ཐུན་ཏེ་རྫོང་གིས2024ལོའི་དགུན་དུས་ཀྱི་གཞུང་ལམ་འགྲིམ་འགྲུལ་བདེ་འཇགས་དོ་དམ་བྱ་བའི་ཚོགས་འདུ་བསྡུས།

ཉེ་སྔོན། ཐུན་ཏེ་རྫོང་གཞུང་ལམ་འགྲིམ་འགྲུལ་བདེ་འཇགས་ཨུ་ཡོན་ལྷན་ཁང་གིས་ཚོགས་འདུ་འཚོགས་ནས། 2024ལོའི་དགུན་དུས་ཀྱི་རྫོང་ཡོངས་ཀྱི་གཞུང་ལམ་འགྲིམ་འགྲུལ་བདེ་འཇགས་དོ་དམ་བྱ་བར་ཁྱོན་ཡོངས་ནས་བཀོད་སྒྲིག་བྱས། རྫོང་མི་དམངས་སྲིད་གཞུང་གི་རྫོང་དཔོན་གཞོན་པའམ་རྫོང་གཞུང་ལམ་འགྲིམ་འགྲུལ་བདེ་འཇགས་ཨུ་ཡོན་ལྷན་ཁང་གི་ཀྲུའུ་རེན། རྫོང་སྤྱི་བདེ་ཅུས་ཀྱི་ཅུས་ཀྲང་བསམ་གཏན་ཚོགས་འདུར་ཞུགས་པ་མ་ཟད་གཏམ་བཤད།

ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བདེ་འཇགས་ཐོན་སྐྱེད་བྱ་བའི་སྐོར་གྱི་རྣམ་བཤད་གལ་ཆེན་གྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་མ་ཟད། ཞིང་ཆེན་དང་ཁུལ། རྫོང་བཅས་ཀྱི་མཆན་བཀོད་དགོངས་དོན་བརྒྱུད་བསྒྲགས་བྱས་ཤིང་། ད་ལོའི་རྫོང་ཡོངས་ཀྱི་གཞུང་ལམ་འགྲིམ་འགྲུལ་བདེ་འཇགས་དོ་དམ་བྱ་བ་སྤེལ་ཚུལ་ཁྱབ་བསྒྲགས་དང་རྫོང་ཡོངས་ཀྱི་འགྲིམ་འགྲུལ་བདེ་འཇགས་གནས་བབ་ལ་དབྱེ་ཞིབ་བྱས།

ཚོགས་འདུས་བླང་བྱ་བཏོན་དོན། ཞང་དང་གྲོང་རྡལ་ཁག་དང་སྡེ་ཁག་སོ་སོ་གཞུང་ལམ་འགྲིམ་འགྲུལ་བདེ་འཇགས་བྱ་བའི་གལ་ཆེའི་རང་བཞིན་ལ་ངོས་འཛིན་གཏིང་ཟབ་བྱས་ནས་ཆབ་སྲིད་ཀྱི་རང་རྟོགས་དང་། བསམ་བློའི་རང་རྟོགས། བྱ་སྤྱོད་ཀྱི་རང་རྟོགས་བཅས་ཆེ་རུ་གཏོང་དགོས་ཤིང་། ཉེན་ཁ་ཆེ་བའི་དུས་རིམ་གྱི་བྱེད་ཐབས་ཁག་ལག་བསྟར་ནན་མོ་བྱེད་དགོས། རྩིས་སྤྲོད་དོ་དམ་གྱི་གཙོ་གནད་ལས་དོན་ཁག་ལ་ཚད་མཐོའི་མཐོང་ཆེན་བྱས་ཏེ་བསམ་བློའི་ངོས་འཛིན་མཐོ་རུ་གཏོང་བ་དང་། ཆབ་སྲིད་ཀྱི་ལངས་ཕྱོགས་མཐོ་རུ་གཏོང་བ། བྱ་བའི་འགན་འཁྲིའི་འདུ་ཤེས་དང་ལས་འགན་སྒྲུབ་སེམས་ལ་བརྟེན་ནས། བྱ་བ་སྒྲུབ་སྟངས་དང་བྱེད་ཐབས་སྔར་བས་ཞིབ་ཕྲ་ཅན་དང་གྲངས་འགྱུར་ཅན་གྱི་འགན་འཁྲི་ལག་བསྟར་བྱེད་པ། རྩིས་ཁྲ་ཅན་གྱི་ལས་ཀ་དང་རྣམ་གྲངས་ཅན་དུ་འགྱུར་བར་སྐུལ་སྤེལ་གཏོང་དགོས་པ་མ་ཟད། སྐྱོན་ཆ་བཀག་འགོག་དང་། དོ་དམ་ཉེན་ཁ་ཚོད་འཛིན་བཅས་བྱས་ནས་དགུན་དུས་ཀྱི་གཞུང་ལམ་འགྲིམ་འགྲུལ་བདེ་འཇགས་དོ་དམ་གྱི་གཙོ་གནད་ལས་དོན་ལ་ཕན་འབྲས་དངོས་ཐོན་པར་འགན་ལེན་བྱེད་དགོས། ཁུལ་དང་རྫོང་ཨུའི་སྲིད་གཞུང་དང་འགྲིམ་འགྲུལ་བདེ་འཇགས་ཨུ་ཡོན་ལྷན་ཁང་གི་བཀོད་སྒྲིག་བླང་བྱ་ལག་བསྟར་དོན་འཁྱོལ་ནན་ཏན་བྱས་ནས། གཞུང་ལམ་འགྲིམ་འགྲུལ་དོན་རྐྱེན་སྔོན་འགོག་གི་དགུན་དུས་བཅོས་སྒྲིག་བྱ་བར་མགྱོགས་མྱུར་ངང་ཞུགས་རྒྱུ་དང་། རྫོང་གིས་གཙོ་གནད་ཀྱི་འགན་འཁུར་བ་དང་ཞང་གིས་དོ་དམ་གྱི་འགན་འཁུར་བ། སྡེ་བ་དང་ཁྱིམ་ཚང་དུ་དྲིལ་སྒྲོག་བྱེད་པའི་གྲོང་གསེབ་ཀྱི་གཞུང་ལམ་འགྲིམ་འགྲུལ་བདེ་འཇགས་དོ་དམ་ལམ་སྲོལ་གྱི་བཀོད་སྒྲིག་དང་ལྟ་སྐུལ་མཛུབ་ཁྲིད་ལ་ཤུགས་བསྣན་ནས། ལྟ་སྐུལ་མཛུབ་ཁྲིད་ཀྱི་ལས་དོན་སྤེལ་རྒྱུར་ཁྲིད་སྟོན་ནུས་ལྡན་བྱེད་དགོས་ལ། བླང་བྱ་ནན་མོ་བཏོན་ནས་དོན་འཁྱོལ་ལག་བསྟར་དམ་འཛིན་ནན་མོ་དང་སྡེ་ཚན་མཉམ་འགུལ་བྱེད་ཤུགས་ཆེ་རུ་གཏོང་བ། འགན་འཁྲི་དངོས་སུ་འཁུར་བ། བྱེད་ཐབས་དོན་ཐོག་ཏུ་འཁྱོལ་བ་བཅས་བྱས་ཏེ། རྫོང་ཡོངས་ཀྱི་གཞུང་ལམ་འགྲིམ་འགྲུལ་བདེ་འཇགས་ཁྱོན་ཡོངས་ནས་རྒྱུན་མཐུད་ངང་བརྟན་འཇགས་ཡོང་བར་འགན་ལེན་ཏན་ཏིག་བྱེད་དགོས།

རྫོང་གཞུང་ལམ་འགྲིམ་འགྲུལ་བདེ་འཇགས་ཨུ་ཡོན་ལྷན་ཁང་གི་ཁོངས་མིའི་ལས་ཁུངས་སོ་སོའི་འགན་འཁུར་པ་དང་། ཞང་དང་གྲོང་རྡལ་སོ་སོའི་ཁག་བགོས་འགོ་ཁྲིད་བཅས་ཚོགས་འདུར་ཞུགས། །