མདོ་ལ་རྫོང་གི་རྒྱ་ཆེའི་ལོ་ན་མཐོ་བའི་རྒན་པ་རྣམས་ལ་སྤྲིངས་པའི་འཕྲིན་ཡིག

རྫོང་ཡོངས་ཀྱི་རྒྱ་ཆེའི་ལོ་ལོན་རྒན་པ་རྣམ་པ། ལོ་ན་མཐོ་བའི་རྒན་པའི་ཁྲིམས་མཐུན་ཁེ་དབང་འགན་ལེན་བྱེད་པ་དང་། ལོ་ན་མཐོ་བའི་ཁ་གསབ་རོགས་དངུལ་ལོངས་སུ་སྤྱོད་འོས་པའི་རྒན་པ་ཚང་མར་དེ་མཚུངས་ཀྱི་ཕན་བདེ་ཐོབ་ཆེད། ད་ལྟ་ལོ་ན་མཐོ་བའི་ཁ་གསབ་ཆད་ལུས་ཞིབ་བཤེར་དང་ཆད་གསབ་ཀྱི་ལས་དོན་སྤེལ་བཞིན་ཡོད། གལ་ཏེ་ཁྱེད་ཀྱི་ཁྱིམ་དུ་ལོ70ལོན་པ་དང་དེ་ཡན་གྱི་རྒན་པས་ལོ་ན་མཐོ་བའི་ཁ་གསབ་རོགས་དངུལ་རེ་ཞུ་བྱས་མེད་པའམ། ཡང་ན་དེའི་སྔོན་གྱི་རེ་ཞུ་བྱས་པར་ཆ་འཕྲིན་གནད་ལ་མི་འཁེལ་བ་སོགས་ཀྱི་གནས་ཚུལ་ཡོད་ཚེ། 2024ལོའི་ཟླ12ཚེས20ཉིན་གྱི་སྔོན་ལ་རྒན་པ་མི་སྒེར་གྱིས་ཐོབ་ཐང་ལག་ཁྱེར་དང་ཁྱིམ་ཐོ་སོགས་འབྲེལ་ཡོད་དཔང་རྟགས་རྒྱུ་ཆ་འཁྱེར་ནས་ཡུལ་ཚོ་དང་གྲོང་རྡལ(སྡེ་ཁུལ)དམངས་སྲིད་སྒེའུ་ཁུང་དུ་བསྐྱོད་དེ་འབྲེལ་ཡོད་འགྲོ་ལུགས་སྒྲུབ་རོགས་གལ།

གཅིག ཁ་གསབ་རོགས་དངུལ་གྱི་ཚད་གཞི།

ལོ70ནས79བར་གྱི་རྒན་པ་མི་རེར་ཟླ་རེར་སྒོར110དང་།

ལོ80ནས89བར་གྱི་རྒན་པ་མི་རེར་ཟླ་རེར་སྒོར120དང་།

ལོ90ནས99བར་གྱི་རྒན་པ་མི་རེར་ཟླ་རེར་སྒོར140དང་།

ལོ100ལོན་པ་དང་དེའི་ཡན་གྱི་རྒན་པ་མི་རེར་ཟླ་རེར་སྒོར180ཡིན།

གཉིས། རེ་ཞུའི་འགྲོ་རིམ།

ཡུལ་དངོས་རེ་ཞུ་ནི། ལོ་ན་མཐོ་བའི་ཁ་གསབ་རེ་ཞུ་དེ་ཁྱིམ་ཐོའི་ཆ་འཕྲིན་རྨང་གཞིར་བྱས་ནས། རང་ཉིད་དམ་ཡང་ན་མངགས་བཅོལ་མཁན་གྱིས་ཁྱིམ་ཐོ་གནས་སའི་ཁོངས་གཏོགས་ཀྱི་ཡུལ་ཚོ་དང་གྲོང་རྡལ(སྡེ་ཁུལ)དམངས་སྲིད་ལས་སྒྲུབ་སྒེའུ་ཁུང་དུ་རེ་ཞུ་བྱས་ཤིང་། ཡུལ་ཚོ་དང་གྲོང་རྡལ(སྡེ་ཁུལ)དམངས་སྲིད་སྒེའུ་ཁུང་གིས་ཐོག་མའི་ཞིབ་བཤེར་བྱས་ཏེ། རྫོང་དམངས་སྲིད་ཅུས་ཞིབ་མཆན་བཀོད་རྗེས་སྤྲོད་འགོ་བརྩམས་པ་ཡིན།

གསུམ། ཁྱེར་ཡོང་དགོས་པའི་རྒྱུ་ཆ་ལ།

༡ ཐོང་ཐང་ལག་ཁྱེར་གྱི་དྲང་རྒྱབ་ངོས་ཀྱི་བསྐྱར་དཔར་དང་། སྤྱི་ཚོགས་འགན་སྲུང་བྱང་བུའི་བསྐྱར་དཔར། ལོ་ན་མཐོ་བའི་ཁ་གསབ་ཀྱི་ཐོ་འགོད་ཞིབ་མཆན་རེའུ་མིག

བཞི། མཉམ་འཇོག་བྱ་ཡུལ།

༡ རེ་ཞུ་བྱེད་མཁན་རང་ཉིད་ཀྱི་རྒྱུ་རྐྱེན་དབང་གིས་ལོ་ན་མཐོ་བའི་ཁ་གསབ་རེ་ཞུ་ལ་འགོར་འགྱངས་བྱས་པ་ཡིན་ན་རེ་ཞུ་མ་སྤྲད་སྔོན་གྱི་ཁ་གསབ་མི་སྟེར།

༢ ལོ་ན་མཐོ་བའི་ཁ་གསབ་ལོངས་སུ་སྤྱོད་བཞིན་པའི་རྒན་པས་ཞིང་ཆེན་ནང་དུ་སྲིད་འཛིན་ས་ཁུལ་བརྗེ་བའམ་ཁྱིམ་ཐོ་སྤར་བ་ལ་རང་ཉིད་དམ་མངག་བཅོལ་ལས་ཚབ་པ་ཉིན30ཡི་ནང་དུ་ལས་སྒྲུབ་སྒེའུ་ཁུང་དུ་ཡོང་ནས་བརྗེ་བསྒྱུར་རེ་ཞུ་སྒྲུབ་དགོས།

༣ ལོ་ན་མཐོ་བའི་ཁ་གསབ་ལོངས་སུ་སྤྱོད་བཞིན་པའི་རྒན་པ་མཚོ་སྔོན་ཞིང་ཆེན་ནས་ཁྱིམ་ཐོ་སྤར་བའམ་ཚེ་ལས་འདས་ཚེ། རང་ཉིད་དམ་མངག་བཅོལ་ལས་ཚབ་པ་དངོས་སུ་ལས་སྒྲུབ་སྒེའུ་ཁུང་དུ་ཡོང་ནས་ཐོ་བསུབ་འགྲོ་ལུགས་སྒྲུབ་ནས་ཁ་གསབ་གནང་སྦྱིན་མ་ལག་ནས་འབུད་དགོས།

༤ ལོ་ན་མཐོ་བའི་ཁ་གསབ་ལོངས་སུ་སྤྱོད་བཞིན་པའི་རྒན་པ་ཚེ་ལས་འདས་ན་གཉེན་ཉེའམ་མངག་བཅོལ་ལས་ཚབ་པས་ཟླ་དེའི་ནང་དུ་ཚེ་འདས་ཐོ་བསུབ་བྱེད་དགོས་ལ། ཚེ་འདས་དཔང་ཡིག་གི་བསྐྱར་དཔར་ཡུལ་གྲོང་དང（སྡེ་ཁུལ）དམངས་སྲིད་ལས་སྒྲུབ་པ། རྫོང་དམངས་སྲིད་ཅུའི་སྤྱི་ཚོགས་ཕན་བདེ་ཁོའུ་རུ་སྤྲོད་དགོས། དུས་ཚོད་ལྟར་མ་སྤྲད་ན་རྫོང་དམངས་སྲིད་ཅུ་ཡིས་འབྲེལ་ཡོད་མ་དངུལ་བདའ་འདེད་བྱ་ངེས།

མདོ་ལ་རྫོང་དམངས་སྲིད་ཅུ།