བློ་མཐུན་ཀྲུའུ་ཀོང་ཡ་འཁྲུངས་ནས་ལོ100འཁོར་བར་དྲན་གསོ་ཞུ་བའི་བཞུགས་མོལ་ཚོགས་འདུ་པེ་ཅིང་དུ་འཚོགས།

ཟླ12པའི་ཚེས25ཉིན། བློ་མཐུན་ཀྲུའུ་ཀོང་ཡ་འཁྲུངས་ནས་ལོ100འཁོར་བར་དྲན་གསོ་ཞུ་བའི་བཞུགས་མོལ་ཚོགས་འདུ་པེ་ཅིང་དུ་འཚོགས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་བཞུགས་མོལ་ཚོགས་འདུར་ཞུགས་པ་མ་ཟད། ཚོགས་འདུ་མ་འཚོགས་སྔོན་བློ་མཐུན་ཀྲུའུ་ཀོང་ཡའི་གཉེན་ཉེ་ལ་མཇལ་འཕྲད་གནང་།

ཟླ12པའི་ཚེས25ཉིན། བློ་མཐུན་ཀྲུའུ་ཀོང་ཡ་འཁྲུངས་ནས་ལོ100འཁོར་བར་དྲན་གསོ་ཞུ་བའི་བཞུགས་མོལ་ཚོགས་འདུ་པེ་ཅིང་དུ་འཚོགས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་ཧུའུ་ཉིང་བཞུགས་མོལ་ཚོགས་འདུར་ཞུགས་པར་མ་ཟད། ཚོགས་འདུ་མ་འཚོགས་སྔོན་བློ་མཐུན་ཀྲུའུ་ཀོང་ཡའི་གཉེན་ཉེ་ལ་མཇལ་འཕྲད་གནང་།

བློ་མཐུན་ཀྲུའུ་ཀོང་ཡ་ནི་རང་རྒྱལ་གྱི་ཉིང་རྡུལ་ཚན་རིག་ལས་དོན་གྱི་གསར་གཏོད་པ་གཙོ་བོའི་གྲས་ཤིག་དང་།    ཀྲུང་གོ་ཚན་རིག་གླིང་དང་ཀྲུང་གོ་བཟོ་སྐྲུན་སློབ་གླིང་གི་ཆེད་མཁས་ཡོན་ཧྲི། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་རྒྱལ་ཡོངས་ཨུ་ཡོན་ལྷན་ཁང་སྐབས་བརྒྱད་པ་དང་དགུ་པའི་ཀྲུའུ་ཞི་གཞོན་པ་བཅས་ཡིན།

རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་ཧུའུ་ཁྲུན་ཧྭ་ཡིས་བཞུགས་མོལ་ཚོགས་འདུའི་སྟེང་བློ་མཐུན་ཀྲུའུ་ཀོང་ཡའི་གཟི་བརྗིད་ལྡན་པའི་མི་ཚེ་ལ་དྲན་གསོ་ཞུས་པ་དང་།     ཁོང་གིས་ཏང་ལ་ལྷག་བསམ་རྣམ་དག་བྱེད་པ་དང་།   ཁ་དན་ཚིག་གནས་བྱེད་པའི་ཆབ་སྲིད་གཤིས་རྒྱུད་དང་།    ལྷག་བསམ་རྣམ་དག་གིས་རྒྱལ་ཁབ་ལ་དྲིན་ལན་འཇལ་བ་དང་བློ་ཐག་རྦད་ཆོད་བྱེད་པ།    སློབ་གཉེར་གཟབ་ནན་དང་སྤོབས་པ་ཆེན་པོས་ཡང་རྩེར་སྙེག་པའི་གསར་གཏོད་སྙིང་སྟོབས།   སྤྱོད་ཡོན་གཉིས་ལྡན་དང་གཞན་ལ་མིག་དཔེ་སྟོན་པའི་བླ་ན་མེད་པའི་ཉམས་འགྱུར་བཅས་ལ་སློབ་སྦྱོང་བྱེད་དགོས་ཞེས་ནན་གྱིས་བསྟན་པ་དང་།    སྐྱོད་ལམ་གསར་པའི་སྟེང་ང་ཚོས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་ཟབ་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་ཕྱོགས་ཡོངས་ནས་སྐུལ་འདེད་གཏོང་ཆེད་མཐུན་སྒྲིལ་འབད་འཐབ་བྱེད་དགོས་ཞེས་བསྟན།

རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ། དྲུག་ཡིག་ཆེན་མོ་ཝང་ཧུང་ཧྥིན་གྱིས་བཞུགས་མོལ་ཚོགས་འདུར་མགོ་འཛིན་བྱས།