ཞིང་ཆེན་ཐད་གཏོགས་ལས་ཁུངས་བྱ་བའི་ཨུ་ཡོན་ལྷན་ཁང་གིས་དྲུང་ཡིག་གི་སློབ་སྦྱོང་གསོ་སྦྱོང་ཚོགས་འདུ་འཚོགས།

ཟླ12པའི་ཚེས20ཉིན། ཞིང་ཆེན་ཐད་གཏོགས་ལས་ཁུངས་བྱ་བའི་ཨུ་ཡོན་ལྷན་ཁང་གིས་གཙོ་སྒྲུབ་བྱས་པའི། ཏང་ཙུའུ་དང་ཏང་ཨུ་ཡི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚན་ཆུང་གི་དྲུང་ཡིག་སློབ་སྦྱོང་གསོ་སྦྱོང་ཚོགས་འདུ་ཟི་ལིང་དུ་འཚོགས་པ་དང་། ཞིང་ཆེན་སྤྱི་ཚོགས་ཚན་རིག་ཁང་གི་ཡོན་ཀྲང་གཞོན་པ་ཕིན་ཡན་ཆིང་སློབ་ཁྲིད་བྱེད་པར་གདན་དྲངས་པ་དང་། ཞིང་ཆེན་ཐད་གཏོགས་ལས་ཁུངས་སོ་སོའི་འབྲེལ་ཡོད་བློ་མཐུན 90ཐེངས་འདིའི་གསོ་སྦྱོང་ནང་ཞུགས།

ད་ཐེངས་ཀྱི་གསོ་སྦྱོང་ཚོགས་འདུའི་དམིགས་ཡུལ་ནི་ཞིང་ཆེན་ཐད་གཏོགས་ལས་ཁུངས་སོ་སོས《ཀྲུང་གོ་གུང་ཁྲན་ཏང་ཏང་ཨུ་དང་ཏང་ཙུའུ་ཡི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚན་ཆུང་གི་སློབ་སྦྱོང་སྒྲིག་སྲོལ》ལ་བཟོ་བཅོས་བརྒྱབ་ནས་བཏོན་པའི་དོན་སྙིང་གལ་ཆེན་ལ་ངོས་འཛིན་ཡང་དག་བྱས་ཏེ། སློབ་སྦྱོང་ནན་མོ་བྱེད་དགོས་པའི་རྨང་གཞིའི་སྟེང་དུ། བླང་བྱ་གསར་པ་དང་བྱེད་ཐབས་གསར་པ་ཁོང་དུ་ཡང་དག་པར་ཆུད་རྒྱུར་ཁྲིད་སྟོན་བྱེད་པ། ཆབ་སྲིད་ཀྱི་འདུ་ཤེས་དང་སློབ་སྦྱོང་གི་འདུ་ཤེས། ཞབས་ཞུའི་འདུ་ཤེས་བཅས་ཟམ་མི་ཆད་པར་ཇེ་ཆེར་གཏོང་བ་དང་། སློབ་སྦྱོང་གི་ནང་དོན་འཕྱུགས་མེད་སྒོས་ཁོང་དུ་ཆུད་པར་བྱེད་པ། སློབ་སྦྱོང་གི་གཙོ་གནད་འབུར་ཐོན་ཡོང་བར་བྱེད་པ། སླར་གསོའི་ལས་ཀ་ལེགས་སྒྲུབ་བྱེད་པ། འཆར་འགོད་དང་བཀོད་སྒྲིག་གང་མགྱོགས་བྱེད་པ་བཅས་བྱས་ཏེ། རིགས་པའི་གཞུང་ལུགས་ཀྱིས་དྲག་ཆས་སྤྲས་པའི་ལས་ཀ་རྒྱུན་མཐུད་ངང་ཟབ་སྤེལ་གཏོང་བ་དང་ཏན་ཏིག་ངང་སྤེལ་བར་སྐུལ་འདེད་གཏོང་ཆེད་ཡིན།

གསོ་སྦྱོང་ནང་ཞུགས་མཁན་ཚོས་ད་ཐེངས་ཀྱི་གསོ་སྦྱོང་ལ་དམིགས་འབེན་རང་བཞིན་དང་བཀོལ་སྤྱོད་རང་བཞིན་ཆེན་པོ་ལྡན་ཡོད་ཅེས་མགྲིན་གཅིག་ཏུ་བཤད། གསོ་སྦྱོང་བྱས་པ་བརྒྱུད། དྲུང་ཡིག་གི་འགན་འཁྲི་དང་ལས་འགན་སྔར་ལས་ཁ་གསལ་བཟོས་པ་དང་། ལས་ཀའི་བརྒྱུད་རིམ་དང་བྱེད་ཐབས་ལ་རྒྱུས་མངའ་ཡོད་པར་བྱས་ནས། ཕྱིན་ཆད་ཏང་ཙུའུ་དང་ཏང་ཨུ་ཡི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚན་ཆུང་གི་སློབ་སྦྱོང་ལས་དོན་ལ་ཞབས་འདེགས་སྔར་ལས་གང་ལེགས་ཞུ་ཆེད་རྨང་གཞི་བརྟན་པོ་ཞིག་བཏིངས་ཡོད། ཞིང་ཆེན་ཐད་གཏོགས་ལས་ཁུངས་བྱ་བའི་ཨུ་ཡོན་ལྷན་ཁང་གི་འབྲེལ་ཡོད་འགན་འཁུར་བས། ལས་ཁུངས་སོ་སོས་ཐེངས་འདིའི་གསོ་སྦྱོང་གོ་སྐབས་སུ་བྱས་ནས། ཆབ་སྲིད་ཀྱི་འདུ་ཤེས་དང་སློབ་སྦྱོང་གི་འདུ་ཤེས། ཞབས་ཞུའི་འདུ་ཤེས་བཅས་རྒྱུན་ཆད་མེད་པར་ཇེ་དྲག་ཏུ་གཏོང་བ་དང་། སྤྱི་འདོམས་མཐུན་སྦྱོར་ལ་ཤུགས་སྣོན་པ། ཇུས་འདོན་ལས་རོགས་ཡག་པོ་བྱེད་པ། སློབ་སྦྱོང་གི་བླང་བྱ་ཁག་དོན་འཁྱོལ་ཡག་པོ་བྱེད་པ། ཞིང་ཆེན་ཐད་གཏོགས་ལས་ཁུངས་ཀྱི་ཏང་ཙུའུ་དང་ཏང་ཨུ་ཡི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚན་ཆུང་གི་སློབ་སྦྱོང་ལམ་ལུགས་ཅན་དང་ཚད་ལྡན་ཅན་ལ་སྐུལ་འདེད་གཏོང་བ་བཅས་བྱས་ནས། འགོ་ཁྲིད་ལས་བྱེད་པའི་ཆབ་སྲིད་ཀྱི་ནུས་པ་དང་རིགས་པའི་གཞུང་ལུགས་ཀྱི་བྱང་ཚད། ལས་ཀའི་འཇོན་ཐང་བཅས་ཆེ་རུ་གཏོང་རྒྱུར་དགེ་མཚན་ལྡན་པའི་ནུས་པ་འདོན་རྒྱུའི་རེ་བ་ཡོད་ཅེས་ཟེར།