མཚོ་ནུབ་ཁུལ་གྱིས་གྲོང་གསེབ་ཀྱི“སྤྱོད་ཁང་གསར་བརྗེར”སྐུལ་འདེད་བརྟན་པོ་བཏང་བ།

 མཚོ་ནུབ་ཁུལ་གྱིས་གྲོང་གསེབ་ཀྱི“སྤྱོད་ཁང་གསར་བརྗེར”སྐུལ་འདེད་བརྟན་པོ་བཏང་བ།

ཉེ་ཆར།　གསར་འགོད་པས་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཞིང་ཕྱུགས་ཅུའུ་ནས་ཤེས་གསལ་ལྟར་ན། ད་ལོ་ནས་བཟུང་མཚོ་ནུབ་ཁུལ་གྱིས་ཞིང་ཕྱུགས་དུད་ཚང་གི་སྤྱོད་ཁང་བསྒྱུར་བཀོད་བྱ་རྒྱུ་དེ་གྲོང་གསེབ་དར་སྤེལ་དང་རོང་འབྲོག་ཁུལ་གྱི་མི་རྣམས་ཀྱི་འཚོ་སྡོད་ཁོར་ཡུག་བཅོས་སྐྱོང་བྱ་བ་དང་ཟུང་འབྲེལ་དམ་ཟབ་བྱས་ཏེ།　“ཁྲི་སྟོང་བཟོ་འགོད”ཀྱི་ཉམས་མྱོང་སློབ་སྦྱོང་དང་བེད་སྤྱོད་བྱ་རྒྱུ་ཁྲིད་སྟོན་དུ་བྱས་ཤིང་།　གྲོང་གསེབ་ཀྱི“　སྤྱོད་ཁང་གསར་བརྗེ”　སྐུལ་སྤེལ་བརྟན་པོ་བཏང་།　མིག་སྔའི་བར་ཁུལ་ཡོངས་ཀྱི་ཁྱིམ་ཚང277གྱི་སྤྱོད་ཁང་བསྒྱུར་བཀོད་བྱས་ཏེ།　སྔོན་ལ་གཏན་འཁེལ་བྱས་པའི་འཛུགས་སྐྲུན་དམིགས་ཚད219ཡི126％ལེགས་འགྲུབ་བྱས་ཤིང་།　ཞིབ་བཤེར་རྩིས་ལེན་གྱི་ཚད་ལྡན་ཚད100％ལ་སླེབས་པ་དང་། མང་ཚོགས་བློ་ཡིད་ཚིམ་ཚད100％ཟིན་པ་རེད།　

འཛུགས་སྐྲུན་བྱེད་སྟངས་ཐད་ནས།　གཅིག་གྱུར་འཛུགས་སྐྲུན་དང་རང་སྐྲུན་བྱེད་སྟངས་གཉིས་ཁ་གསལ་བཟོས་ཤིང་།　དེའི་ཁྲོད་གཅིག་གྱུར་འཛུགས་སྐྲུན་དེ་གྲོང་རྡལ་དང་སྡེ་བས་ཨར་ལས་རུ་ཁག་རྩ་འཛུགས་བྱས་ནས་གཅིག་གྱུར་ཨར་ལས་བྱས་པ་དང་།　རང་སྐྲུན་བྱེད་པར་སྤྱོད་ཁང་བསྒྱུར་བཀོད་དུད་ཚང་རང་ཉིད་ཀྱིས་མི་བཙལ་ནས་ཨར་ལས་བྱས་པ་རེད།　“ཁྱིམ་ཚང་རེ་ལ་སྤྱོད་ཁང་རེ་དང་།　དུད་ཚང་རེར་སྲིད་ཇུས་རེ”ལག་ལེན་བསྟར་ནས་ཚན་རིག་དང་མཐུན་ལ་ལུགས་མཐུན་ངང་སྤྱོད་ཁང་བསྒྱུར་བཀོད་བྱེད་སྟངས་བདམས་ཏེ།　ཆུ་སྦུག་དྲ་བ་གོང་འོག་ཏུ་ཤར་གཏོང་ཐུབ་པའི་སྤྱོད་ཁང་དང་། དུད་ཚང་དབྱེ་བའམ་ཡང་ན་དུད་སྦྲེལ་ཐག་གཅོད་པའི་ཆུ་བཤལ་སྤྱོད་ཁང་། དོང་གཉིས་བརྗེ་རེས་རྣམ་པའི་སོ་ཕག་དང་ཨར་འདམ་གྲུབ་ཆའམ་ཡང་ན་ཨར་འདམ་ལྕགས་རྩིབ་གྲུབ་ཆའི་ཆུ་མེད་སྤྱོད་ཁང་སོགས་ཀྱི་ཇུས་གཞི་སྣ་ཚོགས་བཏོན་པ་རེད།　བསྐྱར་སྐྲུན་བྱེད་རིང་རྒྱུ་ཆ་འདེམས་པའི་སྤུས་ཚད་ཚད་གཞི་དང་ལག་རྩལ་དཔྱད་གྲངས་གཏན་འཁེལ་ནན་པོ་བྱས་པ་དང་། རྣམ་གྲངས་ཉོ་སྒྲུབ་གོ་རིམ་གྱི་འགག་སྒོ་ནན་པོར་བསྲུངས་པ། ཨར་ལས་ཀྱི་བརྒྱུད་རིམ་ཧྲིལ་པོར་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་བ།　སྤྱོད་ཁང་གི་ཐོག་མའི་ཞིབ་བཤེར་རྩིས་ལེན་གྱི་འགག་སྒོ་སྒྲོལ་བའི་ལམ་ལུགས་ཁྱབ་གདལ་བཏང་བ།　སྤྱོད་ཁང་གི་ཐོག་མའི་འཛུགས་སྐྲུན་སྤུས་ཚད་ནན་པོ་བསྲུངས་པ་བཅས་བྱས་ནས།　“　སྤྱོད་ཁང་ཐོག་མའི་འགག་སྒྲོལ”ནས“　སྤྱོད་ཁང་ཚང་མ་འགག་སྒྲོལ”བྱས་ཏེ།　གཅིག་བསྒྱུར་བཀོད་བྱས་ནས་གཅིག་ཚད་ལེན་ཐུབ་པར་འགན་ལེན་བྱེད་དགོས་པའི་བླང་བྱ་བཏོན།

མཚོ་ནུབ་ཁུལ་གྱི་རྫོང་དང་ཞང་དང་སྡེ་བའི་རིམ་པའི་ཞིབ་བཤེར་རྩིས་ལེན་ཚན་ཆུང་གིས་དུད་ཚང་རེ་རེར་འགྲོ་བ་དང་། སྤྱོད་ཁང་རེ་རེར་ལྟ་དགོས་པ། དུད་ཚང་རེ་རེར་འདྲི་བ་རྒྱུན་འཁྱོངས་བྱས་ཏེ།　སྤྱོད་ཁང་སྒྱུར་བཀོད་ལག་རྩལ་གྱི་ཚད་གཞིར་གཞིགས་ནས་ཡུལ་དངོས་སུ་ཞིབ་བཤེར་རྩིས་ལེན་བྱས་པ་རེད།　སྤྱོད་ཁང་སྒྱུར་བཀོད་ཀྱི་དྲིལ་བསྒྲགས་དང་ལག་རྩལ་གསོ་སྦྱོང་། བདེ་ཐང་སློབ་གསོ་སོགས་ཀྱི་རྣམ་པ་བརྒྱུད་རོང་འབྲོག་པའི་སྣེ་འཁྲིད་དེ་གྲོང་གསེབ་ཀྱི་སྤྱོད་ཁང་དེ“བཅུ་ཆའི་གསུམ་བསྐྲུན་པ་དང་བཅུ་ཆའི་བདུན་དོ་དམ་བྱེད་པ”ཡི་འདུ་ཤེས་འཛུགས་པ་དང་།　ཚན་རིག་དང་མཐུན་པའི་ངང་སྤྱོད་ཁང་གཙང་སྦྲ་དང་སྲུང་སྐྱོང་དོ་དམ་བྱས་ཏེ།　སྤྱོད་ཁང་གཙང་མ་ཡོང་བའི་གོམས་གཤིས་བཟང་པོ་ཆགས་པར་སྐུལ་ཁྲིད་བྱས།　དེ་དང་ཆབས་ཅིག་ལུད་ཀྱི་སྦགས་བཙོག་གཙང་སེལ་ཐད་སྡེ་བ་ལ་ཤས་ཀྱིས་ལུད་ཀྱི་སྦགས་བཙོག་གཙང་སེལ་བྱེད་པའི་སྒྲིག་བཀོད་བཙུགས་ཡོད་པ་དང་།　སྡེ་བ་མང་ཆེ་བས་འདེབས་འཛུགས་དུད་ཚང་དང་སྐྱེ་ལྡན་ལུད་ཐོན་སྐྱེད་ཁེ་ལས། སྒྲིག་བཀོད་ཞིང་ལས་སོགས་མཉམ་ལས་ཁང་གི་སྣེ་འཁྲིད་དེ་སྐྱེ་ལྡན་ལུད་དུ་སྤྱོད་པའམ་ཡང་ན་ལུད་རྫས་སུ་བསྒྱུར་ནས་བེད་སྤྱོད་བྱས་ཏེ།　རང་སའི་ཐོན་ལས་འཕེལ་རྒྱས་དང་ཁོར་ཡུག་ལེགས་སུ་གཏོང་བར་མཉམ་དུ་སྐུལ་འདེད་གཏོང་བཞིན་ཡོད་པ་རེད།