མཚོ་སྔོན་ཞིང་ཆེན་གྱིས་གུང་གཞོན་ཚོགས་པ་དང་སློབ་གསོ་སྡེ་ཁག་བར་གྱི་རོགས་ལས་རྐྱེན་སྲོལ་ལ་ཤུགས་སྣོན་པའི་བྱེད་ཐབས་འགའ་ཕྱིར་བཏོན།

ཉེ་ལམ། གསར་འགོད་པས་གུང་གཞོན་ཚོགས་པ་མཚོ་སྔོན་ཞིང་ཆེན་ཨུ་ཡོན་ལྷན་ཁང་ནས་རྒྱུས་ལོན་བྱུང་བ་ལྟར་ན། གུང་གཞོན་ཚོགས་པ་དང་སློབ་གསོ་སྡེ་ཁག་གི་རོགས་ལས་ལ་སྔར་ལས་ཤུགས་སྣོན་པ་དང་། མི་སྐྱོང་ཕན་འབྲས་ཇེ་དྲག་ཏུ་གཏོང་ཆེད། གུང་གཞོན་ཚོགས་པ་མཚོ་སྔོན་ཞིང་ཆེན་ཨུ་ཡོན་ལྷན་ཁང་དང་ཞིང་ཆེན་སློབ་གསོ་ཐིན་ཏང་ཙུའུ། ཞིང་ཆེན་མི་རབས་རྗེས་མར་སེམས་ཁུར་བྱེད་པའི་བྱ་བའི་ཨུ་ཡོན་ལྷན་ཁང་བཅས་ཀྱིས་མཉམ་འབྲེལ་སྒོས་མཚོ་སྔོན་ཞིང་ཆེན་གྱིས་གུང་གཞོན་ཚོགས་པ་དང་སློབ་གསོ་སྡེ་ཁག་བར་གྱི་རོགས་ལས་རྐྱེན་སྲོལ་ལ་ཤུགས་སྣོན་པའི་བྱེད་ཐབས་འགའ་གཏན་འབེབས་བྱས་ནས། མཉམ་དུ་སློབ་གྲྭའི་བསམ་བློའི་ཆབ་སྲིད་དང་སློབ་གསོ་བྱ་བའི་སྒྲོམ་གཞི་མ་ལག་གྲུབ་པར་བྱས།

བྱེད་ཐབས་འགའི་ནང་དུ། རྩེ་རིམ་ཇུས་འགོད་ལ་ཤུགས་སྣོན་པ་དང་། སློབ་གྲྭ་རིམ་པའི་ཕྱོགས་ངོས་ནས་གུང་གཞོན་ཚོགས་པ་དང་ན་ཆུང་གདོང་ལེན་རུ་ཁག་གི་བྱ་བ་སློབ་གྲྭའི་ཏང་གི་འཛུགས་སྐྲུན་དང་བསམ་བློའི་ཆབ་སྲིད་བྱ་བའི་སྤྱི་ཁོག་གི་རྣམ་པའི་ཁྲོད་བཞག་ནས། ཏང་དང་གུང་གཞོན་ཚོགས་པ། རུ་ཁག་གཞི་གཅིག་ཅན་གྱི་མི་སྐྱོང་ཕྲེང་འབྲེལ་སྦྲེལ་མཐུད་བྱེད་དགོས། སློབ་གྲྭའི་བསམ་བློའི་ཆབ་སྲིད་མ་ལག་འཛུགས་སྐྲུན་ལ་མཉམ་དུ་སྐུལ་འདེད་གཏོང་བ་དང་། གུང་གཞོན་ཚོགས་པའི་རྩ་འཛུགས་སློབ་གྲྭའི་བསམ་བློའི་ཆབ་སྲིད་འཛུགས་སྐྲུན་ཁྲོད་ཞུགས་པ། སློབ་ཁྲིད་མ་ལག་དང་འཚམ་པའི་ལག་ལེན་མི་སྐྱོང་བྱ་བའི་མ་ལག་འཛུགས་པ། ཚད་ལྡན་ཅན་གྱི་གུང་གཞོན་ཚོགས་པ་དང་ན་ཆུང་གདོང་ལེན་རུ་ཁག་གི་སློབ་ཁྲིད་མ་ལག་འཛུགས་པ་དང་འཐུས་ཚང་དུ་བཏང་སྟེ། གུང་གཞོན་ཚོགས་པའི་ལག་ལེན་མི་སྐྱོང་གི་བསླབ་ཚན་དང་ཆེད་ལས་འཛུགས་སྐྲུན་དང་འཇོན་མི་སྐྱེད་སྲིང་ཐད་ཀྱི་ནུས་པ་འདོན་སྤེལ་བྱེད་དགོས། ལག་ལེན་མི་སྐྱོང་གི་བྱ་བ་བཟང་བོར་བསྒྲུབ་པ་དང་། མཚོ་སྔོན་གྱི་ན་གཞོན་ལོ་ཆུང་གི་ཁྱད་ལྡན་ལག་ལེན་བྱ་འགུལ་གྱི་ཚོང་རྟགས་གསར་སྐྲུན་བྱས་ནས། སློབ་མ་ཚོ་གཞི་རིམ་དུ་བསྐྱོད་པ་གསུམ་དང་ཕྱིར་ཕ་ཡུལ་དུ་ལོག་པ། དུས་རབས་གསར་བའི་རུ་མི་བཟང་བོ་བྱེད་པ་སོགས་ཀྱི་སྤྱི་ཚོགས་ལག་ལེན་བྱ་འགུལ་ཁྲོད་ཞུགས་པར་སྣེ་ཁྲིད་བྱེད་པ་དང་། སློབ་མ་ཚོ་ཞིང་ཆེན་ནང་ཁུལ་གྱི་བསམ་བློ་ཆབ་སྲིད་ཀྱི་ལག་ལེན་སློབ་ཁྲིད་རྟེན་གཞི་དང་ན་ཆུང་གདོང་ལེན་རུ་ཁག་གི་སློབ་ཕྱིའི་ལག་ལེན་སློབ་གསོའི་རྟེན་གཞི་རུ་སོང་ནས་ལག་ལེན་སློབ་ཁྲིད་སྤེལ་བར་སྐུལ་སློང་བྱས། སློབ་ཁྲིད་གཉིས་པ་སློབ་མ་སྐྱེད་སྲིང་བྱེད་པའི་ཇུས་གཞི་ཁྲོད་འདྲེས་པར་བྱེད་པ་དང་། སློབ་ཁྲིད་གཉིས་པའི་སྦྱངས་འབྲས་རེའུ་མིག་ལམ་ལུགས་ལག་བསྟར་བྱེད་དགོས།

དེ་དང་མཉམ་དུ། སྤྱི་ཚོགས་སྣང་ཚུལ་དང་སྤྱི་ཚོགས་ཀྱི་བསམ་བློའི་རླབས་རྒྱུན། ན་གཞོན་ལོ་ཆུང་གི་དོགས་གནད་དང་གནད་དོན་གྱི་འབྱུང་རྩར་སེམས་ཁུར་དང་སེམས་ཁྲལ་བྱེད་པ་དང་། སློབ་མའི་སེམས་ཁམས་བདེ་ཐང་དང་ལས་ཞུགས་ཁྲིད་སྟོན། ཁེ་དབང་སྲུང་སྐྱོབ། སློབ་རའི་བཙན་ཤེད་སྔོན་འགོག་བྱེད་པ་སོགས་སློབ་མས་དོ་སྣང་བྱེད་པའི་གནད་དོན་གཙོ་བོ་དང་དཀའ་གནད་ལ་དམིགས་ནས། གནད་འགག་གི་གནད་དོན་ལ་རྟོག་ཞིབ་དང་གྲལ་བཤེར་བྱས་ཏེ། རིམ་པ་སོ་སོའི་ཏང་སྲིད་ཐད་སློབ་མའི་བསམ་བློ་ཆབ་སྲིད་བྱ་བའི་དཔྱད་གཞི་འདོན་སྤྲོད་བྱེད་དགོས། སློབ་གྲྭའི་གུང་གཞོན་ཚོགས་པའི་རྩ་འཛུགས་དང་ན་ཆུང་གདོང་ལེན་རུ་ཁག་གི་རྩ་འཛུགས་འཛུགས་སྐྲུན་སྔར་ལས་ཚད་ལྡན་དུ་བསྒྱུར་བ། གུང་གཞོན་ཚོགས་པའི་ཚོགས་མིའི་བྱ་འགུལ་གཡུལ་ས་དང་ན་ཆུང་གདོང་ལེན་རུ་ཁག་གི་ལས་དོན་ཁང་། སྐེ་དཀྲིས་དམར་པོའི་རྒྱང་སྒྲོག་ས་ཚིགས་སོགས་རིག་གནས་གཡུལ་ས་འཛུགས་སྐྲུན་བྱས་ནས། མི་སྐྱོང་བྱེད་ནུས་ཇེ་དྲག་ཏུ་གཏོང་དགོས།

དེ་ལས་གཞན། སློབ་གྲྭའི་གུང་གཞོན་ཚོགས་པའི་ལས་བྱེད་མི་སྣ་དང་ན་ཆུང་གདོང་ལེན་རུ་ཁག་གི་ཟུར་ཁྲིད་པའི་གསོ་སྦྱོང་དེ་བསམ་བློའི་ཆབ་སྲིད་སློབ་ཁྲིད་ཀྱི་དགེ་རྒན་གྱི་གསོ་སྦྱོང་དང་ཞིང་ཆེན་གྱི་གསོ་སྦྱོང་ལས་གཞིའི་གསོ་སྦྱོང་འཆར་གཞི་ཁྲོད་བཞག་སྟེ། ལས་སྒོའི་ནུས་པ་ཇེ་དྲག་ཏུ་གཏོང་དགོས། གུང་གཞོན་ཚོགས་པའི་ལས་བྱེད་པ་དང་ན་ཆུང་གདོང་ལེན་རུ་ཁག་གི་ཟུར་ཁྲིད་པ་དང་དགེ་རྒན་གྱི་གཟེངས་བསྟོད་ངོས་འཛིན་དང་གོ་གནས་དཔྱད་བསྡུར་གདན་ཞུ། དཔྱད་གཞིའི་ཞིབ་འཇུག བྱ་བའི་ལོ་ཚད། བྱ་བའི་ཚད། འབྲེལ་ཡོད་ལས་འབྲེལ་བཅས་ཕྱོགས་དྲུག་ཐད་ཀྱི་འདྲ་མཉམ་གྱི་ལྟ་སྟངས་ལག་བསྟར་བྱེད་པ་དང་། ཕུལ་བྱུང་དགེ་རྒན་གྱི་དཔྱད་འདེམ་གཟེངས་བསྟོད་ཁྲོད་གུང་གཞོན་ཚོགས་པའི་ལས་བྱེད་པ་དང་ན་ཆུང་གདོང་ལེན་རུ་ཁག་གི་ཟུར་ཁྲིད་པའི་བསྡུར་ཚད་ཇེ་མང་དུ་བཏང་ནས། བྱ་བའི་ཐོབ་ཐང་ཇེ་མཐོར་གཏོང་དགོས་ཞེས་གསལ་བོར་བཏོན་ཡོད།