མདོ་ལ་རྫོང་གིས་གླ་ཆད་རྩ་བཅོས་བྱ་བའི་སྐུལ་འདེད་ཚོགས་འདུ་བསྡུས་པ།

ཞིང་ཆེན་དང་ཁུལ་གྱི་ཞིང་ལས་པར་གླ་ཕོགས་སྤྲོད་པ་ཡི་བྱ་བའི་བླང་བྱ་ལག་བསྟར་དོན་འཁྱོལ་དང་། ལོ་རེའི་ལོ་མཇུག་གི་ཞིང་པ་ལས་མིའི་གླ་ཕོགས་གཏོང་སྤྲོད་ལ་འགན་སྲུང་ཏན་ཏིག དགུན་དུས་གླ་ཆད་བཅོས་སྐྱོང་གཏིང་ཇེ་ཟབ་དང་དངོས་ཡོད་དུ་སྤེལ་ཕྱིར། ཟླ12པའི་ཚེས5ཉིན། མདོ་ལ་རྫོང་གིས་གླ་ཆད་རྩ་བཅོས་བྱ་བའི་སྐུལ་འདེད་ཚོགས་འདུ་བསྡུས། ཚོགས་འདུའི་སྟེང་རྒྱལ་སྲིད་སྤྱི་ཁྱབ་ཁང་དང་ཞིང་ཆེན། ཁུལ་བཅས་ཀྱི་གླ་ཆད་རྩ་བཅོས་བྱ་བ་དང་དགུན་དུས་ཆེད་དོན་འགུལ་སྐྱོད་སོགས་ཀྱི་འབྲེལ་ཡོད་ཡིག་ཆའི་དགོངས་པ་སློབ་སྦྱོང་བྱས་ཤིང་། 2024ལོའི་མདོ་ལ་རྫོང་གི་གླ་ཆད་རྩ་བཅོས་བྱ་བ་སྤེལ་བའི་གནས་ཚུལ་ཡོངས་བསྒྲགས་བྱས།

རྫོང་ཨུའི་རྒྱུན་ཨུའམ་རྫོང་དཔོན་གཞོན་པ་ལི་ཀྲོའུ་ཆིང་གིས་གཏམ་བཤད་སྤེལ། རྫོང་དཔོན་གཞོན་པའམ་རྫོང་སྤྱི་བདེ་ཅུའི་ཏང་ཨུའི་ཧྲུའུ་ཅི། ཅུ་ཀྲང་ལྕགས་ཐར་ཚོགས་འདུར་ཞུགས།

ཚོགས་འདུ་ལས་ལོ་མཇུག་ནི་གླ་ཆད་གནད་དོན་མང་བོ་འབྱུང་སླ་བའི་དུས་ཚོད་ཡིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་ལས་པའི་གླ་ཕོགས་གཏོང་སྤྲོད་སྐོར་གྱི་གལ་ཆེའི་མཆན་བཀོད་མཛུབ་སྟོན་གྱི་དགོངས་པ་དང་། དེ་བཞིན་ཞིང་ཆེན་དང་ཁུལ་གྱི་ཞིང་ལས་པར་གླ་ཕོགས་འགོར་འགྱངས་རྩ་བ་ནས་བཅའ་བའི་བྱ་བའི་བཀོད་སྒྲིག་བླང་བྱ་གཞིར་བཟུང་། བྱ་བར་སྤྱི་སྡོམ་དང་གནས་བབ་ལ་དབྱེ་ཞིབ་བརྒྱུད་གོམ་སྟབས་རྗེས་མའི་གླ་ཆད་བཅོས་སྐྱོང་གི་ལས་འགན་སོ་སོ་བཀོད་སྒྲིག་བྱས་ཤིང་། ནན་ཏན་དང་དངོས་ཡོད་ཀྱི་གླ་ཆད་གནད་དོན་རིགས་ཁག་བཅོས་སྐྱོང་བྱེད་དགོས་པ་བསྟན།

ལོ་སར་དུས་ཆེན་སྔོན་གྱི་གླ་ཆད་རྩ་བཅོས་བྱ་བའི་དམིགས་བསལ་རང་བཞིན་དང་གཟབ་ནན་རང་བཞིན། རྙོག་འཛིང་རང་བཞིན་ལ་རྒྱུས་ལོན་གང་ལེགས་ཡོད་དགོས་ཤིང་། གླ་ཆད་བཅོས་སྐྱོང་བརྟན་ལྷིང་སྲུང་སྐྱོང་གི་ཆབ་སྲིད་འགན་འཁྲི་ཕྲག་ཏུ་འཁུར་ནས་སྔོན་འགོག་གཙོ་བོ། སྔོན་ལ་དཔྱད་དཔོག་དང་སྔོན་ལ་ཐེ་གཏོགས་བྱས་ནས་ཐག་གཅོད་ཀྱི་ཇུས་གཞི་བཟོ་བ། འབྱུང་རྩ་ནས་གླ་ཆད་ཉེན་ཁ་བཀག་ནས་རྩ་བཅོས་ཀྱི་བྱ་བ་ལེགས་པོར་སྒྲུབ་དགོས།

ཚོགས་འདུ་ལས་ཡུལ་གྲོང་སོ་སོ་དང་སྡེ་ཁག་སོ་སོའི་རིགས་དབྱེ་ཇུས་བསྟར་དང་གཅིག་སྡུད་འགག་སྒྲོལ་སྒོས་གླ་ཆད་བཅོས་སྐྱོང་གི་དགུན་དུས་ཆེད་དོན་བྱ་སྤྱོད་ལ་གཞིགས་ནས་རྩ་བ་ནས་སྔོན་འགོག་དང་། གླ་ཆད་རྩད་ཞིབ་སོགས་ཀྱི་ཐད་ནུས་ཤུགས་འདོན་པ་དང་དངོས་ཐབས་བཀོལ་ནས་གླ་ཆད་བར་སྟོང་ཆུང་དུ་གཏོང་དགོས། གཅིག་ནས་གནས་བབ་གསལ་བོ་དང་ལངས་གནས་མཐོན་པོ་ཡིན་དགོས། གླ་ཆད་རྩ་བཅོས་ཀྱི་གལ་ཆེན་རང་བཞིན་དང་དགོས་གཏུགས་རང་བཞིན་ལ་ཤེས་རྟོགས་གང་ལེགས་བྱེད་དགོས། བསམ་བློ་གཅིག་གྱུར་དང་འགན་འཁྲི་ཇེ་ནན་དུ་བཏང་སྟེ་གླ་ཆད་གནད་དོན་རྩ་བཅོས་བྱ་རྒྱུ་དེ་མང་ཚོགས་གམ་གྱི་སྤྱོད་ཚུལ་མི་ལེགས་པ་དང་རུལ་སུངས་གནད་དོན་བཅོས་སྐྱོང་གི་བྱེ་བྲག་ལག་ལེན་དུ་བརྩིས་ནས་ངལ་རྩོལ་པའི་ཁྲིམས་མཐུན་ཁེ་དབང་སྲུང་སྐྱོང་དང་དམངས་འཚོའི་མཐའ་ཚད་བརྟན་པོར་སྲུང་དགོས། གཉིས་ནས་བྱེད་ཐབས་བྱེ་བྲག་གིས་གླ་ཆད་འགོག་བཅོས་བྱེད་དགོས། གླ་ཆད་གནད་དོན་ཐག་གཅོད་བྱ་རྒྱུ་དེ་དམངས་འཚོའི་ལས་དོན་གལ་ཆེན་ཞིག་ཏུ་བརྩིས་ནས་ལེགས་པོར་འཛིན་དགོས། ད་ལོའི་ལས་འགན་གཙོ་བོ་དང་གླ་ཆད་བཅོས་སྐྱོང་གི་དགུན་དུས་བྱ་སྤྱོད་ལ་གཞིགས་ནས་ལས་གཞི་མགོ་མ་བརྩམས་གོང་གི་ཁག་ཐེག་དངུལ་དང་ལས་རྨས་འགན་སྲུང་། གླ་ཕོགས་ཆེད་སྤྱོད་གསུམ་པོ100%ཡིན་པའི་ཁག་ཐེག་བྱེད་དགོས། གནད་དོན་སྔ་མོ་ནས་རྙེད་པ་དང་བྱུར་རྐྱེན་སྔ་མོ་ནས་སེལ་བ། འགན་འཁྲི་སྔ་མོ་ནས་དོན་འཁྱོལ་གྱི་བླང་བྱ་གཞིར་བཟུང་། རྩད་ཞིབ་ཆོད་པའི་གླ་ཆད་གནད་དོན་ལོ་མ་སར་སྔོན་དུ་གཙང་སེལ་བྱེད་དགོས། གླ་ཆད་གླེང་ཕྱོགས་ལྟ་ཞིབ་དང་མཉམ་འགུལ་ཐག་གཅོད་ལ་ཤུགས་བསྣན་ནས་དྲ་ཕྱི་དྲ་ཐོག་མཉམ་འགུལ་སྒོས་སྤྱི་ཚོགས་ཀྱི་དོ་སྣང་བྱེད་བཞིན་པའི་གནད་དོན་ལ་དུས་ཐོག་ཏུ་ཚུར་སྣང་ཡོད་དགོས། གསུམ་ནས་འགན་སྲུང་ལ་ཁག་ཐེག་བྱས་ནས་ཐབས་མང་མཉམ་སྤྱད་ཀྱིས་ཆིག་ཤུགས་སྒྲིལ། སོ་སོའི་འགན་འཁྲི་ལས་བགོས་ལ་སྦྱར་ཏེ་ལམ་སྲོལ་འཛུགས་པ། ལག་བསྟར་སྡེ་ཁག་དང་ཡིད་རྟོན་ཤོར་བའི་ཁེ་ལས་ཀྱི་ཆད་གཅོད་ལམ་སྲོལ་དུས་ཐོག་ཏུ་འཐུས་ཚང་དུ་བཏང་ནས་ཁྲིམས་འགལ་མ་རྩ་མཐོ་རུ་གཏོང་དགོས། འགན་འཁྲི་དོན་འཁྱོལ་གནད་སྨིན་མ་ཡིན་པའི་ལས་ཁུངས་ལ་རིམ་པ་བཞིན་སྐོང་མོལ་གསལ་འདེབས་བྱེད་དགོས་ཤིང་། དྲིལ་སྒྲོག་སྣེ་ཁྲིད་ཞིབ་ཚགས་སུ་བཏང་ནས་དམངས་འཚོའི་མཐའ་ཚད་བརྟན་པོར་སྲུང་ཞིང་སྤྱི་ཚོགས་འཆམ་མཐུན་བརྟན་ལྷིང་ལ་སྲུང་སྐྱོང་བྱེད་དགོས་པའི་བླང་བྱ་བཏོན།