ཤ་བོ་སྐྱབས་དང་ཀྲང་ཧྲིང་ཡོན་གྱིས་རུ་སྣེ་ཁྲིད་ནས་ཞིང་ཆེན་བཟོ་འཕྲིན་ཐིང་དུ་བསྐྱོད་དེ་བྱ་བར་འབྲེལ་མཐུད་བྱས་པ།
ཟླ6པའི་ཚེས5ཉིན། མཚོ་བྱང་ཁུལ་ཨུའི་ཧྲུའུ་ཅི་ཤ་བོ་སྐྱབས་དང་ཁུལ་དཔོན་ཀྲང་ཧྲིང་ཡོན་གྱིས་རུ་སྣེ་ཁྲིད་ནས་ཞིང་ཆེན་བཟོ་འཕྲིན་ཐིང（རྒྱལ་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན）དུ་བསྐྱོད་དེ་བྱ་བར་འབྲེལ་མཐུད་བྱས་པ་དང་འབྲེལ་བཞུགས་མོལ་ཚོགས་འདུ་འཚོགས་པ།
བཞུགས་མོལ་ཚོགས་འདུའི་ཐོག ཤ་བོ་སྐྱབས་དང་ཀྲང་ཧྲིང་ཡོན་གྱིས་ཞིང་ཆེན་བཟོ་འཕྲིན་ཐིང་གིས་དུས་ཡུན་རིང་པོའི་ནང་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་། ནུས་ཤུགས་ཡོད་རྒུས་བཟོ་ལས་དཔལ་འབྱོར་འཁོར་སྐྱོད་ལ་དམ་འཛིན་ཡག་པོ་བྱས་ཏེ་དུས་ཚོད་དང་སྟོབས་ཤུགས། ཐོན་ཁུངས་བཅས་གཅིག་སྡུད་ཀྱིས་ལས་གཞི་མང་པོ་བསྡུ་ལེན་དང་ཐོན་ལས་ལ་དམ་འཛིན་ཤུགས་ཆེན་བྱས་ནས་མུ་མཐུད་ཞིབ་འཇུག་དབྱེ་འབྱེད་བཀོད་གཏོང་དང་རྣམ་གྲངས་འཛུགས་སྐྲུན། སྲིད་ཇུས་ཀྱི་བསྔགས་སྐུལ། དཀའ་གནད་སེལ་བ་སོགས་ཀྱི་ཐད་ཤུགས་བསྣན་ནས་བཟོ་ལས་དཔལ་འབྱོར་སྤུས་ཚད་མཐོན་པོའི་ངང་འཕེལ་རྒྱས་འགྲོ་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་རྒྱུ་ཡིན་ཞེས་བསྟན་ལ། ཤ་བོ་སྐྱབས་ཀྱིས་ཞིང་ཆེན་བཟོ་འཕྲིན་ཐིང་དང་། མཚོ་བྱང་ཁུལ་ཨུ་དང་ཁུལ་སྲིད་གཞུང་བཅས་ཀྱི་ཆེད་དོན་ཚན་ཁག་བཙུགས་ཏེ། ཧྲན་ཏུང་དང་ཀན་སུའུ་སོགས་ས་ཁུལ་གྱི་བཟོ་འཕྲིན་དང་རྒྱལ་ཁོངས་རྒྱུ་ནོར་ཁྱབ་ཁོངས་ཀྱི་བརྗེ་རེས་མཉམ་ལས་ལ་ཤུགས་བསྣན་ནས་མཉམ་འབྲེལ་ཐོག་ཕྱི་ཕྱོགས་སུ་རྟོག་ཞིབ་སློབ་སྦྱོང་དང་ཚོང་འགུགས་མ་འདྲེན་བྱེད་པ་དང་། ཞིང་ཆེན་བཟོ་འཕྲིན་ཐིང་གིས་རྡོ་སོལ་ཁེ་ལས་ཀྱི་བདེ་འཇགས་ཐོན་སྐྱེད་དོ་དམ་དང་རྡོ་སོལ་ཐོན་ཁུངས་བཀོད་སྒྲིག དེ་བཞིན་འཕེལ་རྒྱས་ཀྱི་གསོ་སྦྱོང་དཔལ་འབྱོར་དང་། ཐོན་ལས་གྲུབ་ཆ་ལེགས་སྒྲིག བཟོ་ལས་འཕེལ་རྒྱས་བཀོད་སྒྲིག་སོགས་ཀྱི་ཐད་རྒྱབ་སྐྱོར་དང་རོགས་རམ་བྱེད་པའི་རེ་བ་བཏོན། ཀྲང་ཧྲིང་ཡོན་གྱིས་ཞིང་ཆེན་བཟོ་འཕྲིན་ཐིང་གིས་མཚོ་བྱང་འཕེལ་རྒྱས་ལ་སྔར་བཞིན་སེམས་ཁུར་དང་རྒྱབ་སྐྱོར་བྱས་ཏེ་གླིང་ཁུལ་གྱི་དཔལ་འབྱོར་འཕེལ་རྒྱས་གཏོང་པ་དང་། ཐེག་ནུས་ཇེ་མཐོར་གཏོང་པ། རྨང་གཞིའི་འཛུགས་སྐྲུན་ལ་ཤུགས་སྣོན་པ། ཁེ་ལས་ཆུང་འབྲིང་སྐྱེད་སྲིང་བྱེད་པ། ཚོང་གཉེར་ཁོར་ཡུག་ཇེ་ལེགས་སུ་གཏོང་བ་སོགས་ཀྱི་ཐད་མཛུབ་ཁྲིད་དང་རྒྱབ་སྐྱོར་དེ་བས་མང་བ་བྱས་ནས་ས་གནས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོན་པོའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་གཏོང་ཆེད་འདེགས་སྐྱོར་དེ་བས་མང་པོ་མཁོ་འདོན་བྱེད་དགོས་པའི་རེ་བ་བཏོན།
ཞིང་ཆེན་བཟོ་འཕྲིན་ཐིང་གི་ཐིང་ཀྲང་ཅང་ཅུན་གྱིས་ཤ་བོ་སྐྱབས་དང་ཀྲང་ཧྲིང་ཡོན་འཁོར་དང་བཅས་པ་བྱ་བར་འབྲེལ་མཐུད་དུ་སླེབས་པར་དགའ་བསུ་ཞུས་པ་དང་། མཚོ་བྱང་ཁུལ་ཨུ་དང་ཁུལ་སྲིད་གཞུང་གིས་བཟོ་འཕྲིན་བྱ་བར་ཚད་མཐོའི་མཐོང་ཆེན་གནང་བར་ཐུགས་རྗེ་ཆེ་ཞུས་པ་རེད། ཁོང་གིས་མཚོ་བྱང་གི་བཟོ་ལས་ཆ་འཕྲིན་ཅན་གྱི་བྱ་བར་བཀྲག་མདངས་འཚེར་ས་མང་བ་དང་ཕན་འབྲས་ཆེ་བ། བཟོ་ལས་དཔལ་འབྱོར་འཕེལ་རྒྱས་ལ་རེ་བ་ཆེན་པོ་ལྡན་ལ། ཞིང་ཆེན་བཟོ་འཕྲིན་ཐིང་གིས་མཚོ་བྱང་གི་བཟོ་ལས་དང་ཆ་འཕྲིན་ཅན་གྱི་སྤུས་ཚད་མཐོན་པོའི་འཕེལ་རྒྱས་ཀྱི་བྱ་བ་སོ་སོར་སྔར་བཞིན་རྒྱབ་སྐྱོར་བྱ་རྒྱུ་ཡིན་ཞེས་བསྟན་ལ། དཔལ་འབྱོར་འཕེལ་རྒྱས་གཏོང་བའི་ཤུགས་རྒྱག་ས་དེ་དངོས་གཞིའི་དཔལ་འབྱོར་ཐོག་འཇོག་རྒྱུ་རྒྱུན་འཁྱོངས་བྱས་ནས་གཞི་ཁྱོན་ལྡན་པའི་ཁེ་ལས་གསོ་སྐྱོང་བྱེད་ཤུགས་ཆེ་རུ་བཏང་སྟེ་བསགས་འབོར་བརྟན་སྲུང་དང་འཕར་ཚད་དམ་འཛིན་ལེགས་པོ་བྱ་དགོས་ཤིང་། དུས་མཚུངས་སུ་མཚོ་བྱང་གི་ཐོན་ཁུངས་ཀྱི་ལེགས་ཆ་བདེ་སྤྱོད་གང་ལེགས་བྱས་ཏེ་སྐྱེ་དངོས་སྨན་བཟོ་དང་སྒྲིག་ཆས་བཟོ་སྐྲུན། ཁྱད་ལྡན་ཞིང་ཕྱུགས་ཐོན་རྫས་ལས་སྣོན་སོགས་ཁྱབ་ཁོངས་ལ་དམིགས་ཏེ་ཐོན་ལས་འདུས་འཛོམས་དང་སྒུལ་བྱེད་གསར་གཏོད། གྲངས་གཞིའི་ནུས་སྤྲོད་སོགས་ཀྱི་བྱ་བར་དམ་འཛིན་ཡག་པོ་བྱས་ནས་དེང་རབས་ཅན་གྱི་ཐོན་ལས་མ་ལག་བཙུགས་ཏེ་གསར་དར་བཟོ་ལས་ཅན་མགྱོགས་མྱུར་སྐུལ་འདེད་གཏོང་རྒྱུའི་གྲོས་གཞི་བཏོན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注