མདོ་ལ་རི་བོའི་རྒྱལ་ཁབ་སྤྱི་གླིང་མཚོ་སྔོན་འཇུ་ལག་ཆུ་རྒྱུད་ནི་ཆུ་བྱའི་ཚོགས་ཀྱི་ལྷ་ཡུལ་དུ་གྱུར་པ།

ཡོང་ཁུངས། མི་དམངས་དྲ་བ། རྩོམ་སྒྲིག་པ། ཀླུ་མགོན་རྒྱལ། 2024-01-24 08:43:47 ཀློག་གྲངས།278

ཞོགས་པའི་ཉི་ཟེར་མཁའ་ནས་ཤར་དུས་གཙང་པོའི་ངོས་སུ་འདབ་ཆགས་རྩེན། དགོང་ཁའི་མཚམས་སྤྲིན་མིག་ལ་འཚེར་དུས་འདབ་ལྡན་གཤོག་ཐོག་ཚང་ལ་བྲེལ། དགུན་གྱི་དུས་ཚིགས་འདིར། མདོ་ལ་རི་བོའི་རྒྱལ་ཁབ་སྤྱི་གླིང་མཚོ་སྔོན་འཇུ་ལག་རྫོང་འཇུ་ལག་ཆུ་བོའི་བཞུར་རྒྱུད་དུ། ངང་བའི་ཚོགས་ཀྱིས་ལྡེམ་ལྡེམ་གར་ལ་རྩེན་ཞིང་། བྱ་གག་སྣ་ཚོགས་ཆུ་ཁར་རྩེད་མོར་གཡེང་བས། ཡིད་འོང་གི་དགུན་དུས་ཀྱི་མཐོ་སྒང་གི་སྐྱེ་ཁམས་རི་མོ་ཞིག་མིག་སྔར་དུ་བསྟར་ཡོང་།

ཉེ་བའི་ལོ་འགའི་རིང་། མདོ་ལ་རི་བོའི་རྒྱལ་ཁབ་སྤྱི་གླིང་མཚོ་སྔོན་ཡུག་ཁུལ་གྱི་སྐྱེ་ཁམས་ཁོར་ཡུག་རྒྱུན་མཐུད་ངང་ཇེ་ལེགས་སུ་སོང་བ་དང་། གནས་འདིའི་དུས་བྱ་སྣ་ཚོགས་ཀྱང་རིམ་གྱིས་ཇེ་མང་དུ་སོང་སྟེ། བྱ་གག་དམར་ནག་དང་མགོ་ལྗང་བྱ་གག སྐྱར་མོ་སོགས་ཆུ་བྱ་མང་པོ་ནི་མདོ་ལ་རི་བོའི་རྒྱལ་ཁབ་སྤྱི་གླིང་གི་མགྲོན་པོར་གྱུར་ཡོད།

ཆུ་བྱ་སྣ་ཚོགས་འཇུ་ལག་ཆུ་བོའི་འགྲམ་རྒྱུད་དུ་ཡོད་པ།