ཤ་བོ་སྐྱབས་ཀྱིས་ཁུལ་ཡོངས་ཀྱི་མཐོ་རྒྱུགས་ཀྱི་གྲ་སྒྲིག་བྱ་བར་ཞིབ་བཤེར་གནང་པ།
ཟླ6པའི་ཚེས6ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ཁུལ་སློབ་གསོ་ཡིག་རྒྱུགས་བཀོད་འདོམས་ལྟེ་གནས་དང་མཚོ་བྱང་ཁུལ་མཐོ་རིམ་སློབ་འབྲིང་དང་པོའི་རྒྱུགས་ལེན་ས་ཚིགས་སུ་བསྐྱོད་དེ་མཐོ་རྒྱུགས་ཀྱི་གྲ་སྒྲིག་བྱ་བར་ཞིབ་བཤེར་གནང་།
ཁུལ་སློབ་གསོ་ཡིག་རྒྱུགས་བཀོད་འདོམས་ལྟེ་གནས་སུ་ཤ་བོ་སྐྱབས་ཀྱིས་རྒྱུགས་རའི་བཀོད་སྒྲིག་དང་སྒྲིག་ཆས་འཁོར་སྐྱོད། རྒྱུགས་རའི་ལྟ་སྐུལ་ཚོད་འཛིན། རྒྱུགས་དོན་གསོ་སྦྱོང་། འཕྲལ་སྡོམ་ཐག་གཅོད་སོགས་ལྷུ་ཚིགས་ཀྱི་གྲ་སྒྲིག་གནས་ཚུལ་ལ་རྒྱུས་ལོན་ཞིབ་ཕྲ་བྱས་ནས་ཁུལ་ཡོངས་ཀྱི་རྒྱུགས་ཁུལ་སོ་སོ་དང་རྒྱུགས་ར་སོ་སོས་རྒྱུགས་སྤྲོད་སློབ་མ་རྒྱུགས་རར་ཞུགས་པའི་སྔོན་གྱི་སྦྱོང་བརྡར་ཡག་པོ་བྱས་ཏེ་ཐོལ་བྱུང་གནས་ཚུལ་ལ་ཁ་གཏད་གཅོག་པའི་བྱ་བའི་སྔོན་ཇུས་འཐུས་ཚང་དུ་བཏང་ནས་དེ་བས་ནན་ལ་ནུས་ལྡན་གྱི་བྱ་ཐབས་དང་ཚན་རིག་དང་མཐུན་པའི་གོ་རིམ། གཟབ་ནན་ཞིབ་ཚགས་ཀྱི་སྤྱོད་ཚུལ་བཅས་ཀྱི་སྒོ་ནས་ཡིག་རྒྱུགས་ཀྱི་བརྒྱུད་རིམ་ཧྲིལ་པོར་དོ་དམ་ཚོད་འཛིན་བྱ་རྒྱུར་ཤུགས་སྣོན་དགོས་པའི་བླང་བྱ་བཏོན་པ་རེད། མཚོ་བྱང་ཁུལ་མཐོ་རིམ་སློབ་འབྲིང་དང་པོའི་རྒྱུགས་སྤྲོད་ས་ཚིགས་སུ་ཤ་བོ་སྐྱབས་ཀྱིས་ཡུལ་དངོས་སུ་རྒྱུགས་ཤོག་གསང་སྲུང་ཁང་དང་། བདེ་འཇགས་ཞིབ་བཤེར་ཁང་། བརྙན་ལམ་ལྟ་སྐུལ་ཚོད་འཛིན་ཁང་སོགས་གཙོ་གནད་གནས་ལ་ལྟ་ཞིབ་བྱས་ནས་སློབ་གསོ་དང་སྤྱི་བདེ། སྡོད་ཁང་འཛུགས་སྐྲུན་སོགས་སྡེ་ཁག་གི་ལྟ་སྐུལ་ཚོད་འཛིན་སྒྲིག་ཆས་འཁོར་སྐྱོད་དང་གློག་ཤུགས་འགན་ལེན་སོགས་བྱ་བ་སོ་སོའི་གྲ་སྒྲིག་གནས་ཚུལ་ལ་གསན་པ་རེད།
ཤ་བོ་སྐྱབས་ཀྱིས་ད་ལོའི་མཐོ་རྒྱུགས་ནི་ཏང་གི་ཚོགས་ཆེན་ཉི་ཤུ་པའི་རྗེས་ཀྱི་མཐོ་རྒྱུགས་ཐོག་མ་དེ་ཡིན་ལ་པྲོག་གསར་ནད་དུག་གི་རིམས་ནད་ཁ་པའི་རིགས་ཀྱི་དོ་དམ་ཁ་པ་བྱེད་ཐབས་ལག་བསྟར་བྱེད་པའི་དུས་བབ་གསར་པའི་འོག་གི་མཐོ་རྒྱུགས་ཐོག་མ་དེའང་ཡིན་པས་ད་ལོའི་མཐོ་རྒྱུགས་བྱ་བ་ཡག་པོ་སྒྲུབ་པར་དོན་སྙིང་གལ་ཆེན་ལྡན་ཡོད། དུས་མགོར་ཁུལ་དང་རྫོང་གི་སློབ་གསོ་སྡེ་ཁག་དང་འབྲེལ་ཡོད་སྡེ་ཁག་གིས་ལས་འགན་དོན་འཁྱོལ་ནན་ཏན་དང་བཀོད་སྒྲིག་ཞིབ་ཚགས་བྱས་ཏེ་ཏན་ཏིག་ནུས་ལྡན་གྱི་གྲ་སྒྲིག་བྱ་བ་འབོར་ཆེན་བསྒྲུབས་ནས་དུས་བདེའི་མཐོ་རྒྱུགས་མངོན་འགྱུར་བྱ་ཆེད་རྨང་གཞི་བརྟན་པོ་གཏོང་དགོས་པར་བསྟན། ཤ་བོ་སྐྱབས་ཀྱིས་མཐོ་རྒྱུགས་དེ་རྒྱལ་ཁབ་ཀྱི་ཤེས་ལྡན་མི་སྣ་འདེམས་སྒྲུག་དང་ཁྱིམ་ཚང་གི་བདེ་རྩར་ཐུག་པའི་ཁེ་ཕན། སློབ་མའི་མདུན་ལམ་དང་ལས་དབང་བཅས་དང་འབྲེལ་བ་ཡོད་པས་སྤྱི་ཚོགས་ཀྱིས་དོ་ཁུར་བྱེད་པའི་གླེང་མང་བའི་གཙོ་གནད་ཅིག་རེད། རྫོང་སོ་སོ་དང་སྡེ་ཁག་སོ་སོས“མིག་མངས་འགྲིག་སྐོར་གཅིག”གི་བསམ་བློ་བརྟན་པོ་བཙུགས་ནས་རྒྱུགས་ལེན་བདེ་འཇགས་དོ་དམ་དང་སྤྱི་པའི་འཕྲོད་བསྟེན། བཟའ་བཅའི་བདེ་འཇགས། བགྲོད་ལམ་འགྲིམ་འགྲུལ། ཉེ་འཁོར་གྱི་ཁོར་ཡུག་བཅོས་སྐྱོང་སོགས་ཀྱི་བྱ་བ་སོ་སོ་ཏན་ཏིག་ངང་ཡག་པོ་བསྒྲུབས་ཏེ་མཐུན་སྦྱོར་མཉམ་འགུལ་དང་། ལས་བགོས་མཉམ་སྒྲུབ། སྒྲིག་མཉམ་ལེན་དང་དོན་སྤྱི་སྒྲུབ། འཁོར་སྐྱོད་ནུས་ལྡན་བཅས་ཀྱི་བྱ་བའི་ལམ་སྲོལ་ཞིག་ཆགས་པར་བྱས་ནས་བདེ་འཇགས་དང་ལྷིང་འཇགས། བློ་བདེ་བཅས་ཀྱི་ཡིག་རྒྱུགས་ཁོར་ཡུག་ཅིག་ཧུར་ཐག་བཏོད་དེ་རྒྱུགས་སྤྲོད་སློབ་མ་དང་ཁྱིམ་བདག སྤྱི་ཚོགས་བློ་ཡིད་ཚིམ་པོ་ཡོང་བ་བྱེད་དགོས། སློབ་གསོ་སྡེ་ཁག་གིས་མཐོ་རྒྱུགས་ཀྱི་གཟབ་ནན་རང་བཞིན་དང་དྲང་གཞག་རང་བཞིན་མངོན་གསལ་དོད་པོ་ཡོང་བར་བྱས་ནས་རྒྱུགས་ལེན་གྱི་སྒྲིག་ལམ་སྔར་བས་ནན་དུ་གཏོང་བ་དང་། ཡིག་རྒྱུགས་ཀྱི་སྒྲིག་ཁྲིམས་ནན་དུ་གཏོང་བ། རྒྱུགས་རའི་དོ་དམ་ནན་དུ་གཏོང་བ། མཐོ་གསར་ཚན་རྩལ་གྱི་གཡོ་ལས་བྱ་ཐབས་ནན་འགོག་བྱེད་པ། རྒྱུ་འབྲས་དྲང་གཞག་གི་མཐོ་རྒྱུགས་ཀྱི་མཐའ་ཚད་མཐའ་གཅིག་ཏུ་བསྲུངས་ནས“མེད་གསུམ་བརྟན་གསུམ་འགན་གསུམ”གྱི་མཐོ་རྒྱུགས་བདེ་འཇགས་བྱ་བའི་དམིགས་ཚད་མངོན་འགྱུར་ཡོང་བར་བྱེད་དགོས་པ་ནན་གྱིས་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注