2024ལོའི་མཚོ་སྔོན་རྗེ་ཙོང་ཁ་པའི་རིག་གནས་སྒྱུ་རྩལ་ཞིབ་འཇུག་ཚོགས་པའི་ལོ་ཚོགས་ཟི་ལིང་དུ་འཚོགས་པ།

2024ལོའི་ཟླ12པའི་ཚེས8ཉིན་གྱི་སྔ་དྲོའི་དུས་ཚོད10པའི་སྟེང་མཚོ་སྔོན་རྗེ་ཙོང་ཁ་པ་རིག་གནས་སྒྱུ་རྩལ་ཞིབ་འཇུག་ཚོགས་པའི་ལོ་ཚོགས་དེ་མཚོ་སྔོན་དངུལ་འབྲུག་གསོལ་ཁང་དུ་བསྡུས་ཤིང་། མཚོ་སྔོན་ཞིང་ཆེན་མི་དམངས་སྲིད་གཞུང་གི་མགོ་གཙོ་གཞོན་པ་ཟུར་བ་སྟག་འབུམ་ཐར་དང་། མཚོ་སྔོན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ་ཟུར་བ་གཅོད་པ་དོན་གྲུབ། སྐུ་འབུམ་དགོན་པའི་དགེ་བཤེས་རྒྱལ་མཚན་མགོན་པོ།  མགོ་ལོག་ཁུལ་དམངས་ཆེན་གྱི་ཀྲུའུ་རེན་གཞོན་པ་ཟུར་བ་ལྡོང་ནོར་ལྡེ། མཚོ་སྔོན་དགེ་ཐོན་སློབ་ཆེན་གྱི་སློབ་གཙོ་གཞོན་པ་ཟུར་བ་རྒྱ་ཡེ་བཀྲ་བྷོ། མཚོ་སྔོན་ཞིང་ཆེན་དམངས་དོན་ཨུ་ཡོན་ལྷན་ཁང་སྲིད་ཁྲིམས་ཁྲུའུ་ཡི་ཁྲུའུ་ཀྲང་བཀྲ་བྷ། ནུབ་བྱང་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་ཁ་སྒང་བཀྲ་ཤིས་ཚེ་རིང་། ལྷ་རིས་སྒྱུ་རྩལ་པ་བརྩོན་འགྲུས་རབ་རྒྱས། རྗེ་ཙོང་ཁ་པ་རིག་གནས་སྒྱུ་རྩལ་ཞིབ་འཇུག་ཚོགས་པའི་ཚོགས་གཙོ་དང་ཚོགས་གཙོ་གཞོན་པ། དྲུང་ཡིག་ཆེན་མོ་དང་བཅས་པའི་ལས་འཛིན་ལྷན་ཚོགས། ད་དུང་གེ་སར་སྒྲུང་ལྷན་ཚོགས་ཀྱི་ཚོགས་གཙོ་དང་ཚོགས་གཙོ་གཞོན་པ། དྲུང་ཡིག་ཆེན་མོ། སློབ་གྲྭ་ཆེན་མོའི་དགེ་རྒན་དང་། ཞིབ་འཇུག་པ། དཔྱད་བརྗོད་པ། བླ་སྤྲུལ་དགེ་བཤེས། གསར་འགོད་པ་སོགས་མི་སྣ40ལྷག་ཚོགས་འདུར་ཞུགས།

ཚོགས་འདུའི་སྟེང་། མཚོ་སྔོན་རྗེ་ཙོང་ཁ་པ་རིག་གནས་སྒྱུ་རྩལ་ཞིབ་འཇུག་ཚོགས་པའི་ཚོགས་གཙོ་དང་ཚོགས་གཙོ་གཞོན་པ། དྲུང་ཡིག་ཆེན་མོ་བཅས་ཀྱིས་ཚོགས་ཞུགས་པ་རྣམས་ལ་བཀའ་དྲིན་མཚོན་བྱེད་ཀྱི་ལེགས་སྐྱེས་དང་ཁ་བཏགས་ཕུལ། 

མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་སྟོབས་ལྡན་ལགས་ཀྱིས་འགོ་འཛིན་བྱས་ཤིང་། རྗེ་ཙོང་ཁ་པ་རིག་གནས་སྒྱུ་རྩལ་ཞིབ་འཇུག་ཚོགས་པའི་ཚོགས་གཙོ་དགེ་བཤེས་སྨོན་ལམ་རྒྱ་མཚོས་ཚོགས་པའི་ལོ་གཅིག་གི་བྱ་བའི་སྤྱི་སྡོམ་དང་ལོ་རྗེས་མའི་འཆར་གཞིའི་སྐོར་ནས་གཏམ་བཤད་གནང་ལ། དྲུང་ཡིག་ཆེན་མོ་བསོད་ཚེ་ལགས་ཀྱིས་གེ་སར་རིག་གནས་རྟེན་མཛོད་ཁང་དང་།  རྗེ་ཙོང་ཁ་པ་རིག་གནས་ཞིབ་འཇུག་ལྟེ་གནས་འཛུགས་སྐྲུན་སྐོར་ནས་སྙན་ཞུ་ཕུལ། 

མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་ཟུར་པ་དང་། རྗེ་ཙོང་ཁ་པ་རིག་གནས་སྒྱུ་རྩལ་ཞིབ་འཇུག་ཚོགས་པའི་བློ་འདོན་པ་པདྨ་མཆོག་གིས་ཚོགས་པའི་འདས་མ་ད་གསུམ་གྱི་ཐད་ནས་བློ་འདོན་དང་ལམ་སྟོན་གལ་ཆེན་གནང་པ་དང་། ཚོགས་པའི་བློ་འདོན་པ་དགེ་རྒན་ཆེན་མོ་གཅོད་པ་དོན་གྲུབ་ལགས་ཀྱིས་ཚོགས་པའི་འཕེལ་རྒྱས་ཀྱི་སྐོར་ནས་གསུང་བཤད་གནང་།  

ཚོགས་པའི་རྒྱུན་ལས་ལས་འཛིན་དགེ་བཤེས་བློ་བཟང་བྱང་ཆུབ་ཀྱིས་རྗེ་ཙོང་ཁ་པའི་ལྟ་གྲུབ་ཀྱི་སྐོར་ནས་གསུང་བཤད་གནང་།

མཇུག་མཐར་དགེ་རྒན་ཆེན་མོ་སྟོབས་ལྡན་གྱིས་ཚོགས་འདུར་སྤྱི་སྡོམ་དང་བཅས་བདེ་བླག་གིས་གྲོལ།