མེ་འགོག་མེ་གསོད་བདེ་འཇགས་ཞིབ་བཤེར་དང་འཚུབ་བསྟུན་ལྟ་སྦྱོང་ལ་མཉམ་དུ་སྐུལ་འདེད་བཏང་སྟེ་བདེ་འཇགས་དགོན་སྡེ་མཉམ་དུ་བསྐྲུན་པ།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བདེ་འཇགས་ཐོན་སྐྱེད་དང་མེ་འགོག་མེ་གསོད་བྱ་བའི་ཐད་གནང་བའི་མཛུབ་སྟོན་གལ་ཆེན་གྱི་དགོངས་དོན་ལག་ལེན་མཐར་ཕྱིན་གཏིང་ཟབ་བྱེད་པ་དང་། “སྟོན་དུས་འགག་སྒྲོལ”གྱི་གཅིག་སྡུད་བྱ་འགུལ་རྒྱུན་མཐུད་ངང་དངོས་འབེབས་གཏིང་ཟབ་བྱེད་པ། ཆོས་ལུགས་བྱ་འགུལ་སྤེལ་སའི་གྲྭ་བཙུན་གྱི་མེ་འགོག་མེ་གསོད་བདེ་འཇགས་འདུ་ཤེས་དང་འཚུབ་བསྟུན་ཐག་གཅོད་ནུས་པ་དངོས་གནས་ཇེ་ཆེར་གཏོང་བ་དང་། མེ་ཤོར་དོན་རྐྱེན་སྔོན་འགོག་དང་བཀག་སྡོམ་བྱེད་པ་དང་། མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་འགན་སྲུང་བྱ་ཆེད། ཉེ་སྔོན། མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་དཔལ་ཡུལ་ཞང་སྲིད་གཞུང་གིས་རྫོང་འཚུབ་བསྟུན་དོ་དམ་ཅུས་དང་། རྫོང་མེ་འགོག་མེ་གསོད་རོགས་སྐྱོར་རུ་ཆེན་དང་མཉམ་འབྲེལ་བྱས་ཏེ། དཔལ་ཡུལ་ཞང་ལུང་དཀར་དགོན་ནས་མེ་འགོག་མེ་གསོད་བདེ་འཇགས་ཞིབ་བཤེར་དང་འཚུབ་བསྟུན་སྟ་གོན་ཕྱོགས་ཡོངས་ནས་བྱས།

ཞིབ་བཤེར་ཚན་ཆུང་གིས་དགོན་པའི་ཚོགས་ཆེན་འདུ་ཁང་དང་། གྲྭ་ཤག ཇ་ཁང་སོགས་གཙོ་གནད་ས་ཆའི་གློག་ཆས་ལ་གློག་སྐུད་འཐེན་པ་ཚད་ལྡན་ཡིན་མིན་དང་། མེ་དང་གློག་སྤྱད་པ་བདེ་འཇགས་ཡིན་མིན། མེ་གསོད་སྒྲིག་ཆས་བཀོད་སྒྲིག་བྱས་པ་ཆག་སྐྱོན་བྱུང་ཡོད་མེད་དང་། མེ་འགོག་མེ་གསོད་བདེ་འཇགས་བགྲོད་ལམ་ལ་བཀག་རྒྱ་ཐེབས་ཡོད་མེད་བཅས་ལ་ཞིབ་བཤེར་བྱས་ཤིང་། མེ་འགོག་མེ་གསོད་བདེ་འཇགས་ཀྱི་མངོན་མེད་རྐྱེན་ངན་རྙེད་པར། དུས་ཐོག་ཏུ་དག་ཐེར་ལེགས་བཅོས་བྱེད་དགོས་པའི་བསམ་འཆར་བཏོན་ཞིང་། དགོན་སྡེས་དེ་མ་ཐག་དག་ཐེར་ལེགས་བཅོས་བྱེད་དགོས་པའི་རེ་བ་བཏོན་ཏེ། གནད་དོན་དུས་ཐོག་ཏུ་ཐག་ཆོད་པར་ཁག་ཐེག་བྱས།

དུས་མཚུངས་སུ། དྲིལ་སྒྲོག་དེབ་སྟེར་བ་དང་། མེ་སྐྱོན་གྱོད་དཔེའི་བརྙན་རིས་གཏོང་བ། འདྲ་པར་འགྲེམ་པ། མེ་འགོག་མེ་གསོད་སྒྲིག་ཆས་ཀྱི་སྤྱོད་སྟངས་ཡང་དག་དང་། འཚུབ་བསྟུན་ཁ་འགྲེམ་སྟངས། རང་སྐྱོབ་དང་ཕན་ཚུན་སྐྱོབ་ཚུལ་གསལ་སྟོན་བྱེད་པ་དང་། ཡུལ་དངོས་ནས་གསལ་སྟོན་གསོ་སྦྱོང་བྱེད་པ་བཅས་ཀྱི་རྣམ་པ་སྤྱད་དེ། གྲྭ་བཙུན་རྣམས་ཀྱིས་མེ་སྐྱོན་གྱི་གནོད་འཚེའི་རང་བཞིན་ལ་ཐད་ཀར་ངེས་ཤེས་སྐྱེས་སུ་བཅུག་སྟེ་ཁོ་ཚོའི་མེ་འགོག་མེ་གསོད་བདེ་འཇགས་ཀྱི་འདུ་ཤེས་ཇེ་ཆེར་བཏང་།

དགོན་སྡེའི་གྲྭ་བཙུན་རྣམས་ཀྱིས་ལག་ལེན་དངོས་བརྒྱུད་དེ་འཚུབ་བསྟུན་མེ་གསོད་ཀྱི་ནུས་པ་མཐོར་འདེགས་བཏང་། བྱ་འགུལ་སྐབས་སུ་བསྡོམས་པས་འཕྲེད་ཡིག2བཀལ་པ་དང་། ལྟ་སྦྱོང་མེ་གསོད་སྒྲིག་ཆས8འགྲེམ་སྟོན་བྱས་ཤིང་། དྲིལ་སྒྲོག་དེབ260ལྷག་བྱིན། མི26གསོ་སྦྱོང་གི་ནང་ཞུགས།

ཐེངས་འདིའི་མཉམ་འབྲེལ་ཞིབ་བཤེར་བརྒྱུད། ཆོས་ལུགས་སྤེལ་སའི་མེ་འགོག་མེ་གསོད་བདེ་འཇགས་ཀྱི་དོ་དམ་ཆུ་ཚད་ཇེ་མཐོར་བཏང་ལ། རྫོང་ཡོངས་ཀྱི་ཆོས་ལུགས་ཁྱབ་ཁོངས་ཀྱི་མེ་འགོག་མེ་གསོད་བདེ་འཇགས་བརྟན་འཇགས་ཡིན་པ་སྲུང་འཛིན་བྱེད་པར་རྨང་བརྟན་པོ་བཏིང་ཡོད། །