མཚོ་བྱང་གི་དབུལ་ཐར་མི་འབོར་གྱི་ཡོང་འབབ་མགྱོགས་མྱུར་སྒོས་འཕར་བ།

ད་ལོ་ནས་བཟུང་མཚོ་བྱང་བོད་རིགས་རང་སྐྱོང་ཁུལ་གྱིས་བྱེད་ཐབས་སྣ་མང་སྤྱད་དེ་ཞིང་ཕྱུགས་ལས་ཀྱི་ཐོན་འཕར་དང་ཕན་འབྲས་ཆེ་རུ་གཏོང་བ་དང་། རོང་འབྲོག་པར་འབབ་འཕར་བརྟན་པོ་ཡོང་རྒྱུར་སྐུལ་འདེད་བཏང་བས་དབུལ་ཐར་མི་འབོར་གྱི་ཡོང་འབབ་ཁེ་གཙང་མགྱོགས་མྱུར་སྒོས་འཕར་ཡོད།  2024ལོར་མཚོ་བྱང་གི་དབུལ་ཐར་མི་འབོར་གྱི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར21556.92ཟིན་ནས14.52%འཕར་བ་དེ་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ལས་བརྒྱ་ཆའི0.49ཡི་མཐོ་བ་ཡོད་པ་དང་ཡོང་འབབ་སྒོར10000མན་གྱི་དབུལ་ཐར་མི་འབོར་མེད་པར་བཟོས་ནས“མཐོ་བ་གཉིས”ཀྱི་སྔོན་དཔག་དམིགས་ཚད་བདེ་བླག་ངང་མངོན་འགྱུར་བྱུང་།  

མཚོ་བྱང་ཁུལ་གྱིས་འབབ་འཕར་གྱི་གཙོ་གནད་དང་དཀའ་གནད། འགག་གནད་བཅས་སེལ་རྒྱུར་དམིགས་ཏེ་སྲིད་ཇུས་རབ་དང་རིམ་པ་བཟོས་ནས་བཏོན་པ་དང“གཅིག་སྡུད་དྲུག་དང་ཁག་གཅིག་གི་འབབ་འཕར་འགུལ་སྐྱོད”ཧུར་ཐག་སྤེལ་བ་དང་།  ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གྱི་སྣེ་ཁྲིད་ཁུལ་འཛུགས་སྐྲུན་ལ་སྐུལ་འདེད་བརྟན་པོ་བཏང་ནས་རིགས་སྣ་ཚོགས་ཀྱི་མ་དངུལ་ཁྱོན་བསྡོམས་སྒོར་དུང་ཕྱུར5.29བསྡུ་སྒྲིལ་བྱས་ཏེ་ལས་གཞི་གཙོ་བོ65དང་འདེགས་སྐྱོར་ཆ་ཚང་གི་ལས་གཞི92བསྐྲུན་ནས་ཁུལ་ཡོངས་ཀྱི་ཞིང་ཕྱུགས་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་དང་དབུལ་ཐར་མི་འབོར་གྱི་ཡོང་འབབ་རྒྱུན་མཐུད་དང་མགྱོགས་མྱུར་སྒོས་འཕར་རྒྱུར་སྐུལ་འདེད་གཏོང་རྒྱུ་རེད།   

ངལ་ནུས་ཕྱིར་གཏོང་སོགས་ཀྱི་བྱེད་ཐབས་ལ་དམིགས་ནས་དབུལ་ཐར་ངལ་ནུས་གཞན་སྒྱུར་ལས་ཞུགས་བྱེད་ཤུགས་རྒྱུན་ཆད་མེད་པར་ཆེ་རུ་བཏང་བས། མཚོ་བྱང་ཁུལ་གྱི་ལས་མི10586དང་ཁུལ་ཡོངས་ཀྱི་གནས་སྤོས་བཀོད་སྒྲིག་གི་དབུལ་ཐར་ངལ་ནུས1041ལས་ཞུགས་ཐུབ་ཡོད།  ཁུལ་ཡོངས་ཀྱི་ལས་ཞུགས་རོགས་སྐྱོར་འཁོར་ཁང60གཏན་འཁེལ་བྱས་པ་དང་དབུལ་ཐར་ངལ་རྩོལ་ནུས་ཤུགས382ལས་ཞུགས་ཐུབ་རྒྱུར་སྐུལ་ཁྲིད་བྱས། “སྦྲང་ཆར་འཆར་གཞི+”ཡི་ལས་ཞུགས་སྐུལ་འདེད་འགུལ་སྐྱོད་ཀྱིས་སློབ་རིམ་འཕར་བ་དང་ལས་ཞུགས། དམག་ནང་ཞུགས་པ་བཅས་མི་གྲངས294མངོན་འགྱུར་བྱུང་བ་དང་ལས་ཞུགས་ཐུབ་ཚད95.15%ཟིན་ཡོད། ཆ་རྐྱེན་དང་མཐུན་པའི་མི1407ལ་ཞིང་ཆེན་བརྒལ་བའི་ལས་ཞུགས་དབུལ་ཐར་མི་འབོར་དང་ལྟ་ཞིབ་ཚད་ལེན་རོགས་སྐྱོར་བྱ་ཡུལ་ལ་ཐེངས་གཅིག་རང་བཞིན་གྱི་འགྲིམ་འགྲུལ་ཁ་གསབ་རོགས་དངུལ་སྒོར་ཁྲི140.7སྤྲད།  

གཞན་ཡང་། བསྐྱར་ལོག་སྔོན་འགོག་གི་འགུལ་རྣམ་ལྟ་ཞིབ་ཚད་ལེན་དང་རོགས་སྐྱོར་གྱི“ལྷུ་ཚིགས་གཉིས”དམ་འཛིན་ནན་མོ་བྱ་རྒྱུ་རྒྱུན་འཁྱོངས་ཀྱིས་གནད་སྨིན་དབྱེ་འབྱེད་དང་རོགས་སྐྱོར་བྱ་ཐབས་སོགས་གཙོ་གནད་ཆེ་གྲས་ལྔར་དམིགས་ཏེ་ལྟ་ཞིབ་ཚད་ལེན་བྱ་ཡུལ་དབྱེ་འབྱེད་ཁྱབ་ཁོངས་ནང་ཁྱོན་ཡོངས་ནས་བཅུག་པ་དང་། ད་དུང་ཉེན་ཁ་སེལ་མེད་པའི་ལྟ་ཞིབ་ཚད་ལེན་ཁྱིམ་ཚང375དབྱེ་འབྱེད་ཁྱབ་ཁོངས་ནང་བཅུག་ནས་དམིགས་སའི་རང་བཞིན་གྱི་རོགས་སྐྱོར་བྱ་ཐབས་མུ་མཐུད་དོན་འཁྱོལ་བྱས་ཏེ་གནད་སྨིན་རོགས་སྐྱོར་གྱི་ཕན་ནུས་ཆེ་རུ་བཏང་ནས་ལྟ་ཞིབ་ཚད་ལེན་ཁྱིམ་ཚང་གི་ཡོང་འབབ་མང་དུ་ཏན་ཏིག་བཏང་ཡོད་པར་མ་ཟད།  མཚོ་བྱང་ཁུལ་གྱིས་མ་མཐའི་འཚོ་བའི་འགན་ལེན་མ་དངུལ་སོགས་སྲིད་ཇུས་རང་བཞིན་གྱི་ཁ་གསབ་སྣ་ཚོགས་སྒོར་དུང་ཕྱུར7.3དོན་འཁྱོལ་བྱས་ནས་གཞི་ཁྱོན་རང་བཞིན་གྱི་དབུལ་པོ་བསྐྱར་ལོག་མི་ཡོང་བའི་མ་མཐའི་མཚམས་ཐིག་བརྟན་པོར་སྲུང་ཡོད།