ཝུའུ་ཞའོ་ཅུན་དང་ལའོ་ཏུང་ཁྲོན་གྱིས་ཞིང་ཆེན་རིམ་པའི་མགོ་ཁྲིད་རྒན་པ་དང་བློ་མཐུན་རྒན་པར་འཚམས་འདྲི་བྱས།
ཟླ1ཚེས7ཉིན། ཞིང་ཆེན་ཏང་ཨུའི་ཧྲུའུ་ཅི་ཝུའུ་ཞའོ་ཅུན་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ཚབ་མ་ལའོ་ཏུང་ཁྲོན་གྱིས་ཞིང་ཆེན་རིམ་པའི་མགོ་ཁྲིད་རྒན་པ་དང་བློ་མཐུན་རྒན་པ་སངས་རྒྱས་སྐྱབས་དང་། པད་མ། ཝང་ཅན་ཅུན། རྡོ་རྗེ་རབ་བརྟན་བཅས་ལ་བརྙན་ལམ་དང་ཡུལ་དངོས་ནས་འཚམས་འདྲི་བྱས་ལ། ཁོང་ཚོས་མཚོ་སྔོན་གྱི་དཔལ་འབྱོར་སྤྱི་ཚོགས་འཕེལ་རྒྱས་ཐད་བྱས་རྗེས་གལ་ཆེན་བཞག་པར་ཐུགས་རྗེ་ཆེ་ཞུས་པ་དང་། ཁོང་ཚོར་ལྷག་བསམ་ཟོལ་མེད་ཀྱིས་འཚམས་འདྲི་དང་ལོ་གསར་གྱི་སྨོན་འདུན་ཞུས།
ཝུའུ་ཞའོ་ཅུན་དང་ལའོ་ཏུང་ཁྲོན་གྱིས་མགོ་ཁྲིད་རྒན་པ་དང་བློ་མཐུན་རྒན་པར་བྱམས་བརྩེའི་ངང་གླེང་མོལ་བྱས་པ་དང་། ལུས་པོའི་གནས་ཚུལ་དང་འཚོ་བའི་གནས་ཚུལ་ལ་དོ་ཁུར་དང་འདྲི་རྩད་བྱས་པར་མ་ཟད། ཁོ་ཚོས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བྱ་བ་དང་ཞིང་ཆེན་ཡོངས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་སྐོར་གྱི་བསམ་འཆར་དང་གྲོས་གཞིར་ཉན། ཝུའུ་ཞའོ་ཅུན་དང་ལའོ་ཏུང་ཁྲོན་གྱིས་བཤད་རྒྱུར། ན་ནིང་སྤྱི་ཁྱབ་ཧྲུའུ་ཅི་ཞི་ཅིན་ཕིང་སླར་ཡང་མཚོ་སྔོན་ལ་དངོས་སུ་ཕེབས་ནས་གཟིགས་ཞིབ་གནང་བར་མ་ཟད་གསུང་བཤད་གལ་ཆེན་གནང་སྟེ། མཚོ་སྔོན་འཕེལ་རྒྱས་གཏོང་ཆེད་ཁ་ཕྱོགས་གཏན་འཁེལ་དང་འཆར་འགོད་གནང་བ་དང་། ཞིང་ཆེན་ཡོངས་ཀྱི་གོང་འོག་ཚང་མས་མངགས་བཅོལ་བློ་ལ་བརྟན་པོར་བཅངས་ནས་དྲིན་གཟོ་འབད་བརྩོན་བྱས་ཏེ། སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས། མི་རིགས་མཐུན་སྒྲིལ། དམངས་འཚོ་ལེགས་བཅོས། ཕྱོགས་ཡོངས་ནས་ཏང་བཅོས་སྐྱོང་ནན་མོ་བྱེད་པ་སོགས་ཀྱི་བྱ་བ་སྣ་ཚོགས་ལ་སྐུལ་འདེད་གཏོང་བར་གོམ་སྟབས་གསར་པ་སྤོས་པ་དང་གྲུབ་འབྲས་གསར་པ་བླངས། དེའི་ཁྲོད་མགོ་ཁྲིད་དང་བློ་མཐུན་རྒན་པའི་སེམས་ཤུགས་དང་བློ་གྲོས་མང་པོ་འདུས་ཡོད། སྐྱོད་ལམ་གསར་པར་འབད་པས་བསྐྱོད་དེ་ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གྱི་མངགས་བཅོལ་བློ་ལ་བརྟན་པོར་ངེས་ནས། ཞིང་ཆེན་ཡོངས་ཀྱི་རིགས་སོ་སོའི་ལས་བྱེད་མང་ཚོགས་དང་མཉམ་དུ་ཧུར་བརྩོན་སྒོས་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་འབྲི་བའི་ཕན་འབྲས་དངོས་དང་། རིགས་སོ་སོའི་མང་ཚོགས་ཀྱི་ཐོབ་སྣང་དང་སྐྱིད་སྣང་། བདེ་སྣང་བཅས་རྒྱུན་ཆད་མེད་པར་ཆེ་རུ་གཏོང་དགོས།
ཝུའུ་ཞའོ་ཅུན་དང་ལའོ་ཏུང་ཁྲོན་གྱིས་བཤད་རྒྱུར། མགོ་ཁྲིད་རྒན་པ་དང་བློ་མཐུན་རྒན་པ་ནི་མཚོ་སྔོན་འཛུགས་སྐྲུན་འཕེལ་རྒྱས་ཀྱི་ཟབ་ཞུགས་མཁན་དང་བདེན་དཔང་བྱེད་མཁན་ཡིན་པས། མགོ་ཁྲིད་རྒན་པ་དང་བློ་མཐུན་རྒན་པས་ལུས་ཕུང་ལ་བདག་བྱེད་པ་དང་། སྔོན་ལྟར་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བྱ་བར་སེམས་ཁུར་དང་རྒྱབ་སྐྱོར་བྱས་ཏེ། མཚོ་སྔོན་གསར་པ་འཛུགས་སྐྲུན་བྱེད་པར་རྩ་ཆེའི་བསམ་འཆར་མང་ཙམ་འདོན་པ་དང་བློ་གྲོས་ཀྱི་སྟོབས་ཤུགས་ཕུལ་ནས། སེམས་ཤུགས་གཅིག་སྒྲིལ་གྱིས་མཚོ་སྔོན་གྱི་བྱ་བ་སྣ་ཚོགས་སྔར་ལས་ལེགས་པར་བསྒྲུབ་རྒྱུའི་རེ་འདུན་ཞུ། འབྲེལ་ཡོད་སྡེ་ཁག་གིས་བརྩེ་སེམས་ལ་བརྟེན་ནས་ཞབས་ཞུའི་འགན་སྲུང་བྱ་བ་ཡག་པོར་སྒྲུབ་ནས། མགོ་ཁྲིད་རྒན་པ་དང་བློ་མཐུན་རྒན་པར་བདེ་སྐྱིད་ལྡན་པའི་ཚེ་མཇུག་ལོངས་སུ་སྤྱོད་དུ་འཇུག་དགོས།
འགོ་ཁྲིད་རྒན་པ་དང་བློ་མཐུན་རྒན་པས་གཅིག་གྱུར་སྒོས་བསྟན་དོན། ཐེངས་འདིར་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མགོ་ཁྲིད་གཙོ་བོ་ལེགས་སྒྲིག་བྱས་པ་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཏང་ཀྲུང་དབྱང་གིས་མཚོ་སྔོན་ལ་བྱམས་བརྩེའི་ཐུགས་ཁུར་དང་། མཚོ་སྔོན་གྱི་བྱ་བར་ཁས་ལེན་གང་ལེགས་གནང་པ། མཚོ་སྔོན་གྱི་མགོ་ཁྲིད་ཚན་ཁག་འཛུགས་སྐྲུན་ལ་ཚད་མཐོའི་མཐོང་ཆེན་བྱེད་པ་བཅས་གང་ལེགས་སྒོས་མཚོན་ཡོད། ཏང་ཀྲུང་དབྱང་གི་གཏན་འབེབས་ལ་མཐའ་གཅིག་ཏུ་བརྩི་སྲུང་བྱས་ནས། ནུས་ཤུགས་ཡོད་རྒུས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བྱ་བར་རྒྱབ་སྐྱོར་བྱེད་དགོས། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མགོ་ཁྲིད་བརྟན་པོའི་འོག ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཞིང་ཆེན་ཡོངས་ཀྱི་རྒྱ་ཆེའི་ཏང་ཡོན་ལས་བྱེད་མང་ཚོགས་ཀྱི་སྣེ་ཁྲིད་དེ། མཚོ་སྔོན་གྱི་ལས་དོན་སྣ་ཚོགས་མུ་མཐུད་དུ་ལེགས་པའི་ཕྱོགས་སུ་འཕེལ་བར་སྐུལ་འདེད་བྱས་ནས། དེང་རབས་ཅན་འཛུགས་སྐྲུན་གྱི་གྲུབ་འབྲས་ཀྱིས་མི་དམངས་ཡོངས་ལ་སྔར་ལས་མང་བ་དང་སྔར་ལས་དྲང་གཞག་གིས་ཕན་པ་ཐོབ་པར་ཡིད་ཆེས་ཡོད་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注