ཀྲའོ་ལི་ཅི་ཡིས་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨའོ་མིན་དམིགས་བསལ་སྲིད་འཛིན་ཁུལ་གྱི་གཞི་རྩའི་བཅའ་ཁྲིམས་ཨུ་ཡོན་ལྷན་ཁང་སྐབས་དྲུག་པའི་ཁོངས་མིར་བསྐོ་འཇོག་ཡི་གེ་གནང་།
ཚེས25ཉིན། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲའོ་ལི་ཅི་ཡིས་མི་དམངས་ཚོགས་ཁང་ཆེན་མོའི་ནང་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨའོ་མིན་དམིགས་བསལ་སྲིད་འཛིན་ཁུལ་གྱི་གཞི་རྩའི་བཅའ་ཁྲིམས་ཨུ་ཡོན་ལྷན་ཁང་སྐབས་དྲུག་པའི་ཁོངས་མིར་བསྐོ་འཇོག་ཡི་གེ་གནང་།
མཇུག་བསྒྲིལ་མ་ཐག་པའི་རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པའི་སྟེང་ཨའོ་མིན་དམིགས་བསལ་སྲིད་འཛིན་ཁུལ་གྱི་གཞི་རྩའི་བཅའ་ཁྲིམས་ཨུ་ཡོན་ལྷན་ཁང་སྐབས་དྲུག་པའི་ཁོངས་མི་བསྐོ་འཇོག་བྱས། ཁོ་ཚོ་ནི་ཀྲུའུ་རིན་ཧྲིན་ཁྲུན་ཡའོ་དང་། ཀྲུའུ་རིན་གཞོན་པ་ཚུའེ་ཧྲི་ཁྲང་དང་ཀྲང་ཡུང་། ཨུ་ཡོན་ཝང་ལིན་ཀུའེ་དང་ཝང་ཡུས། ལིས་ཧོན་ཅང་། ཁྲིན་ཏོན་ཧུང་། ཐང་ཞའོ་ཆིན། ཧོང་ལིའུ་ཆོན། ཧོང་ཞན་ཧུའེ་བཅས་རེད།
ཨའོ་མིན་དམིགས་བསལ་སྲིད་འཛིན་ཁུལ་གྱི་གཞི་རྩའི་བཅའ་ཁྲིམས་ཨུ་ཡོན་ལྷན་ཁང་ནི་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཁོངས་གཏོགས་སུ་བཙུགས་པའི་བྱ་བའི་ཨུ་ཡོན་ལྷན་ཁང་ཞིག་ཡིན་ཞིང་། དེའི་ནང་བསྡོམས་པས་མི་བཅུ་ཡོད་པ་དང་། ནང་ལོག་གི་མི་ལྔ་དང་ཨའོ་མིན་གྱི་མི་ལྔ་ཡིས་གྲུབ་ལ། འགན་འཁུར་ཡུན་ལོ་ལྔ་རེད། ཨའོ་མིན་དམིགས་བསལ་སྲིད་འཛིན་ཁུལ་གྱི་གཞི་རྩའི་བཅའ་ཁྲིམས་ཨུ་ཡོན་ལྷན་ཁང་སྐབས་ལྔ་པའི་འགན་འཁུར་ཡུན་མཇུག་བསྒྲིལ།
རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ལིས་ཧུང་ཀྲུང་གིས་བསྐོ་གཞག་ཡི་གེ་གནང་བའི་མཛད་སྒོར་མགོ་འཛིན་བྱས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注