ཧོ་ལི་ཧྥེང་གིས་ཨ་རིའི་ནོར་སྲིད་པུའུ་ཀྲང་ཡེ་ལུན་དང་བརྙན་ལམ་ནས་ཁ་པར་བཏང་བ།

ཀྲུང་གོ་དང་ཨ་རིའི་དཔལ་འབྱོར་ཚོང་དོན་ཀྲུང་གོ་ཕྱོགས་ཀྱི་སྣེ་ཁྲིད་པའམ་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཧོ་ལི་ཧྥུང་དང་ཨ་རི་ཕྱོགས་ཀྱི་སྣེ་ཁྲིད་པ་ནོར་སྲིད་པུའུ་ཡི་པུའུ་ཀྲང་ཡེ་ལུན་གཉིས་ཀྱིས་ཟླ1པོའི་ཚེས7ཉིན་བརྙན་ལམ་ནས་ཁ་པར་བཏང་། ཕྱོགས་གཉིས་ཀྱིས་ཀྲུང་གོ་དང་ཨ་རིའི་མགོ་ཁྲིད་པའི་ཐུན་མོང་ངོས་འཛིན་གལ་ཆེན་དོན་འཁྱོལ་བྱེད་པར་དམིགས་ནས། ཉེ་བའི་ལོ་ཤས་རིང་ཀྲུང་གོ་དང་ཨ་རིའི་དཔལ་འབྱོར་ཁྱབ་ཁོངས་ཀྱི་འགྲོ་འོང་མཉམ་ལས་ཀྱི་ཉམས་མྱོང་ལ་ཕྱིར་དྲན་དང་ཕྱོགས་སྡོམ་བྱས་ཏེ། ཀྲུང་གོ་དང་ཨ་རིའི་དཔལ་འབྱོར་དང་དངུལ་རྩའི་ལས་དོན་ཚོགས་ཆུང་སོགས་སྐད་ཆ་བཤད་རེས་ལམ་སྲོལ་གྱི་ནུས་པ་གལ་ཆེན་ལ་ཧུར་ཐག་སྒོས་གདེང་འཇོག་བྱས་ཏེ། བར་བརྒལ་དུས་ཡུན་ནང་འབྲེལ་གཏུག་རྒྱུན་འཁྱོངས་དང་མི་མཐུན་པའི་ཕྱོགས་ལ་དོ་དམ་ཚོད་འཛིན་བྱས་ནས་ཀྲུང་གོ་དང་ཨ་རིའི་དཔལ་འབྱོར་འབྲེལ་བ་མུ་མཐུད་བརྟན་ལྷིང་ཡོང་བར་མོས་མཐུན་བྱུང། ཀྲུང་གོ་ཕྱོགས་ཀྱིས་ཨ་རིས་ཀྲུང་གོར་དཔལ་འབྱོར་ཚོང་དོན་ཚོད་འཛིན་བྱེད་ཐབས་ཐད་དོ་ཁུར་བྱེད་པ་དང་ལྷག་པར་དུ་ཨ་རིས་ཉེ་དུས་ལག་བསྟར་བྱས་པའི་ཚོང་དོན་བརྟག་དཔྱད་སོགས་ཀྱི་ཐད་ལངས་ཕྱོགས་གསལ་བཤད་བྱས་ཡོད།

ཐེངས་འདིའི་བརྙན་ལམ་ཁ་པར་ནི་ལྷག་བསམ་ཟོལ་མེད་དང་གཏིང་ཟབ་པ། དགེ་མཚན་ལྡན་པ་བཅས་ཡིན་པ་དང་། ཕྱོགས་གཉིས་ཀྱིས་འབྲེལ་གཏུག་རྒྱུན་འཁྱོངས་བྱེད་པའི་གལ་ཆེན་རང་བཞིན་ལ་མོས་མཐུན་བྱུང་།  །