གཅིག་སྒྲིལ་རྫོང་ཁྲོམ་ར་ལྟ་སྐུལ་དོ་དམ་ཅུས་ཀྱིས་རྫོང་རྩིས་བཤེར་དང་སློབ་གསོ་སྡེ་ཁག་སོགས་དང་མཉམ་འབྲེལ་སྒོས་སྔོ་ཚལ་སིལ་ཚོང་དུད་ཚང་རྩ་འཛུགས་བྱས་ཏེ་ཁྲོམ་རའི་གཉེར་སྐྱོང་སྒྲིག་ལམ་ཚད་ལྡན་དུ་གཏོང་བའི་སྐུལ་འདེད་ཚོགས་འདུ་འཚོགས་པ།
སྔོ་ཚལ་སིལ་ཚོང་ཁྲོམ་རའི་གཉེར་སྐྱོང་སྒྲིག་ལམ་སྔར་ལས་ཚད་ལྡན་དུ་གཏོང་བ་དང་འཛད་སྤྱོད་པའི་ཁྲིམས་མཐུན་ཁེ་དབང་འགན་ལེན་བྱ་ཆེད། གཅིག་སྒྲིལ་རྫོང་ཁྲོམ་ར་ལྟ་སྐུལ་དོ་དམ་ཅུས་ཀྱིས་རྫོང་རྩིས་བཤེར་དང་སློབ་གསོ་སྡེ་ཁག་སོགས་དང་མཉམ་འབྲེལ་སྒོས་སྔོ་ཚལ་སིལ་ཚོང་དུད་ཚང་རྩ་འཛུགས་བྱས་ཏེ་ཁྲོམ་རའི་གཉེར་སྐྱོང་སྒྲིག་ལམ་ཚད་ལྡན་དུ་གཏོང་བའི་སྐུལ་འདེད་ཚོགས་འདུ་འཚོགས།
ཚོགས་འདུའི་སྟེང་། ཁྲོམ་ར་ལྟ་སྐུལ་དོ་དམ་ཅུས་ཀྱི་ཁྲིམས་འཛིན་མི་སྣས་ཉེ་བའི་ལོ་འགའི་རིང་གཅིག་སྒྲིལ་རྫོང་གི་བཟའ་བཅའི་ཁྱབ་ཁོངས་སུ་འཐེན་བཤེར་བྱས་ནས་ཚད་ལྡན་མིན་པའི་གྱོད་གཞི་བརྡ་ཁྱབ་བཏང་བ་དང་འབྲེལ། བཟའ་བྱའི་ཞིང་ལས་ཐོན་རྫས་སྡེབ་ཚོང་གཉེར་སྐྱོང་བྱེད་མཁན་གྱིས་ཕྲག་ཏུ་ལེན་དགོས་པའི་འགན་འཁྲི་དང་འོས་འགན་འགྲེལ་བཤད་བརྒྱབ།
ཚོགས་འདུ་ལས་བཟའ་བྱའི་ཞིང་ལས་ཐོན་རྫས་སྡེབ་ཚོང་གཉེར་སྐྱོང་བྱེད་མཁན་གྱིས་གནད་དོན་ཕྱོགས་སྟོན་དུ་འཛིན་རྒྱུ་རྒྱུན་འཁྱོངས་བྱས་ཏེ། “ནན་མོ”གསུམ་སྒྲུབ་གང་ཐུབ་བྱས་ནས་བཟའ་བཅའི་བདེ་འཇགས་འགན་ལེན་ཏན་ཏིག་བྱེད་དགོས་པའི་བླང་བྱ་བཏོན། གཅིག་ནི་བྱེད་པོའི་འགན་འཁྲི་དོན་འཁྱོལ་ནན་མོ་བྱས་ཏེ་བཟའ་བཅའི་བདེ་འཇགས་ཀྱི་འགན་འཁུར་བ་དང་པོའི་འདུ་ཤེས་བརྟན་པོ་འཛུགས་དགོས། གཉིས་ནི་བཟའ་བྱའི་ཞིང་ལས་ཐོན་རྫས་ཉོ་སྒྲུབ་ཡོང་ཁུངས་ཚོད་འཛིན་ནན་མོ་བྱས་ཏེ་བཟའ་བཅའི་བདེ་འཇགས་དོ་དམ་ལམ་ལུགས་དོན་འཁྱོལ་བྱེད་པ་དང་། བཟའ་བཅའི་ཚོང་འདྲེན་ལ་དཔྱད་བཤེར། དཔང་ཡིག་ལག་ཁྱེར་དང་སྤ་སེ་ལེན་པ་སོགས་ཀྱི་ལམ་ལུགས་དོན་འཁྱོལ་ནན་ཏན་བྱས་ནས་བཟའ་བྱའི་ཞིང་ལས་ཐོན་རྫས་ཉོ་སྒྲུབ་ཁྲོད། ཕ་རོལ་པོས་བྲིས་པའི་ཁས་ལེན་ཚད་ལོན་དཔང་ཡིག་བསྡུ་ལེན་དང་ཉར་ཚགས་བྱེད་དགོས་པ་ལས་ཁྲིམས་མཐུན་གྱི་ཡོང་ཁུངས་མེད་པའམ་ཡང་ན་ཡོང་ཁུངས་ཁུངས་འདེད་བྱེད་ཐབས་བྲལ་བའི་ཞིང་ལས་ཐོན་རྫས་ཉོ་སྒྲུབ་བྱེད་མི་རུང་། གསུམ་ནི་བཟའ་བཅའ་ཕྱིར་འཚོང་བྱེད་པའི་བརྒྱུད་རིམ་ལ་ཚོད་འཛིན་ནན་མོ་བྱས་ཏེ་ཉེན་ཁ་དང་མི་མངོན་པའི་རྐྱེན་ངན་མེད་པར་བཟོས་ནས་གཉེར་སྐྱོང་ཁོར་ཡུག་དང་། སྐྱེལ་འདྲེན་རླངས་འཁོར། ལས་གཉེར་མི་སྣ། གསོག་ཉར་བརྒྱུད་རིམ་བཅས་ཀྱི་འཕྲོད་བསྟེན་དང་། བདེ་འཇགས། འགོག་སྲུང་སོགས་ཀྱི་ལས་དོན་ལེགས་པོ་སྒྲུབ་དགོས། དེ་དང་ཆབས་ཅིག་གཉེར་སྐྱོང་དུད་ཚང་ལ་ཚོགས་འདུ་གྲོལ་རྗེས་རང་བཤེར་རང་བཅོས་བྱས་ཏེ་བཟའ་བྱའི་ཞིང་ལས་ཐོན་རྫས་ཀྱི་སྤུས་ཚད་འགག་སྒོ་ནན་གྱིས་བསྲུངས་ནས་ཡིད་རྟོན་ཁྲིམས་སྲུང་གིས་གཉེར་སྐྱོང་བྱེད་དགོས་པར་བསྟན།
གོམ་སྟབས་རྗེས་མར། སྔོ་ཚལ་སིལ་ཚོང་ཁྲོམ་རར་ལྟ་སྐུལ་དོ་དམ་བྱེད་ཤུགས་རྒྱུན་མཐུད་ངང་ཆེ་རུ་བཏང་ནས་ཁྲོམ་རའི་གཉེར་སྐྱོང་སྒྲིག་ལམ་ཡག་པོ་ཡོང་བའི་འགན་ལེན་བྱས་ཏེ། འཛད་སྤྱོད་པར་བདེ་འཇགས་དང་བློ་བདེའི་སྔོ་ཚལ་འཛད་སྤྱོད་ཀྱི་ཁོར་ཡུག་མཁོ་འདོན་བྱ་རྒྱུ་ཡིན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注