ཤ་བོ་སྐྱབས་མཚོ་བྱང་ཁུལ་ལས་བྱེད་ཤེས་ལྡན་མི་སྣའི་ཞབས་ཞུ་ལྟེ་གནས་སུ་བསྐྱོད་དེ་བརྟག་ཞིབ་གནང་པ།
ཟླ6པའི་ཚེས5ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ལས་བྱེད་ཤེས་ལྡན་མི་སྣའི་ཞབས་ཞུའི་ལྟེ་གནས་སུ་བསྐྱོད་དེ་ལས་གཞི་འཛུགས་སྐྲུན་མཇུག་སྒྲིལ་གནས་ཚུལ་དང་ཤེས་ལྡན་མི་སྣའི་ལས་ཤག་བེད་སྤྱོད་དང་གཉེར་སྐྱོང་དོ་དམ། ལས་བྱེད་པ་རྒན་པའི་བྱ་འགུལ་ལྟེ་གནས་གྲ་སྒྲིག་འཁོར་སྐྱོད། མཚོ་སྔོན་པོ་ཞིང་རའི་ས་ཁང་བདག་ཁོངས་བོགས་འགུག་སོགས་ཀྱི་བྱ་བར་བརྟག་ཞིབ་གནང་ལ། ལས་གཞི་བེད་སྤྱོད་དོ་དམ་ལ་ཤུགས་སྣོན་དགོས་པ་དང་ལས་གཞིའི་ནུས་པ་འདོན་སྤེལ་ཏན་ཏིག་བྱ་རྒྱུའི་ཐད་བླང་བྱ་བཏོན།
ཤ་བོ་སྐྱབས་ཀྱིས་ཁུལ་ཨུ་དང་ཁུལ་སྲིད་གཞུང་གིས་ལས་འཁྱུར་ངལ་གསོ་བྱས་པའི་ལས་བྱེད་པ་དང་མཚོ་སྐྱོར་ལས་བྱེད་པའི་ཞབས་ཞུའི་འགན་ལེན་བྱ་བར་ཚད་མཐོའི་མཐོང་ཆེན་བྱས་ཤིང་། ཐེངས་མང་པོར་ཆེད་དོན་ཚོགས་འདུ་འཚོགས་ཏེ་འབྲེལ་ཡོད་བྱ་བར་ཞིབ་འཇུག་དང་སྐུལ་འདེད་བཏང་ལ། མཚོ་བྱང་ཁུལ་ལས་བྱེད་རྒན་པའི་ཞབས་ཞུའི་ལྟེ་གནས（ལས་བྱེད་ཤེས་ལྡན་མི་སྣའི་ཞབས་ཞུའི་ལྟེ་གནས）ཀྱི་ལས་གཞི་འཛུགས་སྐྲུན་བྱས་པས་ལས་བྱེད་རྒན་པ་དང་མཚོ་སྐྱོར་ལས་བྱེད་ཤེས་ལྡན་མི་སྣའི་ཐོབ་སྣང་དང་སྐྱིད་སྣང་ནུས་ལྡན་སྒོས་ཆེ་རུ་གཏོང་ཐུབ་པར་བསྟན་ལ། ལས་གཞི་འཛུགས་སྐྲུན་མགོ་ཁྲིད་ཚན་ཆུང་གི་ཁོངས་མིའི་ལས་ཁུངས་ཀྱིས་ཤེས་ལྡན་མི་སྣའི་ལས་ཤག་བེད་སྤྱོད་བྱེད་པའི་ནུས་པ་སྒྱུར་བཀོད་དང་སྒྲིག་ཆས་ཉོ་སྒྲུབ། སྒྲིག་བཀོད་ཆ་ཚང་བེད་སྤྱོད་དོ་དམ། ཞབས་ཞུ་ལེགས་གཏོང་། ཕན་འབྲས་མཐོར་གཏོང་བཅས་ཀྱི་ཐད་ཞིབ་འཇུག་ནན་ཏན་དང་ཇུས་འགོད་ཞིབ་ཚགས་བྱས་ནས་ལས་ཤག་གང་མགྱོགས་སྒོས་སྤྱོད་ཐུབ་པའི་འགན་ལེན་བྱས་ཏེ་རོགས་སྐྲུན་ལས་བྱེད་ཤེས་ལྡན་མི་སྣར་བཟའ་སྡོད་ཀྱི་ཆ་རྐྱེན་བཟང་པོ་མཁོ་འདོན་བྱེད་དགོས་ཤིང་། ལས་བྱེད་རྒན་པའི་བྱ་འགུལ་ལྟེ་གནས་བཀོལ་སྤྱོད་བྱེད་པའི་དུས་མགོའི་གྲ་སྒྲིག་བྱ་བ་དམ་འཛིན་བྱས་ཏེ་ཚོགས་འདུ་ཁང་དང་ལས་བྱེད་རྒན་པའི་བྱ་འགུལ་སྤེལ་སའི་ཁང་པ། ལས་འཁྱུར་ངལ་གསོའི་ཏང་འཛུགས་སྐྱོང་བྱེད་གནས་ཀྱི་བྱེད་ནུས་སྒྲིག་ཆས་ཆ་ཚང་འཐུས་ཚང་དུ་གཏོང་བ། བྱ་བའི་སྒྲིག་སྲོལ་དང་ལམ་སྲོལ་འཛུགས་པ་དང་འཐུས་ཚང་དུ་གཏོང་བ། དོ་དམ་ཞབས་ཞུ་ལེགས་སྒྱུར་བཅས་བྱས་ཏེ་ལས་བྱེད་རྒན་པའི་སློབ་སྦྱོང་བྱེད་སྒོར་དངོས་གནས་སྟབས་བདེ་བསྐྲུན་དགོས་ལ། རྫོང་བཞིའི་ཟི་ལིང་དུ་བཅའ་སྡོད་བྱས་པའི་ལས་བྱེད་རྒན་པའི་ཞབས་ཞུ་སུའོ་ཡི་ཐོན་ཁུངས་བསྡུ་སྒྲིལ་བྱས་ཏེ་སྔ་མོ་ནས་ཁུལ་ལས་བྱེད་རྒན་པའི་ཞབས་ཞུ་ལྟེ་གནས་སུ་བཅའ་སྡོད་ཐུབ་པའི་བརྩོན་ལེན་བྱེད་དགོས། མཚོ་སྔོན་པོ་ཞིང་རའི་ཁང་པ་བོགས་འགུག་བྱ་བར་དམ་འཛིན་བྱས་ནས་གང་མགྱོགས་སྒོས་སྡོད་ཁང་གི་ལེགས་ཆ་དེ་མ་རྩའི་ལེགས་ཆར་བསྒྱུར་དགོས་པ་དང་། རྒྱུ་ནོར་གྱི་ལེགས་ཆ་དེ་དཔལ་འབྱོར་གྱི་ཁེ་ཕན་ལ་འགྱུར་ལྡོག་བཏང་སྟེ་ཞིང་ར་འཕེལ་རྒྱས་འགྲོ་རྒྱུར་དཔལ་འབྱོར་གྱི་གསོན་ཤུགས་སྩོལ་དགོས། ལས་གཞིའི་མེ་ཟོན་ཞིབ་བཤེར་རྩིས་ལེན་གྱི་རྨང་གཞིའི་ཐོག་བཟོ་སྐྲུན་གྱི་འབྲེལ་ཡོད་མཇུག་བསྡུའི་རྗེས་མཐུད་བྱ་བ་མགྱོགས་མྱུར་སྒོས་ལེགས་འགྲུབ་བྱས་ཏེ་སྔ་མོ་དང་ཁྱོན་ཡོངས་ནས་བེད་སྤྱོད་ཐུབ་པའི་འགན་ལེན་བྱེད་དགོས། ཞབས་ཞུ་ལྟེ་གནས་ཀྱི་དོ་དམ་དང་གཉེར་སྐྱོང་བྱ་བ་ཏན་ཏིག་ངང་ཡག་པོར་སྒྲུབ་དགོས་པ་དང་། བྱ་བའི་སྟོབས་ཤུགས་གཅིག་སྡུད་བྱེད་པ། བྱ་བའི་བྱེད་ཐབས་གསར་གཏོད་བྱེད་པ། བྱ་བའི་ཆུ་ཚད་མཐོ་རུ་གཏོང་བ། དོ་དམ་དང་ཞབས་ཞུའི་འགན་ལེན་བྱ་བ་སྔར་ལས་གནད་སྨིན་དང་ཞིབ་ཚགས་ངང་ཡག་པོར་སྒྲུབ་དགོས་པ་ནན་གྱིས་བསྟན།
ཝང་ཡུང་ཁྲང་དང་ཚོ་ཅི་ཆང་། ཧན་ཧྲི་བཅས་ཀྱིས་བརྟག་ཞིབ་ལ་ཕེབས་རོགས་གནང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注