ཐུན་ཏེ་རྫོང་གིས་ནུས་ཤུགས་ཡོད་རྒུས་ཏང་ཡོན་སློབ་གསོ་གསོ་སྦྱོང་གི“གསར་བརྗེ་གཡུལ་ས”བསྐྲུན་པ།

“ཇི་ལྟར་གསོ་སྦྱོང”བྱེད་པར་དམིགས་ཏེ། སློབ་གསོ་སློབ་ཁྲིད་ཀྱི་ཐོན་ཁུངས་སྔོག་འདོན་བྱས་པ། གཞི་རིམ་གྱི་བྱ་བར་རྒྱུས་མངའ་ཆེ་བ་དང་ལག་ལེན་གྱི་ཉམས་མྱོང་ཕྱུག་པ། སྒྲོག་འགྲེལ་གྱི་ནུས་པ་ཆེ་བའི་ལས་ཡུལ་དང་པོའི་ལས་བྱེད་པ་དང་། དེ་མིན“ས་གནས་ཀྱི་མཁས་པ”དང“སྣ་གཅིག་མཁས་པ”40ལྷག་ལེགས་འདེམས་དང་འདེམས་སྒྲུག་བྱས་ཏེ་འཆད་ཁྲིད་དགེ་རྒན་གྱི་ལས་འགན་ཁུར། མ་དངུལ་སྒོར་ཁྲི1740བཏང་སྟེ། སློབ་ཁང་དང་སྡོད་ཁང་། ཟ་ཁང་། སྤྲོ་གསེང་བཅས་གཞི་གཅིག་ཅན་གྱི་རྫོང་ཨུའི་ཏང་གི་སློབ་གྲྭའི་སློབ་གསོ་གསོ་སྦྱོང་གི་གཡུལ་ས་གཙོ་བོ་བསྐྲུན། མ་དངུལ་སྒོར་ཁྲི223བཏང་ནས། ཏང་དམངས་ཞབས་ཞུ་ལྟེ་གནས་དང་རྒྱང་བསྟེན་སློབ་གསོ་ས་ཚིགས། རང་གཤིས་ཅན་གྱི་ཡུལ་དངོས་སློབ་ཁྲིད་ས་ཚིགས་སོགས་སློབ་གསོའི་གཡུལ་ས141ཕྱོགས་ཡོངས་ནས་ཇེ་མཐོར་བཏང་།

“གསོ་སྦྱོང་ཅི་ཞིག”བྱེད་པར་དམིགས་ཏེ། སློབ་གསོ་སློབ་ཁྲིད་བྱེད་ཐབས་ཕུན་ཚོགས་སུ་བཏང་བ། “ཏང་ཀྲི་པུའུ་ཧྲུའུ་ཅི་ཡི་ནུས་པ་མཐོར་འདེགས་གཏོང་བའི་བཟོ་འགོད”དང“ཏང་ཡོན་ཏང་གི་སློབ་གྲྭར་བསྐྱོད་དེ་གཅིག་བསྡུས་རེས་སྐོར་སྦྱོང་བརྡར་བྱེད་པའི་བཟོ་འགོད”“ཏང་དོན་ལས་བྱེད་པའི་ནུས་པ་མཐོར་འདེགས་གཏོང་བའི་བཟོ་འགོད”སོགས་སློབ་གསོ་གསོ་སྦྱོང་ཆས་རྟགས་གསར་སྐྲུན་དང་། རིམ་པ་དང་ཁྱབ་ཁོངས་བགར་ནས་རིགས་སོ་སོའི་གཙོ་གཞི་འཛིན་གྲྭ་ཐེངས30བསྒྲུབས་ཏེ། ཏང་ཡོན1653གསོ་སྦྱོང་བྱས།

“ཟླ་རེར་སློབ་ཁྲིད་རེ་དང་ཁུལ་རེར་ལག་ལེན་རེའི”བླང་བྱ་ལྟར། གཞི་རིམ་ཏང་ཀྲི་པུའུ157ལ་དུས་བཅད་ལྟར་རྣམ་པ་མང་བ་དང་རིགས་མང་བའི་བརྗོད་དོན་ཏང་གི་ཉིན་མོའི་བྱ་འགུལ་ཐེངས1716སྤེལ་བ་དང་།གཅིག་བསྡུས་སློབ་སྦྱོང་ཐེངས1248སྤེལ། སྤུས་ལེགས་སློབ་ཁྲིད་ཆེད་འདེམས་ཀྱི་ཞབས་ཞུ་དངོས་འབེབས་བྱས་པ་དང་། ཚན་རྩལ་ཆེད་མངགས་པ་དང་ཞིང་ཆེན་ཏང་ཨུའི་སློབ་གྲྭའི་རྐང་འཛིན་པ། ཆེད་དུ་གདན་ཞུ་བྱས་པའི་ཞིང་ཕྱུགས་ཆེད་མཁས་པ་བཅས་ཀྱི་ནུས་པ་འདོན་སྤེལ་བྱས་ཏེ། གསོ་སྦྱོང་གི་སློབ་ཐུན་ཞིང་སྡེར་བསྐྱལ།

“གསོ་སྦྱོང་ལེགས་པོ”བྱེད་པར་དམིགས་ཏེ། སློབ་གསོ་སློབ་ཁྲིད་ཀྱི་དཀའ་གནད་བསལ་བ། ན་གཞོན་ཏང་ཡོན་དང་བླངས་པའི་ཞབས་ཞུ་རུ་ཁག6སྒྲིག་འཛུགས་བྱས་པ་དང་། ཞིང་སྡེ་བཅོས་སྐྱོང་དང་ཞོད་འགོག་གནོད་སྐྱོབ་སོགས་ལས་ཡུལ་དང་པོར་དང་བླངས་ཞབས་ཞུ་བྱ་བ(ཐེངས)43སྤེལ་ཏེ། ལག་ལེན་དངོས་སྒྲུབ་ཁྲོད་ཏང་གཤིས་བློ་སྦྱོང་སྦྱོང་བརྡར་བྱས། 《འཁོར་སྐྱོད་ཏང་ཡོན་གྱི་དོ་དམ་བྱ་བར་སྔར་ལས་ཤུགས་སྣོན་དང་ལེགས་བཅོས་བྱེད་པའི་སྐོར་གྱི་བསམ་འཆར》དོན་འཁྱོལ་བྱེད་པ་དང་། དུས་ཐོག་ཏུ“སློབ་ཁྲིད་ཁ་གསབ་བྱས་ཏེ་སློབ་རོགས་བྱེད་པ”དང“སྒོ་ཁར་སློབ་ཁྲིད”བསྐྱལ་ཏེ། འཁོར་སྐྱོད་ཏང་ཡོན་ལ་ག་ས་གང་དུ་སློབ་སྦྱོང་བྱེད་དུ་བཅུག “འགོ་ཁྲིད་ལས་བྱེད་པ་ཏང་གི་སློབ་གྲྭར་སོང་ཏེ་སློབ་ཁྲིད་བྱེད་པའི”ལམ་ལུགས་དངོས་འབེབས་བྱས་ཏེ། ལས་བྱེད་པར་སློབ་ཁྲིད་དང་ལས་བྱེད་པས་སློབ་ཁྲིད་བྱེད་པའི་འཁོར་རྒྱུག་བཟང་པོ་མངོན་འགྱུར་བྱུང་།