རྒྱལ་ཡོངས་གྲོང་གསེབ་རིག་གནས་ཀྱི་སྒྱུ་རྩལ་བཤམ་འཁྲབ་དུས་ཚིགས་པེ་ཅིན་དུ་སྤེལ་བ།

ཟླ11པའི་ཚེས21ཉིན། ས་གཞི་ཆེན་པོའི་འཇའ་ཚོན་ཏེ་རྒྱལ་ཡོངས་ཀྱི་གྲོང་གསེབ་རིག་གནས་སྒྱུ་རྩལ་བཤམ་འཁྲབ་དུས་ཚིགས་རྒྱལ་ཡོངས་ཀྱི་ཞིང་ལས་འགྲེམ་སྟོན་ཁང་དུ་སྤེལ་མགོ་བརྩམས་ཤིང་། བཤམ་འཁྲབ་དུས་ཚིགས་ཚེས25ཉིན་བར་རྒྱུན་བསྐྱང་རྒྱུ་རེད། རྒྱལ་ནང་གི་ས་གནས་སོ་སོ་ནས་ཡོང་བའི་ཞིང་པ་འཁྲབ་སྟོན་པ350ལྷག་དང་། གྲོང་གསེབ་ཀྱི་ལག་ཤེས་པ150ལྷག གྲོང་གསེབ་ཀྱི་གཟུགས་འདས་ཤུལ་བཞག་རིག་གནས་རྣམ་གྲངས200ལྷག ཞིང་ལས་ཤུལ་བཞག་རིག་གནས་ཀྱི་ཁྱད་ལྡན་ཐོན་རྫས500ལྷག་བཅས་འགྲེམ་སྟོན་བྱས།

ད་ལོ་ནས་བཟུང་ཞིང་ལས་དང་གྲོང་གསེབ་པུའུ་ཡིས་ཀྲུང་གོ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་སོགས་འབྲེལ་ཡོད་སྡེ་ཚན་དང་མཉམ་དུ་གྲོང་གསེབ་ཀྱི་རིག་གནས་དར་སྤེལ་ལ་སྐུལ་འདེད་གཏོང་བར་དམ་པོར་དམིགས་ཏེ“ས་གཞི་ཆེན་པོའི་འཇའ་ཚོན་ཏེ་རྒྱལ་ཡོངས་ཀྱི་གྲོང་གསེབ་ཀྱི་རིག་གནས་དར་སྤེལ་གཏོང་བ་འགུལ་སྐྱོད་ནང་ཚུད་པའི”རིམ་སྤེལ་བྱེད་སྒོ་རྩ་འཛུགས་བྱས་ནས་སྤེལ་ཏེ། རིག་གནས་ལ་བརྟེན་ནས་བླ་སྲོག་གཏོད་པ་དང་རིག་གནས་ལ་བརྟེན་ནས་རྩ་བ་སྐྱེད་སྲིང་བྱེད་པ། རིག་གནས་ལ་བརྟེན་ནས་ཀུན་སྤྱོད་དར་སྤེལ་གཏོང་བ། རིག་གནས་ལ་བརྟེན་ནས་བྱ་གཞག་དར་རྒྱས་གཏོང་བ་བཅས་ལ་སྐུལ་འདེད་བཏང་། ས་གནས་སོ་སོས་རྣམ་པ་གསར་གཏོད་ཀྱིས་སྣ་མང་ཕུན་སུམ་ཚོགས་པའི་རིག་གནས་བྱེད་སྒོ་རབ་དང་རིམ་པ་སྤེལ་ནས་བྱེད་སྒོ་གྲོང་ཚོར་སྤེལ་བ་དང་། ཐོན་ཁུངས་གྲོང་ཚོར་ཁྱབ་གདལ་གཏོང་བ། འཛད་སྤྱོད་གྲོང་ཚོར་འཇོག་པ་བཅས་བྱས་ཏེ། གྲོང་གསེབ་ཀྱི་རིག་གནས་ཐོན་ཁུངས་བེད་སྤྱོད་དང་གྲོང་གསེབ་ཀྱི་རིག་གནས་ཐོན་ལས་གསར་གཏོད་འཕེལ་རྒྱས་ལ་སྐུལ་འདེད་བཏང་།

ཞིང་ལས་དང་གྲོང་གསེབ་པུའུ་ཡི་འབྲེལ་ཡོད་འགན་འཁུར་བས་གྲོང་གསེབ་ཀྱི་རིག་གནས་དར་སྤེལ་ནི་གྲོང་གསེབ་ཕྱོགས་ཡོངས་ནས་དར་སྤེལ་ལ་སྐུལ་འདེད་གཏོང་བའི་བླ་སྲོག་གཏོད་པའི་བཟོ་འགོད་ཡིན་པ་དང་། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བས་དུས་རབས་གསར་པའི་ཞིང་པའི་བསམ་པའི་ཉམས་འགྱུར་སྣེ་ཁྲིད་དང་མཐོར་གཏོང་བྱས་ཏེ་གྲོང་གསེབ་ཀྱི་གོམས་སྲོལ་བསྒྱུར་བར་སྐུལ་འདེད་གཏོང་བ་དང་ཤེས་དཔལ་ལྡན་པའི་ཡུལ་སྲོལ་འཛུགས་སྐྱོང་བྱེད་དགོས། ཕུལ་བྱུང་རྨོ་འདེབས་རིག་གནས་སྲུང་སྐྱོང་དང་རྒྱུན་འཛིན་བྱེད་པ་དང་། ཤུལ་བཞག་རིག་གནས་སྔོག་འདོན་ངོས་འཛིན་དང་སྲུང་སྐྱོང་བེད་སྤྱོད་ལ་ཤུགས་སྣོན་པ། གྲོང་གསེབ་ཀྱི་རིག་གནས་ཐོན་ལས་དར་རྒྱས་གོང་འཕེལ་གཏོང་བ་བཅས་བྱས་ནས་རིག་གནས་སྒྱུ་རྩལ་དེ་གནའ་བོའི་གྲོང་ཚོ་དང་གནའ་བོའི་ཡུལ་མིའི་སྡོད་ཁང་སོགས་བབ་བསྟུན་བེད་སྤྱོད་དང་ཟུང་འབྲེལ་བྱས་ཏེ། མང་ཚོགས་ཀྱི་སྡོད་ཁང་དང་། ཞིབ་སྦྱོང་། ལུས་གསོ་སོགས་ཀྱི་ལས་རྣམ་གསར་པ་འཕེལ་རྒྱས་ཤུགས་ཆེན་གཏོང་དགོས། ཡུལ་དེ་གའི་རིག་གནས་ཤེས་ལྡན་མི་སྣ་སྐྱེད་སྲིང་དང་ནང་འདྲེན་བྱས་ནས་སྒྱུ་རྩལ་གྲོང་གསེབ་ལ་དྲངས་ཏེ་རིག་གནས་སྒྱུ་རྩལ་གྱི་ཤེས་ལྡན་མི་སྣ་དང་ཆེད་མཁས་པས་ས་གནས་དེའི་རིག་གནས་འཛུགས་སྐྱོང་ཁྲོད་ཞུགས་པ་དང་སྣེ་ཁྲིད་བྱེད་པར་སྐུལ་ལྕག་བྱེད་དགོས་ཟེར། །

གསར་ཤོས།

སྐད་འཕྲིན་སྤྱི་སྟེགས་ཨང་གྲངས།

微信扫一扫加关注

返回
顶部
移动端 公众号 抖音号 快手号