར་དུ་བརྗེ་བའི་མ་དངུལ་སྒོར་དུང་ཕྱུར2.24གཤམ་སྤྲོད་བྱས་ཤིང་། སྒོར་དུང་ཕྱུར1.13བེད་སྤྱོད་བྱས་ཟིན་པ་དང་འཛད་སྤྱོད་དངོས་རྫས་རྙིང་པ་གསར་དུ་བརྗེ་བའི་ཉོ་ཚོང་ཐེངས་ཁྲི7.8ལས་བརྒལ་བ་དང་ཕྱིར་འཚོང་བསྡོམས་འབོར་སྒོར་དུང་ཕྱུར11.2མངོན་འགྱུར་བྱུང་ཡོད།   རྙིང་པ་གསར་པར་བརྗེ་བ་ཡིས་འཛད་སྤྱོད་ལ་སྐུལ་ཁྲིད་བྱེད་པའི་ཕན་འབྲས་རིམ་བཞིན་མངོན་ཡོད།   

འགག་སྒོའི་དཔལ་འབྱོར་གྱི“འགྲོས་ཚད”མངོན་པ།

2024ལོ་ནས་བཟུང་། བོད་ལྗོངས་ཀྱིས་མཐའ་མཚམས་ཚོང་དོན་ཟོག་འགྲུལ་ལས་སྟེགས་དང་དེ་བཞིན་བགྲོད་ལམ་འཛུགས་སྐྲུན་ལ་མུ་མཐུད་སྐུལ་འདེད་བཏང་བ་དང་།  སྐྱིད་གྲོང་འགག་སྒོར་བརྟེན་ནས་སྐྱིད་གྲོང་མཐའ་མཚམས་དཔལ་འབྱོར་མཉམ་ལས་ཁུལ་གྱིས་རྒྱལ་སྤྱིའི་ཚོང་དོན་དང་དེང་རབས་ཟོག་འགྲུལ།  མཐའ་མཚམས་ཚོང་དོན་ལས་སྣོན།  མཐའ་མཚམས་ཡུལ་སྐོར་སོགས་ཁྱད་ལྡན་ལེགས་ཆའི་ཐོན་ལས་གསོ་སྐྱོང་དང་འཕེལ་རྒྱས་ཤུགས་ཆེན་བྱས་ཏེ།  ཨེ་ཤ་ཡ་ལྷོ་མར་ཁ་ཕྱོགས་ནས་སྒོ་འབྱེད་བགྲོད་ལམ་གལ་ཆེན་མགྱོགས་མྱུར་བསྐྲུན་པ།   མཐའ་མཚམས་མཉམ་ལས་ཁུལ་བཙུགས་པ་ནས་བཟུང་འཛུགས་སྐྲུན་རྣམ་གྲངས55ལག་བསྟར་བྱས་པ་དང་རྣམ་གྲངས་ལ་བསྡོམས་པས་མ་དངུལ་སྒོར་དུང་ཕྱུར13ཙམ་བཏང་བ།   དེ་དང་ཆབས་ཅིག ཆེད་དོན་མ་དངུལ་སྒོར་ཁྲི1600ལྷག་བཀོད་སྒྲིག་བྱས་ནས་ལྷ་སའི་རྒྱལ་མཚམས་ལས་བརྒལ་བའི་གློག་རྡུལ་ཚོང་དོན་ཕྱོགས་བསྡུས་ཚོད་ལྟའི་ཁུལ་དང་དེ་བཞིན་ཕྱི་རྒྱལ་གྱི་མཛོད་ཁང་རྣམ་གྲངས་འཛུགས་སྐྲུན་ལ་རྒྱབ་སྐྱོར་བྱས་པ་དང་། ནེ་པ་ལའི་ཕྱི་རྒྱལ་གྱི་མཛོད་ཁང་དང་ལྷ་ས་གྲོང་ཁྱེར་གྱི་རྒྱལ་མཚམས་ལས་བརྒལ་བའི་གློག་རྡུལ་ཚོང་དོན་འགྲེམས་སྟོན་ལྟེ་གནས་བཞི་བསྐྲུན་ནས་འཁོར་སྐྱོད་བྱེད་མགོ་ཚུགས་པ།   

2024ལོའི་ཟླ1པོ་ནས་ཟླ9པའི་བར། མཐའ་མཚམས་འབོར་ཉུང་ཉོ་ཚོང་གི་ཕྱིར་གཏོང་ནང་འདྲེན་སྒོར་དུང་ཕྱུར26.15ཟིན་པ་དང་དུས་མཉམ་ལས48.1%འཕར་བ་དང་། མཐའ་མཚམས་ཡུལ་མིའི་ཕན་ཚུན་ཉོ་ཚོང་གི་གྲངས་འབོར་སྒོར་དུང་ཕྱུར0.34ཟིན་པ་དང་དུས་མཉམ་ལས32.3%འཕར་ཡོད་པ། ལྗོངས་ཡོངས་ཀྱི་འགག་སྒྲོལ་དངོས་ཟོག་སྐྱེལ་འདྲེན་བྱེད་ཚད་ཏུན་ཁྲི13.83ཟིན་པ་དེ་དུས་མཉམ་ལས44.9%འཕར་ཡོད། །