མཚོ་སྔོན་གྱིས་དངོས་རྙིང་གསར་བརྗེའི་ཁ་གསབ་བྱིན་ནས་མང་ཚོགས་འབུམ་གཅིག་དང་ཁྲི་བརྒྱད་ལྷག་ལ་ཕན་བཏགས།

གསར་འགོད་པས་མཚོ་སྔོན་ཞིང་ཆེན་ཚོང་དོན་ཐིན་ནས་རྒྱུས་ལོན་བྱུང་བ་ལྟར་ན། ཟླ12པའི་ཚེས3ཉིན་གྱི་དུས་ཚོད24བར་དུ། མཚོ་སྔོན་ཞིང་ཆེན་འཛད་སྤྱོད་དངོས་རྫས་ཀྱི་དངོས་རྙིང་གསར་བརྗེའི་སྲིད་ཇུས་ཁ་གསབ་ཐད་ནས་མི་ཐེངས་འབུམ་གཅིག་དང་ཁྲི་དགུ་ལྷག་གི་ཡར་ཞུ་འབྱོར་བ་དང་། ཞིབ་བཤེར་གཏན་འབེབས་བརྒྱུད་དེ་མི་ཐེངས་འབུམ་གཅིག་དང་ཁྲི་བརྒྱད་སྟོང་གཅིག་དྲུག་བརྒྱ་ལ་གྲོས་འཆམ་བྱུང་བ་དང་། ཁྱོན་བསྡོམས་པས་ཁ་གསབ་དངུལ་དུང་ཕྱུར་དྲུག་དང་བྱེ་བ་གཅིག་ས་ཡ་བདུན་བྱིན།

རྒྱུས་ལོན་བྱུང་བ་ལྟར་ན། རྒྱལ་ཁབ་ཀྱི་སྲིད་ཇུས་བཀོལ་སྤྱོད་བཟང་བོ་བྱེད་པ་དང་། རྒྱ་ཆེའི་འཛད་སྤྱོད་པའི་ཁ་གསབ་རེ་ཞུའི་ཆ་རྐྱེན་ཇེ་དམའ་རུ་གཏོང་བའི་དགོས་མཁོ་ལྟར། ཞིང་ཆེན་ཚོང་དོན་ཐིན་གྱིས་ཞིང་ཆེན་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་དང་ཞིང་ཆེན་ནོར་སྲིད་ཐིན་དང་མཉམ་འབྲེལ་བྱས་ནས། འཛད་སྤྱོད་དངོས་རྫས་ཀྱི་དངོས་རྙིང་གསར་བརྗེའི་འབྲེལ་ཡོད་ཁ་གསབ་སྲིད་ཇུས་ལེགས་སྒྲིག་བྱེད་པའི་སྐོར་གྱི་བརྡ་སྦྱོར་པར་འགྲེམ་བྱས་པ་དང་། སྔོན་ཆད་ཀྱི་ཞིང་ཆེན་རིམ་པའི་ནོར་སྲིད་ཀྱིས་ཁ་གསབ་བྱེད་པའི་ཁྱིམ་སྤྱོད་གློག་ཆས་སྣ་དགུ་དང་རིག་ནུས་ཁྱིམ་སྤྱོད་གློག་ཆས་སྐོར་་ཞིག འཕྲུལ་རྟ་སོགས་ཡུན་རིང་བོར་བཀོལ་ཐུབ་པའི་འཛད་སྤྱོད་དངོས་རྫས་དག་རྒྱལ་ཁབ་ཀྱི་ཁ་གསབ་སྲིད་ཇུས་ཀྱི་ཁྱབ་ཁོངས་ནང་བཞག་པ་དང་། རིན་གོང་སྒོར་ཁྲི་ལྔ་ལས་ཉུང་བ་དང་། ཟི་ལིང་དང་མཚོ་ཤར་གྱི་གནོད་རྗེས་བསྐྱར་འཛུགས་ཁུལ་ལ་སོ་སོར་བརྒྱ་ཆའོ་བཅོ་ལྔ་དང་བརྒྱ་ཆའི་སུམ་ཅུའི་ཁྱིམ་ཆས་ཉོ་སྒྲུག་ཁ་གསབ་བྱིན། ཐེངས་འདིའི་སྲིད་ཇུས་ལེགས་སྒྲིག་བྱས་རྗེས། ཁྱིམ་སྤྱོད་གློག་ཆས་རིགས་སྣ་སོ་ལྔ་རྒྱལ་ཁབ་ཀྱིས་ཁ་གསབ་བྱེད་པའི་ཁྱབ་ཁོངས་སུ་བཞག་པ་དང་། མི་ཐེངས་སྟོང་བཞི་དང་བཞི་བརྒྱ་གྱ་དགུས་ལག་ཁྱེར་ཁ་པར་ཉོ་སྒྲུབ་ཀྱི་ཁ་གསབ་བླངས་ལ། མི་ཐེངས་དྲུག་བརྒྱ་དང་བདུན་གྱིས་ངོས་ལེབ་གློག་ཀླད་དང་ཁ་པར་ཆུ་ཚོད་སོགས་ཀྱི་ཁ་གསབ་དངུལ་ལོངས་སྤྱོད་བྱས།